今年 2月,阿豪及 Winson成立網店 MH Sneakers,主要售賣波鞋及潮流服飾,在創業過程中,學到不少經營生意的技巧及經驗。

U撈

大專潮人賣潮品

Ads by Google

年輕人追求潮流,讀書時愛把兼職賺到的錢購買潮流服飾,正在讀恒生管理學院的 Winson,也是追求潮流的一群,他更利用對潮流服飾的熟悉,與朋友阿豪在 ig成立網店 MH Sneakers,售賣波鞋及潮流服飾,把興趣變為事業,還可以賺取做生意的經驗。

今年 2月,修讀銀行及金融學的 Winson,與同學阿豪成立了 MH Sneakers,主要售賣波鞋及潮流服飾,「我一直都想試吓創業,阿豪搵我傾話想開 ig shop賣波鞋及潮流服飾,佢喺韓國、日本、美國及歐洲等地都有朋友定居,可提供貨源,但佢對波鞋唔多熟,知我有留意,就搵我一齊夾份。」
Winson及阿豪共合資了$15,000創業,同時在觀塘租下了一個 300呎的單位作倉庫,「單位係阿豪嘅屋企人持有,我哋用$4,000就租到,啱啱開店時,我哋參考 Second Kill、 Htistore、 Fbable等出名嘅 ig shop,睇吓佢哋賣緊咩潮流服飾,我哋照入貨,好似 Nike嘅衞衣、綿褲等。客人睇啱就 WhatsApp聯絡我哋,叫佢哋過數先,再約喺倉或者其他地方交收。」




一有時間, Winson及阿豪就會回貨倉整理貨物,阿豪表示︰「將啲資料入晒落電腦,容易知道邊啲商品需要補貨。」


Winson會相約客人在倉庫或旺角附近交收,「都有唔少同學仔幫襯,因我住 hall,喺學校交收都好方便。」


Winson將多對粉紅色的 Nike Flyknit Lunar 3 Multi-Color放上 ig,立即吸引眾多愛好者問價,是 MH sneakers的響朵之作。 粉紅色波鞋吸關注

在一次機遇下,讓 MH Sneakers多了人留意,「今年 3月, Nike出咗款 Flyknit Lunar 3 Multi-Color波鞋,當中粉紅色好受歡迎,香港冇得賣,好多人都搵緊貨,好多 ig shop多數喺日韓入貨,但今次連嗰邊都冇呢隻色,我哋咁啱有朋友喺匈牙利見到,就幫我哋入咗 40對,一出 post就好快賣晒,仲多咗人關注我哋。」
MH Sneakers開業半年多,約有萬多人 follow, Winson表示很感謝朋友與同學的支持,「喺 budget有限嘅情況下,我哋冇花錢落廣告,都係叫身邊朋友及同學 share出去;另外,學校新傳系有搞校內電視台,佢哋訪問咗我哋嘅創業故事,將段片放咗喺校內電視度播放,宣傳效果都好大。」
作為創業初哥, Winson慢慢掌握到入貨的心得,「有啲款會長興,好似全白色嘅鞋款,入幾多都清到;有啲會喺外國興返過嚟,好似品牌 Champion𠵱家就好受歡迎。另外,留意明星着咩都有幫助,好似之前余文樂着對 adidas ultra boost出席活動,好多人覺得好靚,出面即刻賣到斷貨,我哋都有入嚟賣。」




New Balance Tote Bag(Black)$250


Nike Sweaters(Black)$389 入尺碼憑經驗

Winson表示不是每次入貨都能捉到客人心理,「啲貨入咩碼真係憑經驗,好似男裝波鞋 size 43至 44,女裝鞋 size 36.5至 38會較易賣出。試過男裝入 size 40.5,好耐都冇人要,有時入咗啲貨砸喺到,會集埋一齊推出優惠日,平 1、 2百蚊賣返出去。」
現時 Winson與拍檔分別約有$5,000收入,還有 1年便畢業的 Winson,希望可以繼續經營 MH Sneakers,「屋企人都好支持我創業,呢次係一個好好嘅經驗,知道咗做生意要考慮好多嘢,好似 marketing、流動資金等,雖然目前成績唔錯,但畢業之後都會搵份正職,邊打工邊搞生意。」

instagram@mh_sneakerss




adidas Ultra Boost(Black)$1,599


Nike Air Max Thea(White)$899 

客人 Thomas:
𠵱家鍾意喺 ig shop買嘢,好似波鞋、衫及手作,反正都係買,咪支持吓朋友,加上可以喺學校交收,唔使再約其他地方咁麻煩。



客人 Eunice:
喺 ig shop買嘢好方便,可買到啲香港冇嘅款式,多數買鞋同飾物,同 Winson係同學,知佢哋開店都支持,幫襯過買波鞋。

撰文:曾志恒
攝影:陳子禮

    文章標籤

    U撈 大專潮人賣潮品

    全站熱搜

    tvb4life 發表在 痞客邦 留言(0) 人氣()