「有波子味雪糕,埋嚟試吓呀!」經過旺角登打士街的 Check in Tokyo,總會聽到來自東京的老闆娘 Juri用嬌俏的聲音叫賣,她希望將日本地道街頭小食店的叫賣文化帶來本港。

創業通

相機先食 日式雪糕大賣

Ads by Google

香港的天氣愈來愈熱, 4季的溫度差別也縮少,今年都適宜吃雪糕!到了 11月,雖然開始轉涼,但在「相機先食」的年代,只要賣相吸引,必能吸引食客幫襯,兩間日式雪糕店 Check in Tokyo及 Tokyo Secret的老闆深明此道,均以獨特賣相及口味成功招徠顧客,在冬天賣雪糕,使乜驚呀?

CASE 1 架妹 SELL正宗日式雪糕

位於旺角登打士街的雪糕店 Check in Tokyo,由 Michael及日籍太太 Juri開設, Juri說:「我哋用日本傳統嘅味道嚟製作雪糕,好似波子汽水、抹茶、白桃、巨峰提子及玄米等,材料全部喺東京及大阪入貨。」
Michael表示每款雪糕由試驗到製作成品,約需 3星期,「最初我哋要逐隻味試同啲雪糕夾唔夾,雪糕嘅奶味同 cream味可能會遮蓋原材料嘅味道,好似芝麻味,我哋想造到好濃味同好深色,但都係太淡未成功,遲啲可能再試用竹炭粉配合。」
即使試到合適的味道,他們也要遷就香港人的口味,再作調整。「除咗要濃味啲外,香港人對雪糕質感嘅要求都唔同,要慢慢調校,日本嘅雪糕冰啲同輕身啲,港人就鍾意滑身啲。」




Juri(左)表示與 Michael不時會就各種問題討論:「淡啲定濃啲好食,為傾產品造型都會成日開會,唔同意見一定有,但我哋好少會嗌交。」


Juri訓練員工很有耐性,會親自示範,讓員工仿傚,「我哋同員工關係好好,但一開始要 train佢哋對客人有親切嘅笑容會有啲難度,多啲提醒後,佢哋𠵱家連放工都仲笑緊。」


採訪當日近 2pm,雪糕店位於旺角,生意不絕, Michael表示:「平日大多數 5pm後會開始多人,要排隊。」 太太愛吃雪糕

今年分別 28歲的 Michael和 26歲的 Juri,於 08年相識,其後結婚並一起創業, Michael說:「我之前喺多倫多修讀建築及經濟系, 10年畢業回港,做過地產嘅工作。因為屋企人做時裝零售生意,所以我自小受佢哋感染,對做生意好有興趣,想試吓自己創業。我同 Juri對食都好有要求,佢鍾意食甜品同雪糕,就諗到開雪糕店。」
今年 4月,他們開設 Check in Tokyo,「最初我哋會親自到日本搵供應商,然後逐間試,𠵱家搵到固定供應商,佢哋會寄原材料嚟香港,方便啲。」作為夫婦,一起做生意,也會有意見不合的時候, Juri笑說:「少少分歧一定有,好似雪糕啲味濃啲定淡啲好、賣相點整先靚等,但唔會拗得好激烈,我哋會先聽對方嘅見解,再問 blogger、 staff及 fans嘅意見,搵出最好嘅解決方案。」




Ramune Koala$42


Hokkaido Milk Cat$42


Deluxe Cone$33 最緊要笑

現時客人以學生及旅客為主, Juri希望將日本街頭小食文化帶來香港,「日本地道小食店嘅員工會喺街叫賣,同埋好有禮貌。訓練員工時,我會叫佢哋保持笑容,同埋大聲叫賣,一開始佢哋都好唔慣成日笑,但客人見到我哋和善嘅態度,大多都好受落,畀到員工好大嘅成功感,佢哋慢慢就習慣咗親切嘅服務態度,連放工都喺度笑。」
Michael與 Juri計劃每兩星期至一個月推出新口味,除了大熱的藍色波子汽水雪糕外,他們最近也製作動物造型雪糕,冬天有可能推出結合雪糕的甜品。「我哋希望喺香港開到 3間分店,然後衝出香港,喺新加坡、越南及泰國等熱啲嘅地區再開分店。」

facebook@Check in Tokyo




Elaine及魚 客人我哋喺 facebook同 ig都見好多人 share,今日早放學所以一齊嚟試。平時好少見波子汽水味雪糕,覺得好特別!


