me.jpg


Myolie Wu藍色倒金字塔壓紋綴金鏈小手袋$1,450白色棉質印英文字母短袖 tee$895both Salad桃紅色皮革褸$4,290淺藍色洗水 skinny jeans$950both TOUGH Jeansmith

cover face

胡杏兒 待嫁的女人

Ads by Google

 

今時今日, 25歲都開始俾人叫中女;剛踏入 36歲嘅天蠍女胡杏兒,眼神要性感有性感,笑起上嚟咪起對眼夠晒甜,成熟冷靜得嚟又帶半分純真,嗰種外脆內軟嘅半熟氣質,認真得天獨厚!呢顆懷春少女心,唔知係咪同 12月 28日即將同男友李乘德( Philip Lee)拉埋天窗有關,但婚禮由傳聞中嘅童話式婚禮變圍村拜堂成親噃!
「講真我對於婚禮冇咩特別憧憬,我覺得最緊要有個好老公!」
提起真命天子,眼前呢個小女人即刻擺出一副冧滋滋嘅甜笑樣,幾時都話,有嬌撒嘅女人先係最好命!


真愛剖白 胡杏兒:最緊要有好老公


Profile
 


Myolie Wu酒紅色綴金色雙拉鏈小手袋$1,390藍色石磨藍牛仔短褲$525both Salad黑色皮革併紅色格仔布 biker jacket$4,99580/ 20 from bauhaus黑色棉質綴珠片短袖 tee$550TOUGH Jeansmith

Myolie Wu
出生日期︰ 1979年 11月 6日(天蠍座)
出生地︰香港
身高︰ 5呎 7吋體重: 110磅
語言:廣東話、普通話及英語
簡歷: 99年參選香港小姐奪季軍及活力風采獎,停學並簽約無線, 11年憑藉《萬凰之王》奪最佳女主角(視后)寶座。 15年 9月轉投蕭定一 GME中國旗下。
主要作品:電視劇《流金歲月》( 02)、《衝上雲宵》( 03)、《我的野蠻奶奶》( 05)、《肥田囍事》( 06)、《萬凰之凰》( 11)、《怒火街頭》( 11)、《陪着你走》( 15)。電影《 72家租客》( 10)、《奪命金》( 11)、《失戀急讓》( 14)。專輯《 Evolve》( 08)、《 Love Holic》( 09)。
Instagram: myoliemyolie


未 ready做媽媽
 

是次拍攝清晨六點開始,點解咁早?事關杏兒中午就要趕到深圳出席活動,傍晚飛返天津,同內地劇壇一哥林永健合拍《繼父是偶像》,似乎係支好籌喎?
「今次我飾演一名律師,用國語演戲其實相當有難度,加上返大陸拍戲有 home sick,香港藝人喺內地發展空間又愈來愈細。冇辦法,唯有做好自己。」
一句做好自己唔係咁簡單,由那些年嘅肥杏到盲妹宋天從,演技絲絲入扣,個個角色都似度身訂造。
「以往公司有咩戲就做,自己好少會為角色俾意見,但我覺得自己係幸運嘅,雖然唔係所有人都咁睇,好多人會覺得我做來做去都係果啲。」
即係邊啲?胡囧囧嗰啲?
「咁依家都冇(人講)啦!做呢行一定會有唔同聲音,我只會睇番自己嘅演出去檢討!
「依家嘅電視尺度唔知算係高定低呢?可能電影上先可以做一啲非一般嘅角色, even係殺人、變態、精神分裂呢啲,全部我都想試!」
當年《肥田囍事》增肥四十磅,迴響程度可媲美張家輝嘅《激戰》造型,但原來掌聲背後換來三年情緒病困擾,挑戰變態角色唔怕舊病復發?
「都冇話驚唔驚,做嘅時候都唔會諗咁多。但要我再增肥,我依家就做唔到喇,身體上未必應付到。」
有機會當然博到盡,但老老實實,入行 16年,仲有咩角色未 ready?
「未 ready嘅一定係做媽媽,因為現實生活中未做過,感覺、體會一定冇咁深刻。」
聽到呢度,唔通真係準備結婚、生仔一條龍?




