啤梨張個司機不單止揸車,在法庭外仲識打傘護主。

中環人語

跟錯老細冇運行

Ads by Google

做有錢佬司機呢個行業,圈子其實都好窄吓,一般老闆聘請司機都會問吓上手老細是誰做個參考,有個大口司機同小宗講,話做過啤梨張司機同埋龔仁心司機嘅兩個行家,到家陣都未有嘢撈呀,真慘情,事關兩位前東家都惹上官非,經常出出入入法院,啲老細怕唔老黎喎,所以話司機都要帶眼搵老細,否則影響日後嘅飯碗㗎。

 




龔仁心為着家姐剩低嘅千億遺產,司機經常載他往法院。(《蘋果日報》圖片)


司機(左)除咗開車,還要充當人肉擋箭牌,唔易做㗎!(《蘋果日報》圖片) 金融逍遙客:用人首重信得過

游走於中港台併購、私募投資的金融多棲動物,現為多間上市公司主要股東及董事



講起任何生意成敗,至關鍵是用人,但如何找合適的人、如何授權並發揮人的優勢、為我所用?箇中除了大有學問,逍遙客認為更是一門藝術。從董建華、曾蔭權至梁振英,都周不時被嘈嘈閉的政客抨擊用人唯親。呢啲政客,幾咁無知、幾咁不食人間煙火。用人首要條件便是信得過,聽話居次,再論能力。從屋企賓妹到公司總經理,所有老闆大致都循呢個標準。自古以來就有一朝天子一朝臣的說法,西方大選完畢,內閣總辭以便另行組閣也是異曲同工。
用人若不唯親,唔通老闆搵個成日窒頭窒勢,踢極唔郁,又成日「藐嘴藐舌」嘅伙記?有雄才偉略的領導人,自有巨大氣場凝聚一群有能力又聽話的幫手。若領導人是一般眼高手低貨色,自然難有有識之士埋堆效勞。一切都是物以類聚,什麼氣場的領導人,身邊自匹配什麼樣的謀臣。逍遙客遇敬仰的大人物時,見到連身邊的擦鞋仔也非池中物,有型過人。現今梁特首用人唯親並不是問題,逍遙客絕對支持,但看其身邊的馮發言人、吳教育局長、樹根校董、志剛行會成員,個個身居要職,理應行出來身光頸靚,唔打得都睇得先合格。但集齊呢幾大金剛開會,逍遙客矇矓中以為是一群市政局小販管理隊成員。呢個,先至係真正問題所在。

中環寸嘴:金絲雀、小三最啱聽


楊國佳

工廈大王楊耀松長子,是各大有名食肆之 VIP,喜歡研究城中有錢佬對食之要求,透過美酒佳餚,察看人生百態,讓讀者「嗒」落有味。

呢個禮拜滾水淥腳返溫哥華巡一轉,嗰邊啲老友都講起兩個女星「爭老細」搞到反目嘅八卦新聞;據我分析反目有原因,喺度同大家分享一個真人真事古仔,幾年前有三個大陸女人去一間名店 shopping,其中兩個女人買咗三十萬嘅手袋;跟住第三個女人話「她們的愛人都是跟我愛人餬口的,所以我要加雙」,然後買咗六十萬的手袋,是她們的一倍;明冇?小三都分層次嘅。
諗起之前去過合和中心八樓嗰間唐宮壹號,一到兩點鐘,個𨋢口排滿人上去食特價點心;但唐宮係「有前冇後」嘅,十二點半前埋單,大、中點都係當小點計,兩點後依然係正價;嗱,今次食就其次,呢度裝修過癮,一排好似金絲雀籠咁,令我諗起梁天唱嘅《金絲雀》,我寸嘴楊喺度「些牙」吓呢首歌部分歌詞,啱晒啲小三聽:
「金絲雀,金絲雀,金色美麗似鳳,身矜貴,珠光寶氣,可惜困玉籠,令人羨煞令人慕,獲主心愛寵。
金絲雀,金絲雀,不憂吃,不憂喝,甘心困玉籠,受人飼養玩弄,實真貪愛寵。」
首歌係老餅啲,家陣啲海歸富二代鍾意「金絲貓」,不過驚毛孔又粗又硬「嚡烚烚」,好似食豬皮仲有啲豬毛咁!




唐宮壹號裝修夠特色,客人坐在金絲雀籠中。


唐宮「有前冇後」,十二點半前埋單,大、中點以小點計算,樓下醉紅樓兩點半後有特價。 局長頭頂有粒痣

潮流興航拍,公關公司為搞氣氛,從高空捕捉活動鏡頭,亦都係咁,先可以一睹勞福局局長張建宗之富貴相,俗語有云,十個光頭九個富,局長豈止富,仲有粒「頭頂痣」,從面相學講,頭頂有痣嘅人,成世人都會好運相隨,仲可以逢凶化吉咁喎,望吓局長粒痣都幾搶眼,希望能帶啲好運俾香港人吖。

長情打工仔

昔日十姑娘何婉琪的「契仔」吳志誠,過檔四太揸旗嘅澳博都有十年,深得四太器重,佢一生人只係打一份工,一九七八年港大畢業就加入澳娛至今三十七年,滿頭白髮嘅佢今年都六十四歲,原來佢有位胞兄同樣打工都好長情,就係東華三院前執行總監吳志榮,佢服務東華四十五年,今年初才退休;細佬做賭,阿哥服務慈善機構,看似南轅北轍,睇真啲又唔係㗎,你睇現任東華主席何超蕸、上屆主席三太陳婉珍,就知慈善同賭博其實係連成一線㗎。




現為澳博執行董事的吳志誠,去年董事酬金達一千二百多萬,另手持市值七億澳博股份。


吳志誠胞兄吳志榮(左)替東華三院打工四十五年,今年初榮休。

插圖:祝健中

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()