ne.jpg


Jeannie Chan橙紅色織錦入膊連身裙$5,190Alice& Olivia from Lane Crawford

cover face

陳瀅 主動出擊

Ads by Google

 

論最快入屋途徑,無可否認一定係亮相公仔箱。
難得陳瀅非大台親生女,但憑一套電視劇打出名堂後,工作機會接踵而至,仲有巴打們齊聲讚好做埋「高登女神」,加埋密密接廣告冇停手,真係賺咗幾個開。同事業一樣,講起愛情,近排被影到與四太兒子何猷亨撐枱腳的 Jeannie,竟然話遇到心上人會主動出擊。
係嘅,積極爭取總好過等運到,「叻唔叻唔係自己評分嘅,留番俾觀眾講最啱。」
係咪大贏家實屬未知之數,但講階段性勝利,陳瀅絕對技術性擊倒!


唔怕做主動!陳瀅:鍾意為食男


Jeannie Chan Profile
 


Jeannie Chan粉藍及白色織錦圖案連身裙(未定價) Tory BurchMurano系列 18K黃金彩色寶石耳環$4,600Marco Bicego from Emphasis Jewellery

出生日期: 1989年 10月 22日(天秤座)
出生地:加拿大
身高: 168cm
語言:廣東話、普通話及英語
簡歷: 10年拍攝 Pizza Hut及 Acuvue隱形眼鏡廣告初登上熒幕。 11年英屬哥倫比亞大學學士畢業,及後回流香港,成為模特兒及接拍電影。 12年修讀北京電影學院短期表演課程。 2015年推出寫真《半透明的舞孃》。
主要作品:電影《盜馬記》( 14)、《迷你夜》( 13)、《寒戰》( 12)。電視劇《四個女仔三個 BAR》( 15)、《女人俱樂部》( 14)。
寫真《半透明的舞孃》( 15)廣告《森田藥粧》( 15)、《屈臣氏》( 14)、《 Citibank》( 13)。
Instagram: missjni

高登女神

整個訪問,陳瀅笑聲多到不得了,我爭啲以為同緊兒童節目主持傾計。入行五年,由平面廣告模特兒做起, 14年第一套電視劇飾演少女版陳慧珊,雖則唔係擔正,但憑着甜美笑容加幾分嬌俏,迷倒唔少少男,即刻成為高登熱論女神。
依家女神之名泛濫,鍾唔鍾意呢個稱呼先?
「哈哈,俾人叫得女神冇理由唔鍾意嘅。」
說時含羞答答,我信愛笑嘅女仔,有份自信嘅獨特光芒,同《 M Club》內早佢幾年出道嘅陳嘉寶同糖妹相比,一啲都唔輸蝕,極具觀眾緣。
「其實我心目中嘅女神係謝安琪。佢好關心每一個人,保持住開朗嘅形象,同埋佢冇架子,呢幾個都係女神要具備嘅條件。
「 Kay係首三屆高登女神,所以佢都係我嘅女神。」
正所謂「得網民心者,得天下」,連高登你都追得咁貼,難怪 Instagram擁有超過近 26萬追隨者,女神稱號並非浪得虛名!




