Karmen 21歲香港知專設計學院展覽設計高級文憑 Yr. 1要避免在派對上飲醉失儀, Karmen與峯指飲酒要量力而為,「我酒量唔係好好,飲半支紅酒都會腳步浮浮,所以都會揀番酒精濃度較低嘅氣泡酒,高興飲多少少都唔怕醉。」

U撈

大專生賣氣泡酒 專攻 party生意

Ads by Google

不勝酒力的朋友,最怕在節日派對上喝得酩酊大醉,酒醉失儀。
就讀知專設計學院展覽設計文憑的 Karmen,看出不少人有想飲酒但又怕醉的煩惱,故和朋友峯一起創立餐酒網店 Taste Vida,主打好飲、酒精濃度較低、外觀閃亮的星空氣泡酒,透過試酒會去宣傳,成功吸引年輕人訂購來舉辦派對。

採訪當日, Karmen推介星空酒最適合在派對上飲用,酒精濃度比紅、白酒低一半,「開 party飲啤酒唔係太啱氣氛,但紅、白酒對平時少飲酒嘅朋友嚟講,好易醉。星空酒係一種 sparkling wine,酒精濃度約 6%至 7%,同啤酒嘅濃度差唔多,味道較重果味、偏甜,少飲酒嘅人都會覺得好易入口。加上酒內含食用閃粉,一搖會出現閃令令嘅光澤,好似星光,非常啱喺 party飲用。」
今年 11月, Karmen和朋友峯合作,在 facebook及 ig開網店 Taste Vida,售賣各種氣泡酒,「我哋暫時引入咗 3款 sparkling wine,星空酒、藍月亮及 Moscato,酒精濃度約 5%至 8%,價格由$200至$350不等。客人通常係二十出頭嘅後生仔,佢哋多數買嚟開 party,每月約售出 30支,月賺約$3,000。」




星空酒內含食用閃粉,一搖閃粉會浮動,仿如星空。


客人若想參加試酒會,可經 facebook或 ig報名, Karmen表示:「客人買酒都鍾意試過,啱自己口味先至買,試酒會正正係一個渠道,畀客人試過鍾意,先買返去飲。」


為了增進對不同餐酒的認識, Karmen和峯會一起逛餐酒專門店。 酒商朋友助創業

Karmen就讀展覽設計課程,課餘時間會在展覽會上做兼職工作人員,「我性格比較外向,會主動同會場上嘅參展商傾偈,喺美食展覽上識咗一啲酒商。有次聽峯講起,佢有興趣做酒嘅生意,我就話可以介紹啲酒商佢認識,傾傾吓自己都想試吓創業,最後決定一齊喺網上賣酒。」
所謂「出外靠朋友」, Karmen在朋友的穿針引線下,找到現時的氣泡酒供應商,「酒商向我哋推介西班牙嘅星空酒,我見外觀閃令令,都幾吸引,加上酒精濃度較低,連平時唔太好酒嘅我,都連續飲咗 2杯。我同峯都覺得氣泡酒會適合少飲酒,又易醉嘅朋友開 party之用,既可飲酒助興,又唔怕飲醉失儀。另外,酒商知道我哋係創業初哥,畀我哋接到單先拎貨。」




火龍果水果片$40除了售賣氣泡酒外, Karmen最近更在網店引入風亁水果片,適合配搭氣泡酒一起享用。


香橙水果片$40 酒的最佳配搭

要向客人推介氣泡酒, Karmen要掌握氣泡酒的最佳配搭,「我係餐酒門外漢,要了解產品,都係請教酒商,從中得知星空酒最啱配 nuts、藍月亮要避免同重口味嘅食物一齊品嘗、 Moscato就同 BBQ最夾。我會邊聽邊做筆記,記熟啲資料,亦會親身去試酒商推介嘅配搭,真係好味先介紹畀客人。」
星空酒是新鮮產品,未必人人了解其味, Karmen就舉辦試酒會推廣新產品,「我哋搞過兩場試酒會,當係開 party,叫朋友帶啲 friend嚟參加。除咗有唔同嘅氣泡酒畀大家試飲外,我同峯亦會準備小食,客人覺得好飲,可以即場向我哋買酒。每次試酒會約有 20人參加,收費$150至$200,一半以上嘅客人都會當場買番支酒,宣傳效益理想。」
Karmen一面讀書,一面做氣泡酒生意,雖然忙碌,但她會繼續堅持,「我計劃去上餐酒嘅興趣班,增強自己嘅品酒知識。另外,我哋亦開始問身邊正籌備婚禮嘅朋友,睇吓可唔可以向佢哋供應氣泡酒,接婚宴等大型 event嘅生意。」




Oro金色星空氣泡酒$350星空酒共有 3種味道,分金、銀及橙色,金色含青蘋果味、銀色較甜、橙色有西柚味。


Oro銀色星空氣泡酒$350


Moscato氣泡酒$220Moscato有陣陣花香,味道偏甜,受女士歡迎。


Blumond藍月亮氣泡酒$200藍月亮入口帶有桃味,適合配搭水果等清淡的食物。 

Calvin(客人):
我平日冇飲開酒,但最近聖誕、新年開 party,都想有酒助興。氣泡酒嘅酒精濃度較低,而且果味重,用嚟做派對飲品最啱。

facebook@Taste Vida

撰文:杜曉婷
攝影:楊程(部分圖片由被訪者提供)
場地提供: Base Darts

tvb4life 發表在 痞客邦 留言(0) 人氣()