職場起底組

避尷尬 學化妝

Ads by Google

早前中國國家主席習近平夫人彭麗媛在訪英期間,被拍下臉上出現不均勻白粉的照片,如果你作為當事人,一定會感到尷尬萬分。其實打工一族不時需要見客或者出席公司宴會,不想出醜於人前,還是報讀坊間一些化妝技巧課程,學扮靚自己,避免出醜,展現個人風采。

Arevolutionary舉辦的韓國女生個人化妝班,讓學員學懂基本化妝技巧,課程由有 10年以上化妝經驗的 Vince及其他導師任教,「堂上會教學員上底妝、畫眉、刷胭脂、塗唇膏等技巧,仲會教佢哋了解自己嘅膚質,大致分為油性、乾性及混合性肌膚,然後先揀到啱自己用嘅化妝品。香港女生多屬混合性肌膚,宜採用補水性較高嘅化妝品。」

不同妝容的注意地方


Vince表示化高清妝,先用礦物粉做底妝,有定妝的功效。Make Up For Ever HD MICROFINISH POWDER$350

在出席不同場合時,所化的妝容也有要留意的地方, Vince說:「高清妝好多時都會用上礦物粉,佢有定妝、吸收多餘油脂嘅作用,但使用時要注意,如果塗得唔均勻,當塊面出油就會出現反光白粉嘅現象;另外,有啲化妝品含有閃粉,用嚟折射濾走紋理及小瑕疵,如果知道出席嘅場合多閃光燈,就要唔好用太多,因喺閃光燈下望落會好似好多油光咁。」

塗礦物粉要均勻

 




塗礦物粉在塗上臉上前,化妝掃可在手心上打圈,令礦物粉不會聚成一團。


化妝掃使用打圈方式,令礦物粉均勻地散佈在臉上。 

導師 Vince
女生選用粉底時,最好搵接近自己嘅膚色,淺一度已經足夠。如果本身膚色黑,再用啲淺好多嘅粉底,臉色望落反而會暗沉,冇光澤。



學員 Ann
由揀底妝、胭脂、唇膏等 products,應該點化,導師都會教到,自己本身對化妝唔太熟手,都可以好快掌握竅門,𠵱家可以化得靚靚去見人。

課程:韓國女生個人化妝班
機構: A revolutionary
對象:有興趣人士
學費:$1,000
堂數: 2堂,共 4小時。
內容︰妝前基本護理、化妝工具基本運用與技巧、粉底種類認識及運用方法、五官比例學、面部修形技巧等。
查詢: 9829 1696

PROFILE

打工達人,白羊座,性格外向,天生八卦愛吹水,相識滿天下,目標做盡 72行,成日捐窿捐罅搵吓有乜好工跳槽,刮盡各行筍料秘聞。

撰文:打工達人
Model: Bie@FACE UStar

    tvb4life 發表在 痞客邦 留言(0) 人氣()