15年 果然係番書妹性格,同屋企人齊齊 duck face,左下角係湊大佢嘅婆婆。


14年 次次拍劇都係同一大堆女仔合作,佢話少少是非一定有,但都無損大家友誼。


15年 佢全裸拍輯寫真,女人為靚真係可以去到好盡!《蘋果日報》圖片


14年 陳瀅同熟男嘟嘴自拍。緋聞男友?係繼父至真。 千金追夢

喺加拿大成長、 UBC工商管理學士畢業,背後仲有個有米後父,聽聞喺廣州擁有一座大過朗豪坊嘅商場,陳瀅入娛樂圈,似係追夢成份居多。
「如果當初冇入行,依家應該做緊 daddy要我做嘅嘢,例如地產或者 marketing。佢覺得我好叻女,所以成日想訓練我去接班,但我始終覺得,做番自己鍾意做嘅嘢好啲。」
但娛樂圈唔係你鍾意就有得做,陳瀅擺明模特兒出身,依家轉型做演員,講真,做花瓶都唔容易,有冇懷疑過自己能力先?
「曾經有好長時間冇工作,好懷疑自己係咪唔適合做呢行?或者係咪做得唔夠好,曾有段迷惘時期。最後覺得不如再試多次。我去咗進修唔同語言,仲學埋功夫同跳舞,因為演員就係要具備所有條件。」
但講到尾,喺呢行發展,個人悟性重要過一切。
「五年前拍過一個隱形眼鏡廣告,對住鏡頭,一面講:『嘩!好舒服呀!』我仲記得好清楚,當時拍咗過百個 take都唔收貨,個客後來同我講,我對演藝唔夠熱誠,嗰陣聽完就算,但依家明白佢講咩。知道當時自己對住鏡頭真係冇情緒、一片空白,呢個係一個領悟。」
學完跳舞正好遇上拍《 M Club》呢個機會;咁啱大學時上過法律課程,又咁橋有個律師角色到手,未算手到拿來亦總算唔失禮,認真好命。不過咁,作為尾班車八十後,本來生活無憂嘅陳瀅,為了夢想積極裝備自己,都算抵讚。

情迷為食男


Jeannie Chan米白色短身背心$14,800 Leonard Paris黑白色圓點紗裙$33,500 Michael Kors彩色圖案高踭鞋$7,600 Charlotte Olympia金色圓形金屬頸鏈$1,180 MAX&Co.18K黃金球狀戒指$8,660 Marco Bicego from Emphasis Jewellery金色幼身戒指 Jeannie's own

天秤座女生一向係花蝴蝶滿場飛,同陳瀅傾感情事,佢口講隨緣,但傾落就知佢認真 mode。下列要求我建議各位港男認真記低,皆因女神話嚟緊唔再玩 long-D,積極尋找本地發展。
「我覺得香港男仔可能體貼啲,喺外國長大嘅男仔始終好 free style,會忽略細節。我唯一要求係,唔可以瘦過我,因為我怕冇安全感。我好鍾意食嘢,比較鍾意為食啲嘅男仔,因為約會食飯我可以叫好多嘢,每樣食少少,佢就幫手食晒,因為我好怕浪費食物。
「對方經濟上未必一定要照顧到我,反而覺得同一個能力比我高好多嘅男仔一齊,我會成日將佢同我比較,覺得自己冇佢咁成功,呢種壓力我覺得唔係咁健康。」
聽落十足獨立女性宣言,或者因為自細同媽媽關係麻麻,成長時期由繼父同婆婆照顧,所以慣咗乜嘢都自己爭取,就連求愛方式都同樣 aggressive。
「第一個男友係我主動出擊追番嚟,中學時曖昧咗一段時間,真係連攬都冇,終於有一次我忍唔住主動拖佢,咁就一齊咗。如果自己鍾意嘅話,其實邊個做主動冇乜所謂。」
有靚樣、有學歷,仲要夠主動,港男們,死未?!

後記


Jeannie Chan藍色織錦圖案背心$3,399 Markus Lupfer粉紅色傘裙$3,499 Fleamadonnaboth from I.T18K球狀手鏈$42,200 Marco Bicego from Emphasis Jewellery

今時今日寫真集被美化成圖像文學, Jeannie早前趁書展推出咗一本,都算係佢今年嘅大 project!
為影靚相完全冇包袱全裸上陣,為事業博到盡,席間仲話如果廿年後仲有羅霖咁 fit,直情想日日影寫真!
好,我就等睇你到時出本寫真 40.0!

 


Shop List
 

Charlotte Olympia 中環置地廣場 221號鋪  2142 9008
Giuseppe Zanotti Design 中環國際/融中心 2072-2073號鋪  2805 0890
Emphasis Jewellery 金鐘太古廣場 L1 139號鋪  3107 0260
I.T 銅鑼灣希慎道 1號 1樓  2890 7329
Lane Crawford 中環國際金融中心 3樓  2118 3376
Leonard Paris 中環置地太子大廈 137-138號鋪  2521 7733
MAX&Co. 中環國際金融中心 1053號鋪  2722 9616
Michael Kors 銅鑼灣名店坊地下 3-5、 18-19及 1樓 F-2號鋪  2503 5311
Tory Burch 銅鑼灣時代廣場 318-319號鋪  3421 1229

撰文: Orris Wong
形象: Annie Hung
攝影: Parry Fung
化妝: Vinci Tsang@wvc makeup
髮型: Wilson Wong@Popeight

 


文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()