謝婷婷前度結婚扮冇嘢

三十三歲嘅謝婷婷,最近畀人問得最多嘅問題,一定就係舊愛安志杰嘅婚訊;喺公開場合,婷婷當時係送上祝福。咁私底下呢?日前,東姑就發現,獨自去咗英國旅行散心嘅佢,就藉住「17」app嘅直播嚟慰藉粉絲,一班多嘴嘅app友見到婷婷直播,就即刻留言話:「安志杰要結婚了。」睇到留言,婷婷一於好少理,扮睇唔到,揸住隻公仔,喺牀上典來典去賣萌。

Ads by Google

賣萌賣到攰攰哋,婷婷就帶大家參觀酒店房,素顏嘅佢睇落滿懷心事。東姑明白嘅,佢同安志杰拍咗拖四年,大家都以為會開花結果,可惜最終分手收場。唉!早前,安志杰仲好浪漫咁喺馬爾代夫向Jessica C.求婚成功,人哋o依家唔止成雙成對,仲玩埋一家三口,幸福滿瀉,婷婷點可能唔心噏呢?

直播時,婷婷搔首弄姿,扮晒心情靚靚,但從眼神睇得出佢滿懷心事。

已經三十三歲嘅婷婷,喺牀上典來典去,仲揸住隻公仔賣萌,實在係難得一見。

    tvb4life 發表在 痞客邦 留言(0) 人氣()