勝一 客人我係日本人,朋友介紹我嚟 Check in Tokyo,我試咗牛奶雪糕加 wasabi,覺得好好味,都幾有日本風味,遲啲會帶埋朋友一齊嚟食。 開業成本

入貨:$50,000
裝修:$220,000
機器:$400,000
租金(3按 1上):$425,268

總投資:$1,095,268

每月收支

營業額:$450,000
租金:$106,317
人工:$62,000(兩位老闆+ 8位兼職員工)
入貨及雜貨:$100,000

盈利:$181,683

CASE 2 噴煙玩花款 雪糕都搞藝術

雪糕店 Tokyo Secret於今年 6月開業,老闆之一的 Roy及 Walter深明「相機先食」的道理,看準網絡世界的迅速,客人愛 post相上社交網絡,故他們推出的雪糕款式多多,噴煙又火山,賣相美觀,吸引不少人來朝聖。「外型靚,多人影相、多人 share,自然多人嚟試。𠵱家最 hit係沖繩之藍,用咗沖繩嘅海鹽,食落去有啲鹹味,清新得嚟幾特別!」
Walter表示:「外觀同味道同樣重要,我哋希望以外觀為大家留下深刻嘅印象,再注意到味道嘅特別。我哋採用日本嘅紅豆、牛奶、沖繩紫薯及抹茶等。香港人鍾意味濃,我哋都會再調校,喺每個月推出新品前,我哋都會畀朋友試,聽吓意見再作改良。」




以乾冰噴出輕煙的沖繩之藍,很受年輕人歡迎。沖繩之藍$48


Roy(左)與 Walter聯同 8位朋友合資開雪糕店, Roy表示:「本身想開甜品鋪,但經我哋實地觀察所得,雪糕店比較受歡迎,加上香港大半年時間都係熱,想由雪糕店開始做起。」 不斷嘗試新花款

為了吸引客人眼球,他們研究各種雪糕花款。「楓之火焰我哋試咗好多次,本想用真火,做到火山爆發嘅效果,但用酒精嘅時間唔可以準確控制,幾秒就熄,最後用咗噴煙同整紅色嘅果醬扮熔岩;又試過想用大自然做主題,整熊貓同竹葉,但用餅砌竹葉嘅時間太耐,加上大家手工唔統一,所以冇推出市面。」
客人以女士為主,年齡層由 15至 30歲不等,他們於 ig、 facebook、 wechat等宣傳外,更與其他機構合作,「之前同過購物平台 Zalora及 D-mop合作,用佢哋 logo整雪糕。我哋希望日後可以開分店、接 event同唔同嘅機構合作,增加多啲曝光率。」

facebook@Tokyo Secret




京都小山園抹茶配大福$42


楓之火焰$52


Erica及 Eric 客人上網見過其他人 share,我哋咁啱行街見到,就嚟試吓。我哋試咗沖繩之藍,隻藍色好靚,同埋食落去有啲咸味,以前未試過,覺得幾新穎。


Tokyo Secret位於尖沙咀嘉蘭圍, Walter說:「揀呢度開鋪,貪附近多年輕人聚集,佢哋肯試新嘢,消費力高,仲會影相放上 facebook同 ig,有助宣傳。」 開業成本

入貨:$210,000
裝修:$250,000
器材:$300,000
食物研發費用:$300,000

總投資:$1,060,000

每月收支

營業額:$240,000
租金:$70,000
人工*:$50,000(1位全職員工+10位兼職員工)
入貨及雜貨:$50,000

盈利:$70,000
*老闆人工以花紅形式出

撰文:霍芷晴
攝影:傅新發、葉曉明

    tvb4life 發表在 痞客邦 留言(0) 人氣()