星空書燈手作班以砌黃道 12宮星座圖案燈飾為主,砌一個星座收費$420,兩個星座$500。如客人想砌其他圖案或自備圖書造燈,需另約時間組班,價錢由$600起。另亦接受訂製書燈,費用視乎燈飾圖案的難度,一個$600以上,需時 2星期。

Jobs Live

書藏星空

Ads by Google

香港有五光十色的夜景,但鮮見繁星閃爍的夜空。兩位 20出頭、曾修讀美術與設計的 Fi和 Sushi,將小燈泡和自己設計的電池組合與書本結合,造成一本星空書燈。她們自組工作室,開班教造燈,吸引年輕情侶和手作迷前來動手製作書燈,彌補頭頂星光缺席的遺憾。




Fi(左)和 Sushi除了開星空書燈的製作班,還會舉辦各類繪畫興趣班,工時比打工長,但 2人稱忙得快樂。

香港是繁華鬧市,光害令夜空難看到星星,同為 90後的 Fi和 Sushi,受波蘭詩人辛波斯卡(Wislawa Szymborska)描寫的星空所啟發,把繁星藏於書中,造成星空書燈,「我哋挖空書本嘅中間,然後將燈飾、電池組件等零件裝嶔喺裏面,再貼上印咗太陽星空圖案嘅膠片及其他裝飾,一打開本書,自己創造嘅星空就會發光。」

讀大專時, 2人曾修讀藝術、設計,原是元朗一間畫室的同事,因同有自組 studio搞 art jamming、手作班的念頭,志趣相投便合作設計了星空書燈。

深水埗摸索電路

兩個拿慣畫筆,對電子一曉不通的女生,花了 1個月在深水埗摸索如何駁電線。「我哋喺鴨寮街搵材料,一有唔明就問鋪頭老闆,只要有幫襯,佢哋都好樂意解答。我哋最初想用 USB供電,但電池盒太厚,好難藏喺書中,加上我哋唔係專業電工,怕太複雜嘅電路唔安全,會短路,最後改用普通乾電。」

解決電工問題後,她們到深圳書城找平價精裝硬皮書,「例如經典小說全集,一次訂三、四十本,返嚟用漿糊封好書頁,再裁空中間,用布包好書皮,客人上堂時就可以直接砌燈飾。」客人想再特別一點,亦可自備書本造書燈,「書嘅大小不限,但最少要有 5cm厚,先收得埋個電池。」




書燈採用乾電池,換電非常方便。


除了砌太陽 12星座外,客人也可製作月亮圖案的書燈。只要一打開書本,燈泡就會自動亮起。月亮書燈$420 情人愛砌燈

今年情人節前,她們開班教造星空書燈試反應,半個月已開了 5班,每班 10人,全部爆滿,「見反應好,我哋決定租工廈開班,同時有地方教畫或搞其他藝術興趣班。」今年 7月, Fi和 Sushi成立 Starology工作室,每月約開 4至 5班,每堂 1.5小時,每人收費$420,月入約$20,000。「星空書燈好受年輕情侶歡迎,男女朋友造嚟當禮物送畀對方,客人可揀星座或月亮圖案。」




星期六晚上的星空書燈班,最少提前 2星期報名,每次都很快爆滿。


客人  Perry我喺 facebook見到星空書燈,覺得好靚,所以嚟砌一個屬於自己星座嘅書燈。 Fi同 Sushi將事前 cut書、駁電路等工序都整好晒,參加者可以專心砌靚個星座圖案,幾易造。 製作我的星空書燈

Fi和 Sushi表示:「我哋事前已經將書挖空,亦駁好晒電池及燈飾嘅電路,學員只要專心創作圖案及進行簡單製作步驟,一啲都唔難整。」




1.將星座圖案畫於咭紙上。


2.用膠紙把小燈泡按星座圖案貼於咭紙上。


3.將咭紙放入中間書頁已被裁空的書中,用膠紙固定。


4.在燈飾上加一塊透明的星空膠片,用膠水封好。


5.用膠水將用輕黏土造的星球裝飾黏於膠片上。


6.最後用金色顏料裝飾封面。

facebook@Starology

撰文:杜曉婷
攝影:胡景禧、杜曉婷
部分圖片由被訪者提供

    文章標籤

    Jobs Live 書藏星空

    全站熱搜

    tvb4life 發表在 痞客邦 留言(0) 人氣()