銅鑼灣書店上週五開始回復有限度營業,大陸禁書仍放在門口旁的書架,自由行旅客購買時叫職員小心包裝好書籍。

時事短打

領導人秘聞出版前夕 書商被失蹤

Ads by Google

專賣大陸政治禁書的銅鑼灣書店,大老闆桂民海連同三名職員,上月底離奇「被失蹤」,更有傳桂民海從泰國被特工抓回大陸軟禁,香港的出版自由進一步被中共侵蝕。
桂民海的好友李先生向本刊透露,桂失蹤前曾指示印刷商準備出版一本政治書,「應該跟領導人有關」,但隨即連人帶稿銷聲匿跡;三名失聯職員當中,有兩人曾有限度回覆短訊,突自稱身在內地,分別要「醫病」及「陪伴已懷孕的太太」。
事實上,中共打壓禁書出版商無孔不入。曾編輯及出版趙紫陽錄音回憶錄《改革歷程》的出版人、前中共政治局常委秘書鮑彤之子鮑樸坦言,自○五在港開辦新世紀出版社以來,大陸一直干預香港的出版物;中共十八大後,直接打壓愈見嚴重,「一般形式是電話裡面對某本書表示關注……既然做出版,就需要承擔風險,否則何必要去做出版這個行業呢?」




已失蹤兩星期的桂民海○八年京奧期間曾參與由民運人士楊建利發起的公民行動,嘗試從台灣經香港返大陸抗爭,但他飛抵香港後被拒入境。

五十一歲的桂民海,八五年北京大學畢業後,轉往瑞典求學並入籍,後移民德國,其妻亦於德國居住。多年前他在港創辦巨流發行,去年收購銅鑼灣書店,一手包辦出版、發行、零售大陸政治禁書。另外三名職員是香港人。
自四人失蹤後,桂相關的書籍一條龍生意被迫中斷十多日,負責零售的銅鑼灣書店上週五才重開,但因人手緊張,營業時間由以往朝十一晚十一,改為下午二時半至六時。

兩職員返內地失聯


銅鑼灣書店上週五開始回復有限度營業,大陸禁書仍放在門口旁的書架,自由行旅客購買時叫職員小心包裝好書籍。

「你唔開鋪,啲人就會緊張,以為你執笠、走數。」有份看店的李先生稱,上月十五日仍收到桂民海電郵,但至廿六日,印刷商忽然找上李先生,「阿海失蹤前曾經同印刷廠講,話有本書好急要準備印,叫印刷廠快啲準備好,話第二日俾個檔案佢,結果完全冇聲氣,印刷廠覺得奇怪就追佢,因為以前冇發生過。」他形容桂民海做事很有條理,「如果佢話俾嘢你,只會快,唔會慢。印刷商追嗰本書,幾乎肯定係政治書,但題目冇人知。」
李先生代為聯絡桂民海及負責發行的巨流股東兼總經理呂波、業務經理張志平,但只聽到大陸電話鈴聲,無人接聽,連書店創辦人、現店長林榮基亦失去聯絡。「第二日我 WhatsApp呂波,話再搵唔到佢哋就報警。呂波兩個鐘之後回覆,話腰痛發作,去咗大陸東北延吉市睇醫生,咁啱佢太太係東北人。阿平嘅太太就喺深圳做嘢,佢話太太懷孕出咗狀況,要返去陪佢。」

《高官情婦榜》賺百萬


桂民海的處女作為他帶來百萬元利潤。

桂民海○七年開始投身撰寫及出版政治禁書行列,並以揭露領導人秘聞、中共高官情婦等八卦題材搶眼球谷銷量,「例如寫公共情婦、軍中妖姬湯燦、母老虎宋祖英,佢最鍾意出呢類同啲女人、情婦有關嘅書。佢建立事業嘅敲門磚,叫《中共高官情婦榜》,本書幫佢賺咗過百萬。第一本書佢就旗開得勝,所以佢比較多偏重呢度。但阿海曾經講過,話有幾次有人託人同佢講,要小心啲講嘢。」
其實,出版政治書風險甚高,同為出版人的李先生亦指大陸當局曾入侵其電郵取得作者資料,「本書都未出,個作者又係用筆名第一次寫書,但真名已經喺官方公布嘅禁書作者名單出現。唯一可以攞到個人名,就係 hack入我電郵。」
他坦言自一三年晨鐘書局出版人姚文田在深圳因「走私」被捕,去年被重囚十年及罰款人民幣廿五萬後,他再沒北上,「(咁大風險都出政治書?)係經濟原因啫,賣政治書賺錢比較多,例如講行刺習近平,雖然聽落去好似天方夜譚,但題目愈激、愈敏感,愈多人買。」

禁書內容真假參半


姚文田被控「走私」判囚十年,梁國雄及曾健成等人曾到中聯辦抗議;在本港出版的內地時政雜誌《新維月刊》和《臉譜》,兩名創辦人王健民和咼中校,最近則被控「經營非法出版物」。(《蘋果日報》圖片)

禁書內容究竟孰真孰假?「真假參半啦,好官方嘅嘢你都唔可以信啦,真正好內幕嘅消息係好少,多數喺網站上面、其他出版物攞番嚟嘅資料。當然靠你自己分析,差唔多做情報工作咁,由好多唔同資料組合而成。」
賣書不能只靠書店,必須設有其他銷售點分散投資,最主力賣禁書的是機場書店,佔營業額一半,「有個講法,返大陸嘅飛機,啲乘客走晒之後,成個機艙啲凳放晒一本本禁書喺度,買咗睇完就丟,費事帶過關。」
禁書不能進入大陸,連出版人也不敢北上,「呢個又唔講得上咁大損失嘅。我唔係話顧忌大陸,而係好多朋友都唔知我做呢行,費事佢哋多問,即使我自己兄弟姊妹都唔知,佢哋知我出書,但唔知我出咩書。」

撰文:時事組
攝影:莫智謙
攝錄:莫智謙
mailto:news@nextmedia.com

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()