奶皇流沙包$49Kiki& Lala頭像超可愛,一掰開,混合了好立克的流沙即湧出來,正!

潮𡃁便當

飲啖茶食個包

Ads by Google

個個禮拜都同屋企人飲茶,係溫馨但好悶,點樣飲茶先夠型?識食梗係食新派點心!近年不少點心專門店冒起,有以卡通嘜頭做賣點,又有主打健康的點心,賣相精緻兼全日都有得食,啱晒鍾意相機食先的你。

Hit爆聯乘  Little Twin Stars卡通食落肚

年初於尖沙咀開幕的 DIM SUM ICON,憑可愛的梳乎蛋點心一度成為城中熱話,個個不怕等位都爭住去試食,最近品牌又有新搞作,在中環開分店,同時推出 Little Twin Stars聯乘點心,卡通粉絲又多個地方朝聖!今次聯乘有十二款全新點心和三款甜點,款款都有粉紅和粉藍色的 Kiki& Lala模樣,均是以激光將圖案射上食用米紙,如此夢幻的點心確實少見。用餐環境比尖沙咀店寬敞,分為不收加一的立食區、舒適的坐食區和能容納 11人的 VIP房,趕忙快食午飯或跟朋友慢慢歎茶都得, Little Twin Stars粉絲臨走前記得買走限定餐具及精品!




彩色蝦餃$59以 LittleTwin Stars主調顏色來打造的蝦餃,賣相飽滿,睇到即想食。


原粒帶子燒賣$69以原粒紐西蘭特大帶子取代傳統大蝦,配上手切豬肉燒賣,爽口彈牙,很有鮮味。


鮮蝦腸粉$49鮮蝦腸粉以新鮮大蝦、帶子、蟹柳和即叫即蒸的腸粉造成,夠晒新鮮。


Kiki Lala星星奶凍$49北海道 3.6牛乳造成的奶凍,味道香濃,可自行加入星星配飾,有得食又有得玩。 

DIM SUM ICON
中環德己立街 1-13號世紀廣場 B/F( 2807 1682)

食豬八戒?中環新派玩味點心

去酒樓飲茶雖然食到傳統點心,但好多時賣相都唔夠趣,最近新開的點心餐廳 YUM CHA將傳統點心賦以精緻賣相,把包點菜式變成大眼仔和豬仔造型,非常搞鬼,絕對能迎合相機食先的香港人。創作出這些得意點心的是曾於香港迪士尼酒店、唐宮小聚等工作的年輕總廚 Winson,他希望將中式點心加入創新元素,同時保留傳統風味,故這裡選用新鮮時令食材入饌,而且不加味精。餐廳環境方面都很有驚喜,門口的灰色大貨車、工廈格調裝潢、開放式廚房等,融入了西方元素;鳥籠、錢箱等作菜式器皿則有舊式茶樓的味道,中西合璧,相當有心思。




睇住流奶$49包如其名,一口咬下,奶皇餡傾瀉而出,的確要「睇住」;包的表皮顏色以甘筍的天然色素製成,可放心食用。


鴿吞鳳梨$59小鳥造型賣相很精緻,配真鳥籠出場,很有趣,食落嚐到菠蘿的甜味,有驚喜。


麻辣燒賣$49選用新鮮蝦仁及豬的赤肉,一滑一爽,相當有口感,配以自家秘製辣椒油很惹味。


蘋果花撻$49將富士蘋果片出一塊塊薄片,拼成花形,再放上撻面,十分考功夫;蛋撻滑溜,酥皮鬆化,口感層次豐富。


一籠八戒$49採用豬的梅肉部位,肉汁充沛;可愛豬仔造型,輕易俘虜港女的心。


店內設有開放式廚房,客人可望到師傅整點心,也是一種樂趣。 

食客 Blue( 20多歲 銷售員):
「點心賣相好得意,流沙奶皇包熱辣辣又好流心,下次會再返嚟食。」



YUM CHA
尖沙咀加連威老道 20-22號 3樓( 2751 1666)

食得健康 無添加有機點心

常說飲茶吃點心很肥膩,其實想食健康少少的點心,最緊要識搵好地方。中環 PMQ內的餐廳 Sohofama,向來以有機和健康菜式作招徠,唔講唔知原來亦有點心食。這裡每天供應有機點心,每逢週日更有$480位的 brunch,可以任吃點心和任飲香檳。點心以有機蔬菜炮製,肉類亦是有機貨色,如南翔有機小籠包,肉味濃郁,配上由本地香草醬汁,簡單又美味。店家採用公雞湯匙、舊式熱水壺等富舊香港情懷的餐具,室外座位亦有不少植物作點綴,在這裡用餐健康又 relax。




有機黑松露小籠包$128選用有機豬肉,肉質鬆軟,品嚐時黑松露香味充斥口腔,與湯汁融合,很有水準。


蒸有機素餃$78以每天在本地農場送來的有機小唐菜製成,味道清甜。


料理叉燒包$58(前)、有機豬肉生煎包$68(後)叉燒包外層鬆脆,生煎包裡的豬肉不加味精,味道香濃,份外可口。 

食客 Ari Kim( 30歲  part-time professor):
「專程來試小籠包,之前在其他地方都食過,但覺得呢度最好食,肉質口感特別,亦很健康。」



Sohofama
中環鴨巴甸街 35號 PMQ元創方 A座 G09至 G14號舖( 2858 8238)

撰文:彭詩琪
攝影:崔百祥、劉宇軒

文章標籤

全站熱搜

tvb4life 發表在 痞客邦 留言(0) 人氣()