Melissa表示刺繡的多層次及變化令她深深着迷,「想更多人着到我設計嘅服飾,𠵱家客人由 25歲至 40幾歲都有。」

青雲路

情迷刺繡

Ads by Google

刺繡給人傳統、老氣、隆重等感覺,往往不是年輕人的那杯茶,而擅長刺繡設計的服裝設計師 Melissa,希望打破慣例,為迎合年輕人口味,及成為日常穿着,在 13年成立自家品牌 Melissa Bui,出品刺繡時裝及訂造晚裝服務,深受一班年輕的專業人士及闊太歡迎。

Melissa Bui是一間時裝及晚裝店,店中提供零售及度身訂造服務,身為創辦人及設計師的 Melissa,擅長將刺繡融入服裝上,設計帶有青春及時尚的氣息,早前黃翠如、連詩雅等藝人,亦有穿着 Melissa Bui的服裝出席活動。
「刺繡畀人感覺係傳統、成熟及有啲老氣,但我覺得刺繡可以畀到人青春、時尚嘅感覺,就算 casual着都可以。其實只要係用針線喺織物上剌繡各種裝飾圖案,都可以叫做刺繡,好似釘珠片、繡出花嘅圖案等,刺繡可以造到唔同花樣。我會以簡約、幾何圖案去組合設計,避免大面積嘅繡紋,令人易啲接受,同時更易配搭。」
今年 27歲的 Melissa,於小時候已對時裝設計產生興趣,「細個好鍾意幫公仔換衫,仲會玩簡易版嘅刺繡,預先設有虛線,照住穿過去會形成圖案。我覺得成為計設師係唔錯嘅選擇,之後去咗英國嘅 London College of Fashion,報讀咗刺繡設計。」




早前黃翠如及連詩雅亦有穿着 Melissa Bui的服裝出席活動。





Melissa找來一些 instagram的時裝名人穿着 Melissa Bui的服裝,如圖中的 apairandaspare就有 14萬 9千個 followers,讓品牌可以讓更多人得知。 先學湊客

11年畢業回港,為了吸收經驗, Melissa加入了 Barney Cheng的團隊,讓她踏上晚裝設計師之路,「有諗過創立自己嘅品牌,但想先了解市場,同時累積工作經驗。 Barney Cheng係香港出名嘅晚裝設計師,我當時負責設計晚裝,除咗設計技巧外,我仲學到點同客人溝通,做生意始終以客人為先,明白喺設計上有時都要讓步,滿足客人要求之餘,同時亦保持到自己嘅設計,係重要嘅一課。」
13年, Melissa決定成立 Melissa Bui,租用位於尖沙咀商業大廈的一個 300呎單位作 studio,「公司啱啱成立,規模唔大,搵布源好有難度,一次拎嘅貨量唔多,批發商唔多理我,要搵好多間,仲要用較高價錢先拎到貨;另外刺繡設計要求較高,請人都唔容易,做老闆真係有多嘢要煩同兼顧。」




平常 Melissa就坐在座位上,拿起針線繡出不同的刺繡圖案,「繡一個圖案往往要用 1日時間,拮到手係等閒事,自己真係鍾意刺繡設計,呢啲事冇計。」


在工作室的壁報板上貼滿了 Melissa的設計圖,「一有 idea就會畫低,有咩地方唔啱再慢慢去改。」 全人手繡製

Melissa Bui提供現貨及晚裝訂造服務,服裝上的刺繡全是人手繡製,「初頭設計以晚裝及長裙為主,但反應唔係好熱烈,之後推出上衣、恤衫及短裙等,方便客人去配搭。」
Melissa表示為客人設計要考慮穿着場合、主題及料要求等,由起草到交貨需要 3個月的時間。
「客人多數係專業人士及闊太,大多係欣賞我嘅設計,多數修改 1至 2次設計圖就能滿足到客人嘅要求,但刺繡係一個費時工序,我起咗個辦後,會運去印度搵師傅刺繡手刺繡,當地嘅人手刺繡水平好高,再由我哋嘅師傅縫製成衣服,之後會畀客人試身微調,需要唔短嘅時間。」




