Jackie(右)於公園教做運動減肥起家,「其實減肥唔使用好多器材,公園嘅簡單設施都做到。」其後漸漸多學員希望集中操肌,令 Jackie萌生開鋪念頭。

Jobs Live

一切從公園出發  90後健身男開 GYM房

Ads by Google

潮流愛健康,不少人愛健身操 fit身段。
今年 25歲的 Jackie,體重曾達 200磅,但只用 3個月便減去 50磅,為了推廣健身的心得,他最初到公園使用簡單的設施, 1對 1教導學員健身,並拍 YouTube片作宣傳。
直至客人漸多,上年他在佐敦開設地鋪,以不同的器材配合訓練,學員要練人魚線、 6塊甚至 8塊腹肌,再不是空談的夢想。

自小好動的 Jackie,玩過欖球、網球、籃球和足球等活動,但他成為健身教練的原因,是他前年到餐廳當兼職,令自己增磅不少,「我當時重成 200磅㗎,做運動後,用咗 3個月減到 150磅。」他主要在網上找減肥短片,然後自行跟着做,「發覺原來減肥唔使去大型連鎖健身中心都得,自己就想單對單教人做運動 keep fit。」
Jackie曾到英國修讀 business, 12年回港後,他一直都想嘗試做生意,故在 14年開始,他於公園教授學員做簡單的動作減肥,如掌上壓、引體上升及深蹲等,「最初冇實體鋪,客人都係朋友介紹,我主要喺公園 1對 1教授學員,做簡單嘅動作如掌上壓、引體上升、深蹲等,用公園嘅設施都幾方便。之後有客人反映公園太多人,想要啲私人空間,亦有啲客人想增肌,咁要做負重練習,要用器材重點訓練唔同部分嘅肌肉,長遠嚟計,就決定開鋪。」




雖 Jackie表示學員以男士為主,但近年亦有不少女士喜歡健身,「了解到女士可能怕尷尬,所以我哋會有女助教協助女學員做唔同嘅練訓,等佢哋感覺良好啲。」


Jackie會在 YouTube頻道分享健身心得及小貼示,示範不同動作,讓大家在家中亦可跟着練習。


Jackie設有 YouTube頻道,定期會邀請朋友一同拍片討論健身話題。 開鋪多 5倍客

去年 2月, Jackie終於走出公園,在佐敦開設小型的健身房 Jackie’ s Fitness。開鋪後,客人比以前上升了近 5倍,月賺約$15,000。「以前得 4至 5個客,但開鋪後,有自己嘅地方同器材,可以進行多功能及針對性訓練,例如操腳肌肉可以用深蹲架、操三頭肌可以用 cable machine,𠵱家客人數目有明顯上升,可能覺得我有間鋪及唔同嘅器材會專業啲。」 Jackie仍然堅持親自 1對 1教授,每小時$600起,不設入會費。
現時客人以 25至 30歲的男士為主,「除咗喺 facebook及網站宣傳外,我仲會拍片放上 YouTube,以生活化嘅形式介紹健身,暫時香港都少人拍健身片,我希望可以令健身同運動大眾化啲。」




健身室設兩層,分別放置不同器材。 Jackie每次都會 1對 1授課,每小時$600起,「我哋唔會迫學員買 package,而且呢度私隱度高,每次預約,就包起晒兩層。」


開設健身室後, Jackie添置了不少器材,更設置坊間較少見的 Glute ham developer,主要訓練學員的下背肌肉。


2樓的健身器材較輕盈, Jackie說:「希望日後可以增加多啲特別嘅器材。」 

Dada 學員
我想減肥,本身去過康文署嘅體育館做 gym,但冇人教唔係好識點做,加上想要啲私人空間,於是上網搵到 Jackie's Fitness。 Jackie教得好好,同埋有女助教一齊教,感覺冇咁尷尬。

地址:油麻地偉晴街 81-87號翡翠閣 A鋪
YouTube@Jackies Fitness

撰文:霍芷晴
攝影:傅新發

    tvb4life 發表在 痞客邦 留言(0) 人氣()