Jessie  21歲香港中文大學翻譯學系 Yr. 4採訪當日, Jessie正在為參加者介紹碑帖展覽的資料,「呢次展覽主要展出由利氏北山堂捐贈畀文物館嘅碑帖銘刻拓本,例如東漢《夏承碑》、宋刻《淳化閣帖》等,想了解中國書法嘅朋友可以嚟參觀。」

U撈

中大文物館大使 帶團要識變通

Ads by Google

在博物館內擔任導賞員,除了熟讀文物知識外,還要令參加者投入其中,才算成功。就讀中大翻譯學系的 Jessie,成為中大文物館的文化大使,她表示每次展覽前都會接受培訓,令自己眼界大開!此外,她會因應對象,靈活變通介紹展品,令參加者覺得有趣,並達到推廣中國文化的目的。

Jessie擔任文化大使已有 2年,除了於文物館帶導賞團外,文化大使亦要負責籌備文化活動,如體驗中國文化的日營,「我哋會喺文化館內舉辦嘅古琴欣賞會、書法班上做 helper;有啲同學會做文書工作,好似幫手打展品介紹短片嘅字幕等,工作好多元化。」
現時 Jessie每月約參與 2、 3次文化大使的活動,導賞團一般 1對 20人,為時 1至 2個鐘,對象以幼稚園、中小學生及長者為主。「其他工作坊、 day camp需時 2至 8個鐘,工作時間好彈性,就到上堂及我返翻譯 part time嘅時間。」




文化大使會參與文物館的宣傳工作, Jessie說:「有時會幫手整理展板上嘅文字、圖片,打好啲內容,再畀職員去篩選。」


最近多了幼稚園學生到文物館參觀, Jessie亦享受帶小朋友導賞團,「小朋友睇唔明碑帖上寫緊咩,我會叫佢哋估吓碑帖上刻咗咩圖畫,引起佢哋好奇心,先會留心聽你講解。」 同學唔了解文物館

中文大學的文物館於 71年成立,因近年成立了教育推廣及傳訊部,向公眾推廣中國文化,故招募學生成為文化大使。 Jessie說:「我中學有修文學及歷史,對中國文化有啲興趣,當時發現身邊唔少同學,都唔太了解自己學校嘅文物館,覺得可惜,所以想成為文化大使,做推廣工作。」
每次舉辦一個新展覽,文物館都會邀請有興趣做導賞員的文化大使上堂,完成 training後,文化大使才可帶導賞團, Jessie因此增廣見聞,「每次導賞,我哋要重點介紹十幾件展品,劃展員會先同我哋講解展品嘅特色、背景,亦有 notes要睇。有次紫砂茶壺展,見到一件黑色好光滑嘅茶具,以為佢唔係紫砂造,上完堂先知紅色啞面嘅紫砂打磨後,會有呢個效果,真係大開眼界。」




中大文物館位於中大本部,在百萬大道的一旁,位置很方便。


「西晉趙氾墓表」文物館的碑帖展覽展示了二十多位古人的墓誌,參觀者不但可欣賞碑上的書體,更可多了解歷史。 小朋友長者大不同

文物館的參觀者多是中小學生, Jessie指介紹展品時,最重要能引起同學的興趣,「你同小學一年班嘅學生講,石碑上刻咗嘅古文,佢哋真係冇辦法理解到。倒不如問吓佢哋石碑刻咗咩圖案、上面佢哋識啲咩字,佢哋就會好熱烈答問題。小朋友覺得得意,先會有興趣聽你講嘢,唔一定要佢哋帶好艱深嘅知識返去,如果令佢哋開始對中國文化有趣,已達到推廣嘅效果。」
面對年長的參觀者, Jessie又會變陣,「我試過帶公公婆婆團,佢哋有啲寫開書法,對唔同書體好了解,有時見到一件展品,比我更加滔滔不絕,如數家珍。遇着呢種情況,不妨聽聽長輩講歷史,佢哋有得分享,睇展覽自然更加投入,我又學到嘢。帶導賞團要因應對象去改變表達嘅方法,唔係將啲資料死背一次。」




Jessie帶導賞團前都會做足功課,「除咗去展覽簡介前會接受 training外,自己都要抽時間睇吓館藏嘅資料,掌握展品嘅歷史背景及特色。」


同學可在文物館內嘗試造碑帖,用木顏色印出刻在膠板上的文字或圖案。 點做文化大使?


文物館會開設工作坊,讓文化大使多了解中國文化, Jessie表示:「之前文物館有個紫砂茶壺嘅體驗工作坊,我哋可以用黏土製作茶具。」

中大文物館教育推廣及傳訊主任 Nicola表示:「只要係中大學生,對中國文化或文物導賞有興趣嘅同學,就可以報名申請,通過面試後,就可以成為文化大使。我哋每年約招募 20名文化大使,任期為 1年,若表現良好,可以繼續擔任。現時我們約有 50位文化大使,參加展覽導賞或其他文化活動,都係以電郵報名,先報先得。」每次活動平均 2小時,時薪$50,以 Jessie每月參加 2至 3次活動為例,月入約 6、 7百元。
查詢: http://www.cuhk.edu.hk/ics/amm 

撰文:杜曉婷
攝影:陳子禮、杜曉婷
部分圖片由被訪者提供

    tvb4life 發表在 痞客邦 留言(0) 人氣()