99年  19歲選美時青春迫人,儘管今日成熟不少,但身型依然 keep得好 fit! 《壹週刊》圖片


14年 (右)黃秋生問最緊張同邊位前輩演員合作,竟然唔係 Lisa姐,而係影帝黃秋生。


15年 (左)林永健同林永健合作電視劇《繼父是偶像》,由出名火爆嘅台灣偶像劇導演林合隆執導,難怪佢講國語對白咁緊張。 《新浪微博》圖片


15年 (右)李乘德生日當天大搞訂婚派對公佈喜訊,杏兒攬住未來老公再加一句「原來我也可以是一個小女人」,認真羡煞旁人。
電飯煲求婚
 


Myolie Wu藍色綴粗手挽帶手袋$2,690灰、黑色針織袖併皮革長褸$4,290深藍色 skinny jeans$895all Salad

年尾娛樂圈大事回顧,必數年頭傳到今日依然熱辣辣嘅胡杏兒大婚。等足一年,杏兒終於喺生日公布喜訊,兼大騷 10月去埋比利時影嘅婚紗相曬恩愛!到底準老公 Philip,出咗咩冧招,令佢即時 say yes,甘心做李家煮飯婆?
「佢喺屋企將戒指放喺電飯煲入面,有啲米咁。其實當時都唔需要考慮,大家都覺得係適當時候,係適合嘅人,年紀都唔細,知道自己想要啲咩!
「當然依家成熟咗,單單好愛對方其實唔夠,仲要睇生活上夾唔夾,價值觀好緊要。好簡單,譬如有啲人會覺得唔需要一生人只有一個,對你好咪得囉!但我希望係從一而終,好多女仔都係咁諗,呢啲好基本。」
此話一出,有骨落地,難免令人聯想起 12年傳聞小三上門攤牌,直接導致與黃宗澤嘅 7年情告終!孰真孰假已成過去,事關杏兒眼前,有更重要嘅大事要辦。
「佢( Philip)成日同我講,叫我有地方想去好去,我唔知幾時唔俾你去。佢好想(有小朋友),我喺度諗一次過可唔可以生三胞貽?」
呢排出街唔戴黑超,真係好易俾呢對準新人閃親!


半熟中女
 


Myolie Wu粉藍色鏤空方格長方型手袋$2,390紫藍色皮革連帽長褸$4,690both Salad粉紫藍色數碼圖案上衣$990La Creme from bauhaus

同當年選美嘅大笑姑婆 look相比,今日杏兒羞澀嘅含蓄笑容,係另一種甜。畢竟相隔十六年,青春小鳥都唔知飛咗去邊,女人始終敵唔過歲月洗禮變中女。
「『中女』我覺得唔係貶義,因為每個人都會長大,我覺得每個階段都會有精彩嘅事,好開心自己進入呢個階段!」
俾人叫中女都開心?其實大多電視精如我仲好記得,《我的野蠻奶奶》入面粗枝大葉嘅新抱仔田力;《衝上雲宵》嘅樂觀少女蘇怡。事關嗰股傻勁同現實中嘅胡杏兒渾為一體、活靈活現,唔通真係此情只待成追憶?
「可能依家個人會穩重啲,以前細路女講嘢冇諗咁多,依家比較沉實。
「入行時間耐咗, image上都會成熟啲。剛出道當然係小妹妹啲,依家自己都希望變成熟,如果你演嘅角色永遠都停留喺前面,好似冇進步、冇改變。」
「我嘅座右銘係“ You only live once”,所以你應該有多啲勇氣,唔好怕失敗、唔好怕輸;對於未來每一個人都會恐懼,但我自己好有興趣去嘗試任何嘢,唔單止係事業,仲有人生上的其他事!今年都有啲攰,有咩新計劃可能要出年先可以進行。」
剛開始時靜到烏蠅飛過都聽到,訪問尾聲講到興起手舞足蹈,胡杏兒嗰種親切感,終於返番嚟!應該話,其實一直都冇離開過!


後記
 

訪問之時, 17 app重新上架,容祖兒邊開騷邊搞直播,社交媒體係藝人負擔定係曝光機會,真係見仁見智。
「呢一年真係有少少懶,太忙好少 update,但我其實覺得要 balance,唔可以所有嘢都 post晒出嚟,去邊度食嘢都要 upload,冇晒自己!」
話雖如此, Instagram閒時放一、兩張拖手背影相,已夠恨死隔籬,有情人當然要旁若無人,好好 enjoy!


Shop List
 

bauhaus 尖沙咀加連威老道 8號地下  2369 7890
Salad 銅鑼灣皇室堡 103-104號鋪  3409 9847
TOUGH Jeansmith 尖沙咀加連威老道 55號地下  2723 2218

撰文: Gee Lam
形象:黃健華
攝影: Ray Siu
化妝: Miko Wong@Cyrus's Lee Team
髮型: Aaron@Hair Culture
鳴謝: Salad@bauhaus

 


    全站熱搜

    tvb4life 發表在 痞客邦 留言(0) 人氣()