Vivian設計的手袋都有小鳥的元素,「有啲係成隻雀仔,有啲係用幾何圖案組成,合眼緣就會一眼睇到。」

青雲路

鳥夢手袋

Ads by Google

每個女孩心目中都有一個 dream bag,不論顏色、細節、款式、設計,都想順心順意, Vivian亦不例外,但她決定打造屬於自己的手袋。她喜歡鳥類,小鳥的各種形態都能賜予地靈感,於是她將各種鳥的圖案融入手袋設計中,她創立品牌 Coucou,並推出多個系列,現於文創書店、時裝店及 trade show有售。小鳥的翅膀,彷彿能帶她傲翔天際,帶給她無限想像。

Vivian設計的手袋上全有小鳥的踪跡,用了信鴿、風鳥、大咀鳥、孔雀及鸚鵡等鳥類的特徵,最令人留下深刻印象的是手袋上模仿讓小鳥站立的木柄。她自小喜歡鳥類,小時候有養過小雞和小鴨,說到真正養小鳥則是去年的事,「我一直都覺得雀仔嘅羽毛好靚,成日都會買同雀仔有關嘅嘢。上年 4月,行雀仔街時,一眼就覺得呢款鸚鵡嘅顏色同 size都好合眼緣,於是開始養杜杜同娟娟。」
杜杜同娟娟一藍一綠,十分可愛。 Vivian笑說:「藍色係杜杜,男仔;綠色係娟娟,女仔;佢哋加埋就叫杜娟,我個品牌叫 Coucou,有代表杜娟嘅意思。」在她家中,放滿小鳥的擺設,琳瑯滿目,均由不同國家收集回來,「畀到我最大靈感係一隻 black bird嘅擺設,我為佢造咗一系列黑色皮製手袋。」




Vivian表示小鳥乃她的靈感泉源,她家中養了兩隻小鸚鵡,藍色的是杜杜,綠色的是娟娟,她笑說:「上年行雀仔街時,俾佢哋嘅顏色吸引,於是帶咗佢哋返屋企,佢哋有時都幾嘈㗎!」


工作常接觸手袋


除了手袋品牌外,現時 Vivian還會接翻譯工作及教書,雖現已比較少時間縫製作品,但 Vivian希望日後可以製作嬰兒用品,「以前車過好多 BB用品,有機會嘅話,想同小鳥元素結合,一嘗當年心願。」

96年, Vivian畢業於理工大學語言系,之後分別到《號外》及《 Spiral》任職編輯,「當時主要採訪 lifestyle的資訊,接觸好多生活潮流、設計、美容嘅題材,我對設計品同手袋特別有興趣,喺一啲大牌子嘅 fashion show上,見到會用唔同嘅手袋襯衫,覺得好得意;我平日行街,都會留意途人用咩類型嘅手袋,好似大學生用 tote bag、小學生用咩款式嘅書包等。」
從事文字工作約 10年, Vivian坦言感到工作上沒甚麼大突破與衝激,希望作其他方面的嘗試。「其實我小學開始已對縫紉有興趣, 10年前我姨甥女出世,我車咗好多 BB用品畀佢,袋、 BB墊、衫、被、床單,當時已經有諗過創立自己嘅品牌。」 10年, Vivian辭去編輯工作,修讀了一個短期設計課程,屬於她的第一個手袋系列亦因而誕生。「我希望將自己一直鍾意嘅雀仔融入手袋設計。」

找廠造實物

當時的畢業作品, Vivian決定畫一系列手袋的設計圖,「我用雀仔圖案之餘,仲喺手袋加上木柄,好似雀仔企嘅樹枝。老師 comment話市面上好少見呢類設計,而且實用性高,有同學識相熟嘅廠商,覺得可以造成實物。」
於是他們一起到深水埗找合適的布料,然後交予廠商做樣辦。經朋友介紹下, Vivian以這一系列作品參加 11年 7月舉辦的香港 fashion week,反應不俗,有不少人問價及給予意見。

