女神陳瀅本身有近視,所以一定有戴隱形眼鏡,拍《殭》時仲要戴多一副特技隱形眼鏡喎,真係辛苦晒。

真面目

好 dirty 大台迫戴扮殭屍 陳瀅共用彩 con中招

Ads by Google

一台獨大,造就大台每年賺錢億億聲,不過叠水唔等於會豪畀你。好似今年初拍落嗰部《殭》劇咁,開拍時係威係勢,搵謝安琪做主角,又去荷蘭取景,不過扮殭屍最緊要嘅 colour con(有色隱形眼鏡),據知除咗主角外,其他演員竟然要同人 share,想衞生啲咩,就要自費畀錢買。
據知女神陳瀅因為客串幾集,所以都係懵盛盛中咗招,共用隱形眼鏡咁唔合衞生,大台真係度到盡。

大台重頭劇《殭》由今年 1月開拍,暫定排到下年 3月先播,搵嚟謝安琪做女一,又去荷蘭取景,好大 budget咁,但大台點會咁豪爽,所謂殭屍片除咗殭屍牙外,最重要就係殭屍眼,雖然荷里活已經用電腦特技整到,不過大台仲係 20世紀土法練鋼,繼續要求演員戴有色彩 con(有色隱形眼鏡)扮殭屍。




主角唔使 share《殭》 4位主角,大台當然悉心照顧,有私家隱形眼鏡,兼有專人保管唔會撈亂,所以紅係好緊要㗎!網上圖片


萬聖節指甲大台拍殭屍戲仲係停留緊喺 80年代,要演員戴晒長指甲、有色隱形眼鏡、十足小朋友玩萬勝節咁!網上圖片


似大眼仔謝安琪呢啲一綫女星,當然私家隱形眼鏡啦,不過對殭屍眼好似同大眼仔冇乜分別! 網上圖片


陳瀅曾經代言隱形眼鏡,仲同李治廷一齊拍廣告! 網上圖片 客串焗住用

戴隱形眼鏡做戲冇所謂,可惜只有主要演員,例如鄭嘉穎、謝安琪和陳凱琳等,先有公司提供,其他配角演殭屍,據知就要同人 share隱形眼鏡,隱形眼鏡同眼球有親密接觸,交換戴有機會眼球細菌互相感染,真係唔多衞生。聽講劇中客串 3集飾演殭屍的陳瀅,就要同人共用隱形眼鏡,原本佢都唔想,但為免影響進度,最終頂硬上。不過陳瀅就話:「其他演員我就唔清楚,我劇中飾演女殭屍,所以自己都有 1 set隱形眼鏡,唔係自己買嘅,因為嗰副隱形眼鏡係特技用㗎,帶咗拍出嚟,瞳孔好似 5蚊銀咁大㗎!」
而戲中另一殭屍大隻仔溫家偉就話:「之前有冇人用過我就唔知喎!唔會啩!」希望唔會啦!




戴咗紅色隱形眼鏡,呢個就係鄭嘉穎嘅殭屍 look喇,真係 20年都冇變過! 網上圖片


99年亞視嘅《我和殭屍有個約會》,尹天照呢個殭屍 look,就係用有色隱形眼鏡,加假牙,但亞視當年有贊助,演員每日拍完即棄,衞生好多。 網上圖片


溫家偉劇中飾演中國殭屍,劇組有安排隱形眼鏡俾佢,他說:「我嗰副有寫名㗎,但之前有冇人用過我就唔知喎,唔會啩。」 網上圖片


大台藝員阮兒、喺上一輯《愛.回家》飾演 Pinky同馬子仁都有唔少戲份,今次喺《殭》亦係飾演殭屍,但有色隱形眼鏡竟然要自己買?她說:「我係自己買嘅,工作需要冇所謂。」 網上圖片


自《 4個女仔 3個 BAR》後,陳瀅正式成為女神,早前更出寫真,如果陳瀅對眼有事,巴打一定唔開心。 20分鐘自己變殭屍

睇過《張保仔》同《無雙譜》就知大台嘅特技有幾貼地啦,其實𠵱家拍殭屍戲都唔使點用假牙同有色隱形眼鏡, YouTube都有教你啦, 20分鐘就整到殭屍眼,咩顏色都有呀!




拍殭屍咬人,唔使再戴假牙拍咁假喇,人哋後期畫上去就得啦!  YouTube畫面


YouTube畫面


大台要班演員戴副隱形眼鏡成日先拍到,其實網上已經有人教,只要裝上 after effect軟件, 20分鐘就做到,塊面仲會變色㗎!  YouTube畫面

採訪、撰文、攝影:娛樂組

    tvb4life 發表在 痞客邦 留言(0) 人氣()