最近因小王子的電影上映,小王子刺繡系列證件扣非常受歡迎,半個月已賣出約 30個。 Jillian說:「我會留意住潮流,去設計證件扣圖案,呢個係期間限定款式,賣晒未必再造。」

Jobs Live

白衣天使的圖案證件扣

Ads by Google

大台剛播畢劇集《實習天使》,相信加深了電視迷對護士工作的認識。註冊護士 Jillian和 Candy從醫護人員佩戴職員證的習慣中,找到創作靈感,用刺繡及滴膠兩種方法,設計了不同圖案的證件扣,在網上出售,深受醫護同行的歡迎,為同僚的統一制服,添上一點特色。

註冊護士 Jillian和 Candy製作的圖案證件扣,是醫護人員每天工作的必備品, Jillian說:「醫生護士會用證件扣將職員證扣喺衫袋,方便出入病房時拍卡。」證件扣分刺繡及滴膠兩款,價錢由$40至$100不等,她們透過 facebook及 ig銷售,每月平均賣近 100個,月入約$10,000。




電視劇《實習天使》中,學護的衣領上都時刻掛着職員證。


Jillian和 Candy平日都會用自家製證件扣,將職員證扣在衣領,「我哋希望將證件扣造得別緻啲,令同僚嘅制服上有一個小點綴。」 受醫護界追捧

今年 26歲的 Jillian和 Candy是大學同學, 2人同樣愛造手作, Jillian說:「做學護時,我哋要喺唔同嘅專科實習,當完成實習期就會派散水餅,多謝曾指導自己嘅護士前輩,但我覺得派西餅太行,就用碎布整咗圖案證件扣送畀前輩,佢哋收到都好鍾意。我又整多咗幾個證件扣自用,同事見到靚,就問我可唔可以賣畀佢。我同 Candy發現圖案證件扣喺醫護界有市場,就決定合作喺網上賣自己設計嘅證件扣。」
15年 6月,她們正式成立「護士名物」,售賣自家製的證件扣, Candy說:「 9成客人都係醫療界人士,以護士、學護居多。最受歡迎嘅刺繡圖案係心電圖、人體器官、針筒等與醫護有關嘅設計。曾經有護士前輩一次過買咗 30個證件扣,用嚟做一個護理界周年晚會嘅紀念品,好多同行都會捧我哋場。」




Jillian和 Candy(右)平日工作忙碌,製作證件扣犧牲了不少私人時間,「有時返完通宵更,可能緊接住返晏晝,中間只差 7、 8個鐘,我哋就會留喺醫院休息,並趁呢啲時間,整吓證件扣。」


美少女戰士證件扣是今年夏天的期間限定設計,當時 Jillian有不少同事,會訂購整個系列收藏。 圖案設計跟潮流

除了從醫院的工作環境找設計靈感外, Jillian和 Candy亦會多留意現時流行的事物, Jillian說:「之前見日本推出咗好多美少女戰士嘅產品,我就設計咗一個美少女刺繡系列嘅證件扣,個幾月賣咗 200個。 Candy見𠵱家好流行 mt紙膠帶,就用紙膠帶造滴膠款式嘅證件扣, 3個月都賣咗近百個。」
透過醫護同行的口耳相傳,成功吸納了同儕的支持者, Jillian表示希望可吸引其他客人,「同事有幫我哋喺 facebook share,增加曝光率;今年 9月,我哋都開始擺市集,向鍾意手作嘅朋友,推介我哋嘅證件扣。」




心電圖刺繡證件扣$80心電圖刺繡證件扣是長期的熱賣產品, Jillian表示:「好多男護士會買心電圖設計,因為個圖案比較中性,適合男性佩戴。」


紙膠帶滴膠證件扣$68Candy指用 mt紙膠帶造滴膠證件扣會較方便,因紙膠帶有一層膠膜,圖案遇熱時也不會化開。


心臟刺繡證件扣$90器官圖案是另一個受歡迎的刺繡系列,其中以心臟圖案最暢銷。


星空滴膠證件扣$88Candy在滴膠中加入閃粉,製作成星空滴膠證件扣,非常閃亮。 

Mie(客人):
我係台灣嘅護理師,喺 ig見到有專為護理人員設計嘅刺繡證件扣,而且有美少女戰士嘅圖案,我即刻透過 ig訂咗一個。

facebook@【 liu1 lang1】護士名物

點整滴膠證件扣?

 




1.將 mt紙膠帶貼在證件扣上。


2.在證件扣表面加上膠水,固定圖案。


3.用 UV燈將膠水曬乾。

撰文:杜曉婷
攝影:劉宇軒(部分圖片由被訪者提供)
場地提供: Kubrick APM

 

tvb4life 發表在 痞客邦 留言(0) 人氣()