自封「醉街」男主角 歐陽震華唔同祥仔爭視帝

TVB台慶劇的主角向來都是爭奪「視帝視后」的熱門人選,最近經常為主演的《東坡家事》做宣傳的歐陽震華(Bobby)指自己不與大熱之一的黎耀祥爭「視帝」,更笑指自己是「醉街」男主角。

Ads by Google

近年TVB出現「逃亡潮」,最近更有不少資深演員相繼離開,如陳國邦和關菊英等,不過一九八一年讀無線訓練班入行的Bobby就繼續為大台服務,拍攝台慶劇《東坡家事》。Bobby指《東坡家事》是近十多年來難得的好作品,認為劇本讓他有很多發揮空間,更可以和一眾演員們像親人般,合作得十分愉快,所以對劇集很有信心,如果收視有二十二點,他會包場請下午茶。

 

Bobby又指,與萬綺雯有種相逢恨晚的感覺,「如果唔係我結咗婚,佢又嫁咗呀!我追硬佢!(點解呢?)佢好容易o氹!我叫佢蚊蚊笑吓,佢就笑囉!我咩都冇講喎!呢啲無得頂,好有滿足感嘛!演戲佢又就得人,唔會話吓吓要佔上風。」

早前指自己想拿「飛躍進步獎」,更笑言若得獎,願與TVB簽五十年約的Bobby表示,自己不好意思與一眾後生演員爭獎,「我哋啲資深演員,同啲後生比贏係應該,輸就跳樓都似!點算?點面對呀?係咪要自動減人工?我身體喝現在承受唔到呢啲壓力!提名可以,唔好入五強,你頒個『飛躍進步獎』,我OK!」

外界一直看好祥仔四奪「視帝」,Bobby大讚對方勤力、有觀眾緣,自己都看好他,所以決定公開讓路,「全部因素都係應該投佢(黎耀祥)票。但我又入醫院、又爛蒲、又鍾意玩、又爛飲、又口沒遮攔、又得罪人多稱呼人少,又冇小朋友。『最佳』就唔係,但『醉街』就唔該投我一票啦!」

Bobby都睇好祥仔四奪「視帝」,自言條件不及黎耀祥,自封「醉街」男主角。

Bobby開心有《東坡家事》的劇本,讓自己有很多發揮空間,亦與女主角萬綺雯有種相逢恨晚的感覺。

    tvb4life 發表在 痞客邦 留言(0) 人氣()