周汶錡 靚媽自拍癮

唔講唔覺名模周汶錡(Kathy)嘅中法混血B已經有四個月大,o依家Kathy好少接job專心湊B,可能因為湊得B多,所以瘦得特別快。東姑見到Kathy真人,直覺佢仲瘦過以前添。

Ads by Google

已為人母嘅Kathy,開口埋口都係湊仔經,佢話個老公最想仔學好啲中文,既識寫又識讀喎;因此打算安排個仔讀本地嘅學校,打好中文嘅基礎。至於,日常就會用英文、法文跟囝囝溝通,再加埋Kathy嘅屋企人係講上海話,而學校又會教普通話,咁樣囝囝就可以學識五種語言嘞。

雖然Kathy已經做咗人媽媽,但同時下一般少女一樣鍾意玩自拍。日前,東姑喺韓國護膚品牌「后」嘅飯局上撞到Kathy,趁未上菜,佢就即刻攞住部手機同品牌老闆娘Tracy玩自拍,兩位靚女咁啱又着埋差唔多款色嘅衫,似足一對孖妹咁,立即成為咗全場嘅焦點。

另外,同枱仲有久未露面嘅陳霽平,佢見到Kathy玩自拍,於是唔執輸玩埋一份,之不過當佢踎低嘅時候,因為條裙太短就春光乍洩。而當東姑想走埋去提佢時,伊人已經好醒目咁披番條圍巾遮住,反應果然夠快!

周汶錡產後極速收身,東姑喺現場見到佢好似仲瘦過以前,真係羨慕死人。

日前,Kathy同老公Julien就為囝囝搞咗個以動物做主題嘅百日宴。

Kathy仲好鬼馬喺微博上載咗一張老公同囝囝沖涼嘅親子照,既溫馨又得意。

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()