娛樂偵訊

受惠高層執位 江美儀陳敏之解凍

Ads by Google

無綫戲劇製作部總監梁家樹( Tommy)去年二月離巢後,曾勵珍一統天下, Tommy馬房愛將無運行,其中江美儀、陳敏之更被掟入雪櫃接近一年冇劇開,無綫上月再變天,珍姐失勢,對頭綜藝科總監余詠珊大權在握,為收買人心拓展版圖,安排江美儀、陳敏之做節目,唔使再做凍肉。

八個月冇開工

一三年,江美儀憑《衝上雲霄 II》方芮嘉( Head姐)一角,奪得「最佳女配角」,去年底與陳敏之合作完《性在有情》後,便再冇工開。
「美儀同敏之都係 Tommy嘅人,珍姐話晒事後, Tommy派系嘅御用愛將,全部冇運行,《性在有情》舊年十一月開,今年二月煞科,之後到而家都未有嘢做,八個幾月冇劇開,人間蒸發一樣。」一名無綫人透露。
據了解,江美儀另一「罪狀」是俾意見。
「公司有經驗嗰班編劇都走晒,啲新嘅又未得,開劇好多時都要靠班演員自己執生,認真嘅美儀試過俾意見,但可能佢講嘢冇尾音,跟住有人同珍姐打小報告話佢多事,之後就坐冷板。」知情者說。




早前江美儀雖然無劇開,但有男友及愛犬陪行街,一樣咁開心。


大受歡迎的《使徒行者》將開拍第二輯,由無綫與騰訊合拍為網劇,余詠珊揸旗,據知會吹雞原班人馬! 解凍拍 Do姐

入雪櫃多月,陳敏之與江美儀終於在余詠珊出手下,成功解凍。
「珍姐雖然係戲劇組皇太后,不過佢開始被削權, Sandy(余詠珊)同珍姐擺明對着幹,咪專登安排陳敏之拍《 Do姐去 shopping》,唔想有演技嘅江美儀冇工開,嚟緊再開個新節目俾佢做,總之唔使長擺喺雪櫃。」




因為陳敏之與江美儀是梁家樹派人,所以珍姐睇佢兩個唔順眼,一心要她們消失。


陳敏之與江美儀去年合作拍攝《性在有情》,拍到今年二月便煞科,兩人之後便被珍姐扔入雪櫃。 擴張勢力

掌管綜藝節目的余詠珊,為進一步擴張勢力範圍,近年招兵買馬搵自己友寫劇本準備開劇,早前更與騰訊傾掂合作拍網劇,頭炮《使徒行者 2》,將是大台一六年的重點製作。
「佘詩曼林峯套《使徒行者》喺大陸網上點擊率累積已超過廿億,破晒港劇紀錄。無綫同騰訊視頻簽咗合作協議,會開《使徒行者 2》網劇,阿佘同美儀都有份拍,仲有三哥(苗僑偉)都傾掂數。至於珍姐眼中釘王祖藍,雖然過咗邵氏嗰邊,但珍姐而家冇得惡晒,傾祖藍幫無綫開劇,機會亦大咗。」一名無綫人說。




幸好陳敏之有余詠珊出手相助,安排她在 Do姐主持的節目出現,解凍成功。


王祖藍是珍姐的眼中釘,所以亦被她搞到要避走邵氏。

撰文、攝影、攝錄:娛樂組

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()