Common App

U人淘寶 睇清付款收費

Ads by Google

上淘寶淘寶,唔係師奶嘅專利,日常需要睇住預算做人嘅大學生,同樣啱上淘寶掃平貨,尢其係住咗兩個月 hall都仲未採購齊全生活所需嘅同學仔。
既然 budget有限,自然想慳得一蚊得一蚊,連手續費都唔好蝕畀支付寶,所以揀付款方式真係好緊要,既要抵用,又最好方便易用。以前大家多數用信用咭、 PPS同八達通,但 HKT(香港電訊)新出嘅 Tap& Go「拍住賞」電子付款系統,最近支援埋支付寶,一樣可用嚟上淘寶買嘢。有新付款方式,梗係要格一格價,睇睇抵唔抵用啦!

Tap& Go變 MasterCard

首先當然要介紹番 Tap& Go係點用啦!佢其實係以 SIM咭作為依據嘅付款系統,要係 HKT旗下 csl.或 1010兩個台嘅客戶先用得。開通咗 a/c之後, Tap& Go會變成一張虛擬 MasterCard咭,平時喺街鋪買嘢可以透過 Android手機嘅專用 app同 NFC功能嘟咭畀錢;上淘寶買嘢找數嗰陣,只要喺支付寶輸入虛擬 MasterCard no.,就能好似用普通信用咭咁付款,用法至少比八達通簡單。不過張虛擬 MasterCard並冇信用額,要去 csl.、 1010門市或 7仔增值落張咭先買到嘢。




Tap& Go須靠專用 app去開通同設定 a/c,而個 app只具備 Android版, iPhone用家用唔到。


喺 Tap& Go app入面會睇到晒虛擬 MasterCard嘅所有資料,仲有咭入面有幾多餘額。


淘寶後如常進入支付寶付款,只要選擇「使用其他信用卡」,再輸入虛擬 MasterCard嘅號碼、有效日期同 CVC2驗證碼,即能完成交易。 $100回贈

新嘢官方梗會推出啲優惠引人試用,由𠵱家至到 12月 31日,只要喺淘寶一張訂單過買滿$200,就會合共有$100分別回贈到 Tap& Go同支付寶 a/c(買幾多都係回$100)。另外,用 Tap& Go付款本身要收 3%手續費,但喺 1月 1日之前買嘢,亦會有半數手續費回贈入 Tap& Go a/c,變相只收 1.5%,同 PPS及八達通睇齊。
出書當日正好係 11月 11日強國光棍節,淘寶又會有勁多商店做特價,吼正時機掃貨,賺晒兩邊優惠可慳唔少!你唔係 csl.或 1010客戶?總有家人或同學係啩?叫佢哋幫手淘,或者借個 MasterCard no.畀你就得, SIM咭同手機唔使過你手㗎!




但要記住,手機淘寶 app只支援信用咭付款,莫講話 Tap& Go,連 PPS同八達通都用唔到,想慳手續費就要上番網頁版淘寶買嘢。


Tap& Go app本身受到密碼保護,又有得選擇開關網上付款功能,唔見手機都唔怕俾人偷你資料去買嘢,保安措施做得幾足。 PPS最抵最方便

其實,上淘寶買嘢最抵係搵充值公司直接充值入支付寶 a/c,因為咁樣支付寶唔會收手續費,但係充值過程比較麻煩,所以始終最多人用信用咭、 PPS同八達通付款。
不過用八達通付款,都需靠 NFC手機( iPhone唔支援)去嘟八達通,而且每次最多只接受 750人仔,買唔到貴嘢,八達通自動增值又每日只能增一次,好易用到冇晒錢,用落都係有啲煩。
至於 Tap& Go,實試方便程度同 PPS差唔多,都係喺網站輸入咭資料或密碼就畀到錢,但人仔兌番港幣嘅匯率比較差,就算優惠期內手續費相同,最後實付金額都大約比 PPS同八達通貴 1%左右。總括嚟講, PPS仍然係最抵用同最方便嘅淘寶付款方式。




喺支付寶網站付款時,選擇 PPS或八達通會即時睇到人仔兌港幣後實際要畀幾多錢; Tap& Go同信用咭因用自己匯率,所以只會 show番人仔銀碼。

撰文:陳兆奇
部分攝影:傅新發

    tvb4life 發表在 痞客邦 留言(0) 人氣()