鄭麗媛兩年前拍完《妙手天團》之後,一直養尊處優,有傳佢會同蜜運中嘅男歌手朴孝信結婚,不過而家就要拍埋《泡泡糖》先計劃喇。

電視精

尋找初戀感覺 鄭麗媛

Ads by Google

喺愛情題材嘅劇入面,經常有一個角色叫「青梅竹馬」,有時會係傷害男女主角嘅破壞王,不過更加吸引係男女主角由細玩到大,發展純純的愛情。
最近收費電視台 tvN有套新劇《泡泡糖》,由李東旭同鄭麗媛主演,由青梅竹馬發展成情侶。
老土嗎?
初戀感覺好多人都想搵番呀!

兒時玩伴變鬥氣寃家

青梅竹馬嘅故事好老土咩?就係因為老土先多人鍾意!睇吓《十月初五的月光》嘅初哥哥同君好,拍咗咁多年依然有得拍,都係拍嗰種情懷咋!今次新劇《泡泡糖》都係玩呢種,男主角係傳統韓國醫院院長,溫柔靚仔有錢,女主角係喺電台做音樂節目監製,佢哋由細識到大,能成為密友大概總帶着愛,明明對方有事嘅時候總會喺對方身邊,不過就從未拍拖,原來佢哋一段不為人知嘅過去,以致性格缺陷,究竟有情人可否終成眷屬?《泡泡糖》播出其實有段古,話說今年 tvN嘅重頭劇係改編自韓國而家最紅嘅網絡漫畫《 Cheese in the trap》,搵嚟朴海鎮主演,備受矚目,本來打算呢個檔期播映,點知臨門一腳先話要精益求精,未拍好唔播住,於是就推咗下一檔嘅《泡泡糖》上嚟播咗先。如果具叫座力,當然比較輸蝕,不過兩套劇嘅觀眾層唔同,《 Cheese in the trap》搶小妹妹客觀眾,《泡泡糖》就係打成熟女子嘅市場,各有特色,被當成喺攝檔之作,反而無收視壓力,隨時跑出!




李東旭喺劇中係凡事都先為別人着想嘅醫生,以暖男形象奪取芳心。


《泡泡糖》張海報同個劇名一樣咁青春,去到公園打韆鞦,拍攝時鄭麗媛同李東旭玩到忘晒形。


鄭麗媛嘅冰山美人深入人心,今次繼續將孤獨放喺心底,等李東旭將冰山劈開。 相隔十二年再合作

《泡泡糖》係講初戀,搵親和力強勁嘅男女演員做主角就最適合不過。李東旭同鄭麗媛分別演出過多套人氣韓劇,不過原來兩個只係十二年前喺處境劇中有少少對手戲,當時大家都未成名,今次合作,仲要係佢哋首次接拍收費台嘅劇集,配搭非常新鮮。李東旭上年劇接劇,三套作品《江口故事》、《酒店之王》同《鋼鐵人》,收視成績唔算彪炳,不過曝光率確定係最高,佢嘅招牌深情眼神迷死女劇迷,嗰種成熟男人味,實在係時間浸出來,唔係時下少男偶像可以扮得到。女主角鄭麗媛就係相隔兩年拍劇,今次飾演外剛內柔嘅事業型女性,係佢最擅長嘅角色。男女主角雖然是幾乎係初次合作,演起來卻默契十足,播咗兩個星期,劇迷都話佢哋好似真係青梅竹馬,好有動力追落去!




開始一段愛情,最緊要係氣勢,半推半就嘅強吻就最可以激發女劇迷幻想。


睇青梅竹馬嘅愛情故事,最 sweet係鬥氣嘅場面,《泡泡糖》今次可以滿足不同需要。


第三者角色好重要,今次有《紳士的品格》嘅李鐘赫,係女主角嘅上司。


最近收費台嘅劇集甚有水準,就連平時只會喺大台見到嘅演員都紛紛投誠,幾時輪到香港電視圈可以有百花齊放嘅一日?

撰文:關錦雯

文章標籤

tvb4life 發表在 痞客邦 留言(0) 人氣()