So Comment

堅尼地城堅正外賣店  Sunday's Grocery 地址:堅尼地城吉席街 66-68號 電話: 2628 6001 (甲-) (蘇施黃)

Ads by Google

堅尼地城真係要多謝 MTR…
邊個話無生意?邊個話個市靜?
你哋去堅尼地城打個白鴿轉,處處都係新店,處處都係人!
而家開鋪唔係盲目有錢就開得……咁樣有錢都會變窮人,大家真係要做市場調查,好了解客人心理和需要和渴求先至會掂。加拿大仔 Matt真係個叻仔,由 Zuma出來自開 Yardbird, my favourite yakitori restaurant,超好食又有氣氛, Yardbird晚晚 6點才開門,無得訂位, 6點前已有人排隊,排足幾年!出品幾年來亦 keep得非常好。

最近 Matt又喺堅尼地城開咗間外賣點 Sunday's Grocery,那天我本來去斜對面嘅「潮福」食海鮮,早咗,於是四圍逛逛,逛咗入去……發現企滿人,店又細又唔多嘢賣,酒就多,點解企滿人呢?原來個個喺度等外賣,好聰明吖,而家香港只要有人排隊就自然有人跟住排,間店多人自然你又想入去!全香港都屬「羊」嘅!買外賣嘅人多數係外國人,單身,二、三十歲,我留意每個外賣都百幾蚊!而家幾多搵到錢嘅後生住喺堅尼地城呀。我有兩個 friend都買咗「泓都」畀仔女住……放工仲煮飯?買啲正外賣,合晒身份!







試酒…

外賣收銀鬼仔好面善,你知我又唔認得人,佢對住我話:「 finally u r here……」吓?!邊鬼個?佢話我喺 Yardbird落嚟做,這時我才知道原來係 Matt開的。百忙之中,佢話我哋專係做外賣,不過都有一個小 corner你可以企喺度食,我叫佢介紹啲正嘢,佢就叫廚房做咗三個三文治,跟住就指住 cashier側頂的櫃,要唔要試吓啲酒?免費酒又唔怕試吓喎……,我哋一行 4人,基斯話飲 MEZCAL呀!基斯剛去完南美,佢話 MEZCAL都係由仙人掌做,不過同 Tequila嘅仙人掌唔同品種, sip了一 sip,我真係已經唔鍾意飲酒了……舊時乜酒都好飲,而家乜酒都唔鍾意!不過有興趣,等外賣悶悶哋又可以試飲,試試吓咪又買支囉!聰明!







更聰明…

見到有個冰櫃,裏面有一大包嘅 chicken stock賣, Yardbird一日用咁多雞,咁啲骨咪做 chicken stock賣畀你囉,賺到盡!叻!
另一個冰櫃就見到 Yardbird bar tender用手雕的圓冰 ball,請客買幾嚿幾有型……冰又係無本生利!







食物

企喺度食都食咗$288!
order板時常轉的。
我好肯定,佢哋啲雞一定好食,普通炸的,韓式的,都一定食得過!




全部 pack得靚靚咁


Banh Mi$80,最唔好食,又話有芫荽,半滴芫荽味都無。


Katsu Sando$80,非常好食。


我起初以為係豬扒,原來係 Pork Patty咁。


Chicken Schnitzel$80,都唔錯,無 Katsu咁正!

Sunday's Grocery地址:堅尼地城吉席街 66-68號
電話: 2628 6001



蘇施黃
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()