Posidonis gown,sequin embellished gown with detachable bow$32,700Melissa.設計這條刺繡裙的靈感,來自海底的珊瑚。


Abelia dress,sequin and thread embellished shift dress$19,500


Rosewood dress,lace embellished scalloped midi dress$7700 靈感來自日常


Melissa不時與縫紉師傅溝通設計的意念及裁剪衣服的要求,「自己中文唔好,最初啲製衣術語名詞唔知點講,要用動作加圖去講,𠵱家磨合過,同班師傅溝通完全冇問題。」

Melissa的設計靈感多來自日常經歷及體驗,「好似今季 16年系列,就係我之前去馬爾代夫浮潛,珊瑚海與海洋令我留下深刻嘅印象,我就將珊瑚嘅結構紋理加入到刺繡上,配合壓碎嘅閃片及細小嘅珠片,呈現大自然嘅瑰麗形狀。」
現時 Melissa每月要處理約 30個客人的訂單,訂造每件服飾,收費由$15,000至$50,000不等,「我每年都會推出兩季新系列,每日就喺度畫圖及造辦,然後再揀邊啲可以出街;另外,我哋會提供訂造晚裝服務,因應客人喜好,為佢設計出佢專屬嘅款式,因有啲客出席活動或者晚會,唔想同人撞衫。」

找名人合作宣傳

Melissa Bui有不少客人來自舊客的推介, Melissa表示在來年會加強宣傳,「今年我哋搵咗間 pr公司幫我哋宣傳,仲搵咗一啲名人合作,好似之前搵咗黃翠如、連詩雅、朱慧敏等名人着我哋嘅衫出席活動,另外亦有同 instagram及 blog嘅紅人合作,希望畀多啲人知道我哋嘅品牌。」
早前, Melissa更與 Harvey Nichols傾成合作,「嚟緊 2月可以喺佢哋嘅店鋪買到我設計嘅衫;另外,我哋都想試吓搞 pop-up store,試吓市場反應,如果可以嘅話,當然想開地鋪啦。」




每次設計服裝, Melissa愛在物料上作不同嘗試,「會加入棉、絲及羊毛等,睇吓會唔會出現驚喜。」


14年, Melissa Bui搬去了上環,在約 1,000呎的空間內,前面是店面,後面是工作室及縫紉的地方。 後記︰原創無價

上到 Melissa Bui的店,見到一件簡約的純白色上衣,標價約$2,000,可能你會覺得昂貴,這讓我想起早前看過的一段短片,設計師左忙右忙,最後只收到 3位數的工錢,世上有些東西是難以去量度,尤其是原創設計,真的是無價。

Melissa Bui
http://www.melissabui.com 

點入行?

Melissa表示要成為時裝設計師,可先修讀時裝設計課程,掌握時裝設計技巧,「擁有基本技巧後,如想嘗試創立自己嘅品牌,應該先去唔同嘅品牌公司汲取經驗;另外,要明白有自己嘅品牌唔代表你想點設計都得,始終要同市場接軌,所以有做好心理準備,要做時裝設計師,一定要有熱誠同堅持,先有機會成功。」

服裝及紡織(榮譽)文學士學位組合課程
學校︰理工大學
年期︰ 4年全日制
學費︰$42,100( 1年)
內容︰時裝設計、縫紉工序、紙樣設計、紡織品加工、市場及統計學等。
查詢︰ http://www.polyu.edu.hk 

晉升階梯

高級設計師( 4年經驗或以上)
約$15,000至$20,000

設計師( 2年經驗或以上)
$13,000-$15,000

助理設計師( 1年或以上經驗)
$9,000-$11,000

見習生(毋須經驗)
約$8,000起

撰文:曾志恒
攝影:陳子禮、劉宇軒(部分圖片由被訪者提供)

 

文章標籤

全站熱搜

tvb4life 發表在 痞客邦 留言(0) 人氣()