獨家分手剖白 何超蓮:畀人利用咗幾年

賭王何鴻燊「最索千金」何超蓮,於十二月一日發表了一段極感性的「分手宣言」,宣布與台灣歌手吳克群的四年情正式告吹,據知原因是有人拈花習性始終不改,但當中真正原因至今眾說紛紜。

Ads by Google

為治情傷,何超蓮和眾美女好友出埠散心之餘,又在李蘊陪同下到太子街邊吃美味叉燒飯,更首度開腔向本刊剖白分手心情,她一邊飲汽水一邊說:「我畀佢利用咗幾年!」說時態度淡然。其實靚女自然多人追,這個聖誕節超蓮身邊就出現了緋聞男友劉根森,兩人更同到中環嘉年華玩樂。

超蓮解釋為何連月來封嘴不提舊愛:「因為唔想再幫人宣傳喇!我畀佢利用咗幾年!」

何超蓮和李蘊完全不介意環境平民化,坐在舖頭門外街邊,高高興興嘆叉燒飯。

她除了點芝士叉燒飯,還有切雞飯,胃口非常好,完全沒有因失戀而影響心情。

親口回應

日前下午,素顏的何超蓮紮起馬尾、身穿便服,現身太子道一間平民燒味店,她與好友李蘊坐在小店的街角露天位置開餐,雖然現場人多車多又大塵,街邊兩旁更堆滿雜物,但完全沒有影響這位豪門千金的食慾,即使坐在街邊開餐亦非常寫意,一邊大啖食叉燒飯,一邊飲汽水,與李蘊細聲講大聲笑,完全沒有失戀的跡象。

本刊記者上前問她近況如何時,超蓮禮貌地回應:「我無嘢講喇!」再問她為何分手?她笑笑口說:「我講你知!點解呢排咁多記者問我,我都唔回應呢?因為我唔想再幫人宣傳喇!我畀佢(吳克群)利用咗幾年!」為何覺得被利用?超蓮:「佢同咗我一齊之後,愈來愈多人識佢!總之你哋唔好再寫佢啦!提佢即係幫咗佢!唔想畀人搵我同佢拉埋一齊講。」

訪問期間,她的閨蜜李蘊亦忍不住說:「有啲人係包裝得自己好好,表面功夫做得好好,你唔明o架喇!」超蓮再說:「有乜事你搵佢(李蘊)啦,佢(李蘊)好似我代言咁幫我回應,哈哈!」雖然超蓮說被吳克群利用,但全程表現得非常淡然,隨後繼續嘆她的芝士叉燒飯,還邊食邊說:「真係好好味!」更拿出手機幫美味的午餐影相。

全站熱搜

tvb4life 發表在 痞客邦 留言(0) 人氣()