阿媽幫手買靚袋 廿四孝林鳳嬌勁錫房祖明

林鳳嬌與房祖名於八月尾低調回港。林鳳嬌因為知道囝囝唔方便現身,停止他出席在港公開場合。但祖名亦按耐不住,偶有到老蘭夜蒲止止癮。日前,廿四孝阿媽林鳳嬌幫祖明到名店購買意大利名牌背囊。其後又到超市買餸及買生果,想必為祖名煮大餐。

Ads by Google

房祖名去年八月在北京,因容留他人吸毒被判有期徒刑半年,二月中獲釋後,與母親林鳳嬌結伴返台灣生活,其間又再次製作國語專輯努力洗底。林鳳嬌一向出名錫祖名,於出事後,去年二月在台北信義區,斥資五千八百萬港幣購入「台北信義」豪宅送給祖名,得知囝囝將獲釋,林鳳嬌更重新裝修豪宅迎接他回家。有消息話,雖然林鳳嬌很想祖名留在台灣生活,但囝囝堅持要回港,她亦百分百支持。

六十二歲林鳳嬌,日前被拍到戴住黑超同女友人現身銅鑼灣利園商場行街,期間走入一間名店,手執一個價值一萬二千元港幣的新款男裝黑色皮背囊細看,作過海關式睇真啲後再試上身,往鏡照完左再照右,店員又出力sell,多次強調「後生仔孭好好睇。」兩人在店內逗留半小時,拿著靚袋出門口。

買完袋,林鳳嬌同女友人再於時代廣場地庫的超市買東西。只見林鳳嬌先往生果區密密揀,睇完梨再專注揀提子,然後轉戰蔬果及乳酪區。期間,女友人拎起祖名媽打算買的乳酪告知將過期,眼利又心思細密的林鳳嬌即說:「唔係,十一月廿五先過期,你睇錯,買四支啦!」隨即再往醬汁區慢慢揀,無論黑酢還是沙津油,兩位女士都好認真揀,睇成份又睇到期日,最後買滿一大籃健康又有益的食物回家,祖名當晚有禮物收又有食神,認真開心!

林鳳嬌一向出名錫祖名,為祖名樣樣做到足。

日前林鳳嬌到名店買後生仔靚袋,先海關式驗貸,再孭上身試真啲,實行將最好送畀囝囝。

之後,林鳳嬌又到超市買最靚食材回家,睇怕祖名嗰晚好食神!

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()