猜心羅生門

媽──打!

Ads by Google

Iris:(嘆息)雷劈啊!女打阿媽,齊蔭真係唔啱!
Arke:你認為天下無不是之父母?在我看來,龍蝦要負較大責任。
Iris:點呀?你唔可以因為政治立場,而咁武斷喎。
Arke:不是武斷,是經過仔細推理得出來的。我看過一本書說,孝道觀念其實由上層社會帶起,名門望族的家庭通常融洽,因為有得繼承財產嘛,經濟決定一切。內地人很實際,喜歡「拼爹」──炫耀父母身份為榮;香港冇咁直接,但含着銀匙出世點都感恩啲。

Iris:對,雖然基於鋤強扶弱,大多數人都覺得窮家子弟會生性些;事實卻擺在眼前,大部分倫常慘案發生在低下階層,貧窮,畢竟容易互相埋怨的──你這豈非自打嘴巴?齊蔭是千金小姐,她不孝更不該啦!
Arke:(皺眉)聽我講埋先。既然教養是來自傳承, 689並非名門望族,我睇雜誌話龍蝦更加身世可疑,好聽叫白手興家,難聽就叫暴發戶,唔上唔落想高攀最麻煩,龍蝦可能沿用咗祖輩較粗魯、野蠻的方法來教女,齊蔭有樣學樣,才會粗口滿街飛。
Iris:鬧,都係想佢好啫,阿媽鬧女好正常。
Arke:齊蔭廿幾歲女了,一般父母即使想教導或教訓,總會就住嚟。齊蔭點解會同阿媽反目、口角?阿媽到底講過咩令個女咁反感、咁大反應?
Iris:(恍然大悟)齊蔭的網頁曾說有人罵她「做×」……
Arke:有教養的母親怎可能罵女兒「做×」?怎可能講得出口?係,我們沒聽過龍蝦公開鬧,但一個人閂埋門教仔女時一定處於最真實的一面,咁即是,龍蝦真係沒教養!佢真的好憎恨齊蔭囉。
Iris:總之郁手就係齊蔭唔啱。
Arke:相嗌唔好口,初則口角,繼而動武,咁誰先動武呢?你代入角色,猜猜?

Iris:(沉思)你的意思係龍蝦先郁手……齊蔭的確展示過疑似遭受虐打的傷勢,但邊個知道個衰女又有否在更早前打阿媽在先呢?
Arke:郁手,推到極致就是想傷害對方。諗深一層,仔女冇咩動機主動傷害父母喎,大不了,駁嘴、砰門。古時帝王之家固然有所謂謀朝篡位,但特區政府不可能吧;如果為奪產,更加應該討好雙親才對,因為齊蔭尚有兄弟姊妹啊。一時唔夠錢使而衝動殺害家人的,通常發生於貧困家庭。咁講雖然市儈,但齊蔭的確好食好住,欠缺動機啊,她選擇的只會是反叛和報復──表現出來便是還拖。但反叛為咩,報復為咩,大概係龍蝦做咗佢無法容忍嘅事。
Iris:(不解)龍蝦呢?難道龍蝦有動機先出手?
Arke:你咪話,就係有。個女咁大脾氣。優生學汰弱留強,生物會把更多資源和關愛投放於較優質的下一代,為了有利繁衍,至今仍有些父母動不動掛在口唇邊說「當生少個」,其實正正出於這種潛意識影響──寧願犧牲有缺陷的,甚至古時大義滅親,典故亦有父親誅殺兒子;加上「不打不成材」種種陳舊觀念,龍蝦先出手並不出奇。既然社會公認唔應該體罰,而且齊蔭已經咁大個,所以我話,龍蝦責任較大。

Iris:除咗打,由「當生少個」引申出來便是封鎖、不讓她見人了,所以才會發生官邸報警事件──唉,如果市民冇咁八卦、狗仔隊冇逼得咁緊,這一家未必搞成咁大件事囉。
Arke:(笑)港人對政治人物的子女本來缺乏興趣,別倒果為因,是齊蔭搞動作,傳媒才跟進報導。齊蔭好識得利用傳媒,她在私底下受辱,卻在大時大節、公眾場合還擊,根本係要利用媒體令父母落唔到台作為報復,旁觀者無責任啊。
Iris:寃寃相報何時了?沒有其他出路嗎?
Arke:剛才提及齊蔭的兄弟姊妹,據聞他們很出色,出色的子女令爸媽產生優生學的比較心理,潛意識自幼厭惡齊蔭;但解鈴還須繫鈴人, 689虛偽、龍蝦唔識教,都靠唔住,惟有兄弟姊妹適合起緩衝作用,亦惟有他們勸解到雙方,這一家不可能求助社工啊──試想想,若 Halloween當晚由他們出面帶齊蔭回家,局面必定容易收拾得多。第一家庭成員共榮共辱,希望他們別再潛水了。

作者介紹

Iris和 Arke是希臘神話裡一對孿生姊妹,托生今世成為本欄主持人,為大家解決情場和職場種種難辨錯對的羅生門事件。
Iris:善良正直的 OL,擅長心理測驗和分析。
Arke:敢愛敢恨的辣妹,擅長星座占卦。

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()