夏韶聲買香拜神

東姑撞到Danny Summer同個女仔,現身喺筲箕灣東大街,個女仔仲幫佢拎住個貼上「Danny」嘅喼,而佢就幫襯買咗幾紮香。

夏韶聲(Danny Summer)除咗唱歌叻,對於外星人、UFO佢亦都好有研究,周不時見佢上J2台嘅《兄弟幫》同大家分享呢方面嘅所見所聞,幾可堪稱專家。

Ads by Google

早排,東姑喺筲箕灣巧遇Danny Summer同一個女仔一齊,見佢哋先喺街頭一間香燭鋪,買咗幾紮香,然後再喺街尾燒臘鋪,買咗大大嚿燒肉,唔使問阿貴都估到佢哋喺度預備祭品去拜神啦!

不過,Danny Summer平時份人咁洋化,開口埋口又外太空、外星人咁,因乜解究又會信奉我哋中國嘅神神佛佛呢?唔通佢接觸開嗰啲太空高智生物,都要香火供奉咁神奇?

Danny Summer買完香,之後就走去燒臘鋪,斬埋燒肉,好明顯係買祭品去拜神。

    文章標籤

    夏韶聲 買香 拜神

    全站熱搜

    tvb4life 發表在 痞客邦 留言(0) 人氣()