壹科林

直擊 Letv北京發布會 中階新機 Le 1s

Ads by Google

近期動作多多的 Letv,投得香港英超直播權、同 PCCW合作播球賽、買盒子即可免費睇英超等,一次過將重點全部放在電視上。不過, Letv又點只得電視,最近亦積極開拓手機業務。
早前已發布全球首部用 Type-C插頭的 Le Max,預計會在 11月香港推出。日前又在北京開發布會,介紹另一新機 Le 1s,究竟新機又有什麼賣點?今次特別現場直擊,睇睇有幾勁。

人多機少

今次 Letv新機在北京萬事達中心發布,話就叫中心,但其實是小型紅館,既然斥資投得香港英超直播權,就知 Letv財力雄厚。今次發布會邀請大批記者到場,目測最少有超過一百個來自中、港、台、印度、俄羅斯等地記者,相當墟冚。




今次推出的新機 Le 1s,同之前推出的 Le 1外形幾乎一樣,同比較新款的 Le Max並排,遠睇都未必分得出。


採用無螺絲設計,即是全部都以榫位接合,做到好似一體化。 左右玩對稱

至於主角 Le 1s,單睇規格,估計主打中階市場。但外形就同之前推出的 Le 1極為相似,細心睇之下,發現機面相機擺位又有少少分別。原來今次特別改用對稱設計,由聽筒、感光器、前相機、喇叭位等都做到左右對稱。至於屏幕方面,同 Le 1一樣都是 5.5吋 1080p,同時亦在屏幕下方加入隱藏式的 back、 home、 menu三個按鍵。




屏幕下方設有隱藏按鍵,不過在比較光的環境,就好難睇到,隱藏能力似乎太強。


相機方面加強對焦速度,最快可在 0.09秒對焦。 功能少升級

雖然話是中階機,規格亦不差,包括支援雙卡雙待雙 4G、 3GB RAM、 MTK Helio X10 Turbo 2.2GHz八核心處理器、 3000mAh內置電池等等。另外,新機都有不少改進的地方,例如之前純平面的玻璃屏幕,比較容易跌爛,新機就將屏幕與顯示面板分隔 0.2mm,據講能有效紓緩跌落地的撞擊力,令爆芒機會減少達 70%。機背的指紋識別功能,亦加快感應的速度,按下大約一秒就會開到機。




自拍相機為 500萬像素,並設有語音控制加強美肌、對比度等功能,不過一定要講普通話先用到。


就算旗艦級的 Le Max,都好易因為跌落地而爆芒,反而中低階版的 Le 1s加入防爆芒設計。 主相機降級

主相機與上代一樣,只得 1300萬像素,但將會支援 4K影片拍攝,而最近大陸機大熱的雙色溫補光燈,就無在新機出現,只是加強光度單色補光燈。新機預計今年 12月到港,定價方面,國內為 1,099人民幣,計落只要$1,340港元,以價論貨,算幾抵用。




Letv亦會同 Aston Martin合作,製作汽車專用的多媒體操作介面,同時亦會自己生產汽車。


現時市面最大的 4K電視只得 100吋,而今次 Letv就推出 120吋,定價 49.99萬人仔,但香港未必會有。 仲有選擇

近年國產機以性價比取勝,價錢平又規格高可以話係賣點之一。如果不想等,寧願加多少少錢,買部規格更好的手機,亦都有不少選擇,介紹幾部已開賣的新機,可以即買即用。



規格更強  Meizu MX5
要規格好又鍾情國產機,其實都可以揀 Meizu MX5,同樣支援雙卡雙待雙 4G、 5.5吋 1080p屏幕、 3GB RAM及 Helio X10 Turbo 2.2GHz八核心處理器,而且主相機更採用 2000萬像素及 4K拍片,最重要支援快速充電, 30分鐘即可充滿一半電,夠實用。

售價:$2,599
網址: http://www.meizu.com/hk 



脫離國產  HTC One E9 Dual SIM
講抵玩,又不想買國產機,仲有 HTC One E9 Dual SIM,支援雙卡雙待,內置 MTK 2GHz八核心處理器及 5.5吋 2560 x 1440像素屏幕,主相機 1300萬像素。雖然只得 2GB RAM,但起碼保安方面會較為放心。

售價:$2,898
網址: http://www.htc.com 

撰文:蘆甘
攝影:(北京)
mailto:features@nextmedia.com

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()