彭浩翔 潮着未來鞋

一九八九年上映嘅經典科幻電影《回到未來II》中,男主角米高霍士穿越時空去到二〇一五年十月廿一日時,就見到唔少新科技、新產品,而其中一樣就係自動綁鞋帶嘅Nike MAG。

Ads by Google

只可惜來到二〇一五年,Nike MAG就仲未有得賣,Nike話要去到明年春季對潮鞋先會隆重登場,真叫fans大失所望!雖然Nike MAG要明年先有,但大家可以學吓彭浩翔,着住對類似嘅頂下癮。日前,東姑喺電影《同班同學》宣傳活動上,就見到彭導着住對勁似Nike MAG,但就冇自動綁鞋帶功能嘅Air MAG示人。

查實Air MAG都唔係嘢少,據知全球只得一千五百對,更加係冇明碼實價,只有慈善拍賣價。彭導好興奮話畀東姑知:「係呀!呢對鞋係我之前用咗四萬幾蚊,喺網上慈善拍賣返嚟。我真係好鍾意呢對鞋,平日唔捨得着,但驚唔着又會氧化爛鞋底,所以我最多都係着住喺公司行吓,欣賞吓,或者出席呢啲大型活動,先着出嚟威吓!」

彭浩翔着住對類似Nike MAG嘅Air MAG,佢用咗四萬幾蚊喺網上慈善拍賣番嚟。

米高霍士率先着「未來鞋」Nike MAG,令鞋迷好鬼羨慕。

    文章標籤

    彭浩翔 潮着 未來鞋

    全站熱搜

    tvb4life 發表在 痞客邦 留言(0) 人氣()