探熱針

林憶蓮袋 1,800萬 推薦許志安 Gin Lee出賽

Ads by Google

內地節目為爭收視,掟錢吸大星是基本步!天后級的林憶蓮最近就袋了千八萬港元,與內地歌手崔健、劉歡同為新節目《中國之星》擔任「巨星推薦人」,憶蓮會推薦許志安及 Gin Lee(李幸倪)兩位香港歌手出戰,勝出的話,明年二月到洛杉磯參加格林美舉辦的「致敬中國之星」晚會。

那英帶挈

東方衞視為新節目《中國之星》重金禮聘三位「巨星推薦人」,推薦九位歌手參賽,目標是明年的格林美活動。
據了解,林憶蓮每集袋一百萬人仔(折合約一百二十多萬港元),一季有十五集,有逾千八萬港元入袋。
「《中國之星》同《中國好聲音》一樣,都係那英同佢個妹間『燦星製作公司』負責,本來係想搵王菲,不過阿菲掛住拍拖唔肯玩。那英同 Sandy(林憶蓮)都熟, Sandy實力夠,喺內地都好多 fans,所以就搵佢代阿菲。每集收成百萬人仔,只係搵歌手參賽,同佢哋揀吓歌傾吓策略,咁好賺, Sandy覺得唔使自己落場賽,實冇輸!所以破例答應接真人騷!」知情者說。
林憶蓮兩位心水參賽歌手,分別是許志安及 Gin Lee。明年入行三十年的許安,更是繼當年新秀歌唱大賽之後,再次參加歌唱比賽。
「安仔要同 Gin Lee、孫楠、袁婭維、常石磊、楊樂、子曰、譚維維及吉克雋逸九位歌手鬥唱, Sandy搵安仔除咗因為 Paco關係,唔多唔少係男友恭碩良同安仔有合作 friend咗,咁咪做個順水人情囉!反而 Gin Lee就純粹係 Sandy自己鍾意,睇過佢參加《中國好聲音 4》,覺得 Gin Lee有潛力。」




曾在《中國好聲音》表現出眾的 Gin Lee,連憶蓮都睇中,再戰真人騷。


有指屬《中國之星》製作單位的那英,原找老死王菲做星級推薦人,但王菲掛住拍拖,最後由同樣分量的憶蓮頂上。 唔鳩叫輸蝕

今個月二十一日正式出街的《中國之星》,第一集獲選頭三位的有內地歌手吉克隽逸和孫楠。
「安仔唱番自己隻《為什麼你背著我愛別人》排第七,但最估唔到嘅係唱《往日情》嘅 Gin Lee竟然包尾,首歌經過重新混音,佢亦唱得好好,所以都有啲意外!不過第一集當熱身,內地歌唱節目始終都係鍾意鳩叫,唔嗌破喉嚨就好似冇料到咁, Sandy要同安仔、 Gin Lee重整策略,先至可以繼續玩落去。」知情者說。




安仔同憶蓮男友恭碩良老友鬼鬼,故憶蓮今鋪明益自己人。


《中國之星》月尾首播,據悉憶蓮推薦的安仔及 Gin Lee,面對強敵孫楠、譚維維等,排位好險。


好過執

藝人參與內地真人騷,一來可提升知名度,二來節目出手闊綽,酬金可觀,近年不少中、港、台藝人,都賺到笑!



周杰倫
新婚的周杰倫,願意將老婆昆凌放埋一邊,只因《中國好聲音 4》以 2,000萬人仔請他擔任節目導師,咁大嚿錢,實在難以抗拒。



楊千嬅
楊千嬅與丁子高收 1,000萬人仔夫妻檔玩《極速前進》,要周圍飛,仲要當眾鬧交喪跑做危險動作,冇欺場!



Angelababy
以 800萬人民幣主持綜藝競技節目《奔跑吧兄弟》,錢其次,人氣爆燈才是 Baby最大得着。



張智霖
張智霖同老婆袁詠儀合體,為內地節目《一路上有你》上陣,穩袋 3,000萬人民幣,相當「肥仔」。

撰文、攝影、攝錄:娛樂組

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()