Round 1

同你吟一吟

明星煙民 一街都係

Ads by Google

世衞話吸煙比食煙燻醃製食物,有更高機會患癌,但大部分人本住食乜都死心態,飯唔食冇問題,煙一定照食。
娛樂圈,一街煙民。有啲人會好小心,盡量唔喺公眾地方食,免得俾人見到,影低扯煙相;不過唔怕俾人知係煙精嘅仲多,尤其食肆全面禁煙後,同朋友食飯飲茶吹水,半途出去「呼吸」,更加避無可避。
好似許志安、余文樂、馮德倫、 Amanda S.同 Jeana何佩瑜,癮起,話之你。

許志安 又煙又酒

Happy hour,天后老公許志安選擇去淺水灣,同人飲住白酒吹水,其間兩度離開餐廳「呼吸」,兩個鐘扯兩飛,都唔算大癮。
又煙又酒嘅許安,同朋友前後飲咗兩 round,四點幾飲到六點幾,夠鐘揸車返歸交人。




Round 2


豪飲


酒後駕駛 Amanda S. 壯男陪食二手煙

約朋友喺跑馬地南亭食串燒, Amanda S.煙癮起,自己一個走出門外上電,食食吓,其中一個戴帽外籍壯男走埋出嚟,不過唔係一齊扯,純粹吸住二手煙陪傾偈。
35歲 Amanda S.舊年七月離咗婚,有景好正常。




有觀音兵


余文樂 中環面壁

明知中環多傳媒行咇,癮起想食煙點算?余文樂選擇行去人比較少嘅雪廠街,搵個大廈走火門凹位,面壁扯!食完再行返去皇后大道中,置地文華外面等朋友車接。







大啖索 Jeana 食完正餐再開飯

同張栢芝細佬栢文散咗後, 34D不倒胸 Jeana(何佩瑜)積極搵錢收復失地,有晚《壹》仔見佢約咗電影監製伍健雄喺鯉景灣一間餐廳食住飯傾嘢,食咗接近兩粒鐘,臨走前, Jeana終於忍唔住丟低「老細」,行開陣去「開飯」。




丟低老細


馮德倫 坐門口方便食煙

女友舒淇入夜後水都唔飲啖,食菜亦唔肯食葉(因為菜葉水分較多),夜晚陪女友開餐,馮德倫肯定唔開胃。冇問題,搵其他 friend補番數。
早排馮德倫搵朋友去跑馬地陪食,兩男先喺門口有枱,方便食煙嘅 The Tuck Room飲杯嘢,食吓小食扯吓煙, hea咗個半鐘,再睇吓今晚食乜嘢?最後決定食越南菜。










轉場

撰文:八珍

文章標籤

tvb4life 發表在 痞客邦 留言(0) 人氣()