Vivian就客人的意見加以改良,例如手袋的比例、厚薄及揹帶的長短等,「同廠商溝通有一定難度,講少啲細節真係會造唔到,試過我明明畫曲線,但出到嚟起角,有啲圖案甚至整體外形都走樣,之後我會同師傅講得清楚啲,唔好嫌麻煩,設計圖要正面、側面、 360度都畫得好清晰仔細。」




採訪期間,留意到 Vivian家中每個角落都滿是小鳥的踪跡,「大部分都係丹麥同北歐出品,畀到我最多靈感係呢隻 black bird,真係好鍾意。」


韓國客訂 600個

Coucou於 12年 7月正式成立, Vivian主要透過 trade show宣傳及售賣,「我再參加第二年嘅 fashion week,好開心有一個韓國客訂咗 600個手袋,喺當地時裝店售賣。」除了 trade show及網店售賣外,現她設的手袋更在 PMQ的 Detour、 K11的 design mart、設計廊、 Page One及朋友的時裝店等有售。
Vivian平均月賺約$20,000, Coucou的客人以 20至 30歲的女士為主,「我想手袋大眾化啲,價錢盡量定喺$1,000以內。日後會推出更多款式,我希望有機會同其他品牌 crossover、搞展覽,仲會試吓推出男裝系列。」

facebook@Coucou by Vivid Workshop




Vivian的工作室位於荃灣,「呢度主要係 show room用途同擺貨。」雖然只佔合租 office的一個角落,但 Vivian對於佈置毫不馬虎,沙發及屏風都使用帶有鳥類圖案的款式。





圖為 2014 Style Hong Kong時裝表演時所攝, Vivian表示十分難忘,「呢個係第一次以 Coucou品牌參加嘅時裝表演,見到 model喺台上拎住自己設計嘅手袋,真係好感動。」


最新設計孔雀圓形手提袋$695


手袋附有木柄,代表雀鳥企在樹枝上,是 Vivian的設計特色之一。 

Shirley 六合彩節目主持
我喺 FIFTH Salon見到有賣呢款小鳥手袋,我覺得不論材料、圖案設計及顏色各方面,都有一種拼貼嘅玩味,同埋小鳥嘅元素好突出,係一件時刻充滿生氣嘅作品。

後記:保護小鳥

Vivian喜歡小鳥的程度令人歎為觀止,除了喜歡各種小鳥飾物及擺設外,對於真鳥,她同樣關心。採訪當日,她向記者介紹多種鳥類,如黑臉琵鷺、信鴿、鵜鶘等,「鳥類保育其實好重要,除咗設計手袋外,我希望日後都可以同鳥類保育團體合作。」香港瀕危的鳥類不少,大家觀鳥時要注意減低對大自然的破壞。

點入行?

Vivian表示,修讀時裝設計的人士會較易掌握手袋設計的竅門,「我喺 10年修讀由香港生產力促進局(HKPC)開辦嘅手袋設計及多媒體應用文憑課程,畢業後成立自己嘅手袋品牌。但呢個係非定期性開辦嘅進修課程,要留意幾時會開班。」有興趣入行人士,若想了解更多製作手袋的細節步驟, Vivian建議可報讀英國倫敦 University of the Arts London(UAL)旗下學院定期開辦的全日制短期課程,於三兩天以至一週的時間掌握手袋設計的專業知識。

查詢:香港生產力促進局
http://www.hktrainingonline.com 

晉升階梯

高級設計師
約$15,000至$20,000( 4年經驗或以上)

設計師
$13,000至$15,000( 2年經驗或以上)

助理設計師
$10,000至$11,000( 1年或以上經驗)

見習生
約$9,000起(無需經驗)

撰文:霍芷晴
攝影:陳嘉元、傅新發
部分圖片由被訪者提供

    文章標籤

    青雲路 鳥夢手袋

    全站熱搜

    tvb4life 發表在 痞客邦 留言(0) 人氣()