Webber

像我這樣的一個小賤人

Ads by Google

記者曾聽一名大學同學所述:「自稱賤人可以名正言順做賤嘢」正因為這個原因,記者經常自稱 PK,讓自己可以名正言順做 PK事!然而,相比於那些滿口仁義道德的偽善者,記者更喜歡的是自命賤人的人,起碼做賤事都做得光明磊落。今期 Webber主角正是自名為「賤人」的 fb專頁〈賤人新世紀〉版主蘇泳康,訪談過後赫然發現蘇泳康心地根本善良,雖然他一樣愛看人 PK,但他更愛看 PK PK,果然精警!



蘇泳康
fb:賤人新世紀
Likes:約 19,470
著作:《我只是一個賤人,何苦你這麼認真》

〈賤人〉專頁為推另一 fb專頁


呢張以近日齊昕萬聖節怒摑阿媽的惡搞圖,惹來近 4000個 likes,記者睇到嗰下都笑咗出嚟,都幾引證到「香港人鍾意睇人 PK」的心態。

「我啲朋友話我個人做啲嘢賤格,講嘅嘢又賤格,但現實生活唔可以咁盡,所以本來就想開個 page賤盡佢,過吓癮,但做得耐咗之後,又發現對住陌生人賤格唔到,原來自己對住熟人先可以講到賤格嘢,於是,個 page慢慢就變到以黑色幽默嘅風格去畫一啲生活鎖碎事。」不說不知,原來蘇泳康有另一 fb專頁名叫〈一路向北〉,同樣畫插圖,但題材則以政治為主,繪畫風格亦偏正經和黑暗,與現在〈賤人新世紀〉的風格完全截然不同。「其實我覺得𠵱家好多畫呢類 page嘅人都係對社會現實悲觀,改變唔到之下,唯有用呢個方法去鬧,唔好俾佢(編按:梁振英)咁舒服地過。」網絡世界的觀眾偏好輕鬆搞笑題材,蘇泳康想不到〈賤人新世紀〉如些受歡迎,於是,〈賤人〉便成了〈一路向北〉的橋樑,讓更多人看到他的政治插畫。

鍾意睇 PK PK 賤人實質善良


早排呢張〈童話人物在香港的現代生活〉,內容引起港人共鳴,難怪有成過萬個 likes,令〈賤人新世紀〉呢個 page多人關注!

蘇泳康:「其實每個人都有種賤嘅天性,但賤得嚟又唔係邪惡嗰種,唔會打家劫舍,類似一個城市小人物嘅故事,例如搭巴士時,都會傾向坐上層,因為費事喺下層見到有阿婆要讓座;貪小便宜、又或者撩完鼻屎行過唔見有人會周圍抹一樣。」喺呢個壓抑嘅香港,小小賤格,都係香港人釋放嘅其中一種渠道,網絡有句名言:「香港人最鍾意睇人 PK」,其實呢種都係一種難以解釋的天性,不過蘇泳康就有另一番演譯:「咁我覺得自己幾善良,我鍾意睇 PK嘅賤人 PK多啲喎,因為我睇到人 PK嘅時候會有啲身同感受,例如網上成日會見到有啲女仔俾人執咗電話,然後入面啲裸照俾人睇到哂,我代入如果係我自己,其實好慘。所以俾我揀我會睇 PK PK,覺得有公義,浩氣長存,惡人有惡報,個人會開心啲!」

人在網絡世界特別衰格


蘇泳康特意為今次訪問畫了四格連環圖,教大家「賤人的道理」,欲知後事如何,請看《 FACEPop》分解!

近來有很多網民會在地鐵拍下坐在關愛座的年青人,繼而附上一段怒斥的文字,蘇泳康認同現今人們傾向透過網絡將事件放大:「現實生活可能唔敢出聲,但隔咗一層電腦,喺個鍵盤前面就會放膽去鬧,因為覺得冇人會識自己,某程度上都係一種宣洩。」蘇泳康覺得人在真實世界中,會比較收斂,但在網絡世界,人會衰格啲,而佢自己都係:「例如有啲網友睇咗我嘅嘢一段時間,我覺得同佢 friend friend地,就會敢同佢講啲賤嘢,『食屎啦你』。」不過,蘇泳康認同,正因為網上世界嘅人特別放,特別衰格,所以先危險,「因為我個 page都有畫我公司嘅人同事,我都唔知邊啲會喺真實世界得罪人,為咗保住份工,所以唔想出樣。」

撰文:陳可兒

    tvb4life 發表在 痞客邦 留言(0) 人氣()