菠蘿包未必有菠蘿,而葉師傅套木人樁,真係用木造!

A.C.G.U.

宇宙.最強

Ads by Google

「詠春、葉問」,丹爺套《葉問 3》,兩下小念頭格開《星戰 7》光劍成香港票房冠軍,而佢本身出年仲會拍《星戰外傳》,果然係宇宙最強。
而 Enterbay呢款 real masterpiece《葉問 3》 12吋,頭雕精美、配件背景勁足料,早前在 TOYSOUL玩具展 2日賣斷,氣勢同樣係勁。

以東方人頭雕嚟計,記者覺得 Enterbay係眾多 figure廠中做得最準確,相比起同廠過去推出的葉問,新作頭雕唔只官圖似,連大貨都仲係咁似真人,可以話係省招牌之作。配件方面, EB好肯花心機用布料、木材做衫同背景、小物,大公司因產量同品質控制問題,一般都會避免咁做,因為今時今日上色技術發達,膠料都模仿到好似金屬同木紋,但見到葉問件外套竟採用盤結鈕扣(雖然著件衫都要 10分鐘)、對功夫鞋係用布料一層層疊出鞋墊,仲有木製木人樁、金屬刀,嗰份精心雕琢的心思,同埋一份手作製品的原始味,始終令人欣喜。呢份親切感,就好似《葉問 3》喺香港佔盡地利人和,打敗《星戰 7》一樣。




《拳》長衫衫尾藏有鐵絲畀你自製起風效果。


《刀》跟張晉對打時使用的八斬刀,係以金屬製成,刀柄更包有布條。


《棍》詠春棍法,一隻手係拎棍尾,唔好當咗係悟空拎如意棒咁樣 set動作。

下批貨 1月頭就到,睇完丹爺打泰臣好快快出手,等到 1月 29號外國上畫,到時鬼佬都嚟話:「我要買十個」,買唔到就喊都無謂。




《拳》葉問師傅說話唔多,主要係靠拳頭演戲,所以就連基本的掌形,那怕手指微細角度分別, Enterbay都分別做多一套。(其 5對)


《微》鞋底使用布料層層疊製而成,外衣使用中式盤結鈕扣,需要用鉗仔先扣到鈕,別用蠻力、棉繩會弄斷。


《集》全套 figure包括雙面背景咭、詠春正宗牌坊、木人樁、八斬刀、長棍、灰色長衫、 5對手掌, display stand。

Enterbay $1,480
旺角廣華街仁安大廈 12號地鋪( 2332 3615)

撰文:鍾世傑
攝影:陳子禮

 

文章標籤

全站熱搜

tvb4life 發表在 痞客邦 留言(0) 人氣()