身為足球機迷的 Graham,把自己的興趣變成事業,他希望在香港推廣玩足球機的文化,於是成為了足球機代理及開設足球機練習場 Matchpoint。

創業通

足球機狂迷 搞比賽開練習場

Ads by Google

在香港,足球機可以說是一種遊戲,更被標籤成過時的玩意,但在歐美等地卻是頗受歡迎的活動,更會定期舉行世界性比賽。身為足球機迷的 Graham,認為香港只是缺少推廣足球機的契機,於是轉職代理足球機,開設香港首間足球機練習場 Matchpoint,更舉辦過國際認可的賽事,決心把足球機文化推廣出去。




位於觀塘的 Matchpoint,吸引一批學生及兒時有玩足球機的打工仔上來練波, Graham說:「星期五夜晚同星期六下晝係最多人上嚟玩。」

今年 34歲的 Graham,是香港排名第一的足球機選手,他認為足球機在香港可以玩得更正規化,是一項值得推廣的活動。 Graham是中大的經濟系碩士,創業前做過物流公司的業務推廣工作, 14年 2月,他於觀塘開設 Matchpoint,是香港首間足球機練習場地,並租售足球機枱。
「上嚟玩首小時收費$40,之後每半小時$5;如果有公司或餐廳同我哋租機,唔使畀按金,客人入$5有 9個波玩,每個月清一次機,收入大家平分。另外,有公司搞 event或者學校會租借足球機,$1,500至$2,000租用 1日;選擇買嘅話,一部約$6,000至$15,000。」
Graham玩足球機已有 20年,自中一首次接觸後,慢慢被當中的變化所吸引,便一路玩下去。「讀中學時,學校有部足球機,起初以為眼明手快就玩到,但原來當中有好多技巧及戰術變化。玩足球機嘅動作主要由控、傳、射所組合,好似 brush pass係用人偶輕輕壓住個波,再打斜傳球,令對方估唔到你嘅傳球路線,要打贏一場比賽要做好多部署。」

識到台灣代理


Nathan在 party房內放了足球機,增加玩樂元素。

11年, Graham踏入人生的 3字頭,希望作出一些改變,把精力投放在自己喜愛的事情上,「我不時會去上海、馬來西亞、台灣參加國際性嘅足球機比賽,從而認識到台灣嘅足球機代理,傾開大約知道入貨渠道及點做推廣,見香港好似冇人做,就決定兼職喺香港試吓推廣足球機。」
要開拓一個少眾玩意的市場, Graham要走的道路絕對不易,「自己逐間酒吧去敲門,問佢哋有冇興趣擺放足球機,部機都有咁上下 size,唔係好多酒吧肯,大約 10間先傾得成 1間,已經比預期中好。之後有室內足球場話想擺部機,令我思路大開,可以嘗試接洽 party room等可以包場嘅地方。」

辭工瞓身搞


現時 Graham會參加不同的足球機比賽,早前他參加了台灣舉行的卓越盃國際手足球公開賽,取得了單打第四名的成績。

在代理足球機期間, Graham發現足球機有一定的擁躉,但香港缺少玩足球機的場所,他便定辭工開設 Matchpoint,「發現中學生或者同我差唔多年紀、之前玩過嘅打工仔,都會鍾意玩足球機,但足球機多數係附屬嘅娛樂,可能去某啲酒吧、 party房先會玩到,我就諗不如試吓搵個地方專係畀人玩足球機,最後喺觀塘租個單位,自己全職投入喺足球機嘅事業上。」
在宣傳上,除了開 facebook專頁外, Graham還會到各個論壇解答疑難,「自己會喺唔同論壇留意有關討論足球機嘅 post,見有疑問會盡量解答,其實問親都係對玩足球機有興趣,我會推介 Matchpoint畀佢哋知。」

香港首個國際比賽

今年 8月, Graham更舉辦了香港首個國際性的足球機比賽,「首先要向世界足球機協會(ITSF)申請成立香港足球機協會,佢會評審你做過咩推廣,再決定認可你個協會,通過後,就可以申請舉辦受 ITSF認可嘅比賽。今次比賽我租咗 party room嘅場地,擺咗 10部足球機嚟比賽,最後有五十幾位中、港、澳嘅選手參加,算係唔錯嘅開始。」
說到未來發展, Graham表示會找商場及中學合作,舉辦足球機比賽,令更多人認識這項運動,「我仲同一啲中學傾緊組足球機校隊,灌輸足球機係一種運競技嘅概念畀年輕人知道,希望可持續性去擴闊呢個圈子。」

Matchpoint
地址︰觀塘成業街 15-17號成運工業大廈 5樓 29室




為了推廣足球機, Graham會到中學向學生講解足球機的遊戲規則,及技術示範,以引起學生的興趣。


今年 8月, Graham舉辦了香港首個受世界足球機協會認可的比賽,將喜愛玩足球機的人士聚首一堂,同時為把玩足球機正規化踏出一步。 

Vincent客人
讀中學時,學校有部足球機,小息放學我都會去玩,當中除咗靠反應外,仲有好多技巧運用,升上大學後有繼續玩,知道呢度開咗專玩足球機嘅地方,會嚟同其他人互相切磋。



Nathan Party Home創辦人
啱啱開業時, Graham聯絡我,我哋都覺得擺部足球機喺度,多樣嘢畀客人玩都唔錯,𠵱家睇個反應都幾好,客人上到嚟,多數玩足球機同桌球。

租金$15,000(2按 1上)
裝修$50,000
雜費$6,000
總投資︰$71,000

租金︰$5,000
人工︰$15,000
入貨及雜費︰$10,000
營業額︰$45,000
盈利︰$15,000

比賽有規則


足球機尤如現實的足球比賽,每邊有 11名球員,採用 2-5-3陣式。

足球機在歐美很流行,當地不時舉行國際性比賽, Graham說:「足球機會有自己嘅比賽規則,例如開始時擲硬幣猜正反,以決定發球權;將個波踢出場外時,就由對方嘅後衞 2人桿開波;雙方任可時候 360度轉杆踢波就係犯規,要交畀對方中排 5人桿位置重新發球;賽事採用 5局 3勝制,每局先拎到 5分得勝,一場比賽大約打 15至 20分鐘。」

基本功控傳射

Graham表示要玩得好,就要由基本功控、傳、射開始練習,玩得好更可打 one two、射猛虎射球。










射 足球機都有球王

世界球王 Frederic Collignon
比利時人,曾是多年的世界排名第一,共贏了 16次世界錦標賽冠軍,現時已逐漸淡出足球機球壇。



美國球王 Tony Spredeman
美籍選手,現年 21歲的他活躍於各項足球機賽事,曾獲得 Tornado Worlds 2008冠軍, ITSF World Championships 2009第二名等。

撰文:曾志恒
攝影:胡景禧、陳子禮
部分圖片由被訪者提供

    tvb4life 發表在 痞客邦 留言(0) 人氣()