Rose原本對勾織也是不太熟悉,「最初跟媽媽學基本功,後嚟設計嘅產品種類愈嚟愈多,就開始睇書自學,先知咩叫梳織、棍織,勾織可以好千變萬化。」

青雲路

80後設計勾織衣飾 食手作熱

Ads by Google

秋意漸濃,大家換季時,不難在櫃筒底翻出由母親大人或女友織的「溫暖牌」。 80後的時裝設計師 Rose,深明手織精緻而富心意,與朋友一起成立棉線勾織品牌 Ibility,她更將勾織飾品設計成 D.I.Y. pack,客人輕易親手造出勾織飾物送給至愛,最近亦在 LOG-ON設有專櫃,大受手作迷歡迎。

採訪當日, Rose正在辦房與勾織師傅跟進冬季童裝的生產進度,「我哋主要設計棉線勾織產品,包括飾物、童裝、女裝,亦推出 D.I.Y. pack,客人可親身體驗勾織。我哋嘅銷售渠道包括 PMQ門市、 22 Degrees North專櫃, 10月亦剛剛喺 LOG-ON上架,嚟緊 12月太古城誠品都會有我哋嘅專櫃。」
80後的 Rose本於 IVE修讀時裝設計,於 09年畢業後,從事了 6年服裝設計工作,而母親精緻的勾織手藝,令她對設計勾織產品產生興趣。「讀書時都知道勾織好花時間、心機,我唔想技術失傳,於是設計勾織飾品,見媽媽手巧,就跟佢學造勾織頸鏈,放上網賣,每月做到 3、 4單生意。」
13年初, Rose重遇舊朋友 Peter,造就了 2人合作成立勾織品牌 Ibility,「 Peter喺英國生產手工單車嘅公司工作過,對 handicraft特別有興趣,知道我設計勾織產品,提出同我合作。加上當時遇着 PMQ招募原創品牌加入, Peter寫嘅計劃書得到 PMQ租金資助,用$14,000租鋪開門市。」




Rose負責產品設計和研發, Peter則主理公司營運、接洽零售商, 2人分工清晰,各施其職。


在觀塘的工作室內,闢了一部分作廠房及辦房,讓勾織師傅工作, Rose表示:「招聘廣告要登喺勞工處或報紙,姐姐搵工通常只留意呢兩個地方,佢哋唔會上 jobsDB搵工,落廣告要落啱地方。」


Rose有聘請裁縫師傅在辦房幫手,牆上掛滿了不同造衫紙樣,「之前有客人話我哋尺碼偏細,所以下一季會改大啲尺碼。」 靠飾物扭轉銷情

成立品牌非一帆風順, Rose的勾織產品最初銷情不理想,「我之前做過時裝設計,喺剛推出女裝時,搵相熟嘅紡織師傅幫手,成件衫都係勾織出嚟,逐件計錢,人工佔售價 4成,成本好高。可惜全勾織,客人覺得老土,佢哋認為同普通針織衫冇咩特別,但定價要 2、 3千,反應唔太熱烈。」
勾織時裝反應一般, Rose便改變策略,推出勾織飾物,「 14年初,我開始設計心口針、手鈪及耳環勾織飾物,勾織面積細咗,每個師傅每日可起 5、 6件貨,生產速度快咗唔少。加上飾物 3、 4百就有交易,客人覺得價錢 afford得到,月銷過百件。」




男士若想送禮更具心意,可買勾織手繩 D.I.Y. pack,返屋企慢慢勾,將成品送給女朋友,更顯心思。勾織手繩 D.I.Y. pack$299


勾織嬰兒鞋$479(另有 D.I.Y. pack$379)


勾織心口針$358 D.I.Y. pack食手作風

Rose認為勾織最吸引人的地方是親手織出心意,「近幾年好流行手作,大家覺得 D.I.Y.嘅產品更別出心裁。喺 14年尾,我哋推出勾織手繩 D.I.Y. pack,一盒有晒所有材料同工具,客人按說明書就可以親手勾織到一條手繩,我哋仲拍埋教學片放上網,一定學得識。 D.I.Y. pack嘅定價比現貨平$100,喺情人節大受歡迎, 2星期賣近 50盒。」

手作風大熱, Rose決定乘勝追擊,推出了嬰兒鞋、頸鏈等 D.I.Y. pack,更於 10月在 LOG-ON的專櫃發售,「手作大熱, LOG-ON亦推出一個『 FACTORY』系列,引入一啲手作品牌。我哋嘅勾織 D.I.Y. pack正正係佢哋想要嘅手作產品,於是 Peter主動聯絡 LOG-ON傾上架。 LOG-ON更要求同我哋合作推出黑色嘅特別版手繩, 11月亦會喺佢哋嘅銅鑼灣分店搞 workshop,推廣勾織手藝。」




D.I.Y. pack內附說明書,讓客人邊學邊勾。


Ibility與 LOG-ON合作,推出了黑色的勾織手繩 D.I.Y. pack出售, Rose說:「黑色棉線勾起上嚟比較難,因為圖案唔明顯,好考師傅眼力。」LOG-ON特別版手繩 D.I.Y. pack$299


勾織皮手繩$359 母女齊勾織

除了繼續推廣勾織手作禮盒外, Rose亦瞄準童裝市場,「自己結咗婚,再加身邊朋友開始有小朋友,慢慢留意到童裝嘅潛力。今個春夏比以前花更多時間造童裝, 1至 3歲嘅小朋友都啱着。我哋唔會成件都造勾織,反而用太空綿 mix勾織造裙仔,媽媽覺得時尚,最受歡迎嘅太空綿連身裙月賣二、三十件。」
雖然品牌主打飾物與童裝,但 Rose仍然不忘對女裝設計的執着,「有熟客問我哋童裝有冇媽媽版,親子時裝嘅發展空間應該幾大。我哋暫時推出咗兩套親子裝,勾織嘅 pattern會一樣,但其他設計會有唔同,嚟緊冬天會出親子外套,母女一齊着勾織『溫暖牌』。」




Ibility的員工非常年輕, Rose希望年輕人多接觸傳統勾織,再發揮創意,設計出適合年輕人口味的勾織產品。「我哋想畀本地設計系畢業嘅同學,有更多設計產品嘅機會,聘請員工時,會優先考慮本地畢業學生。」


位處於中環 PMQ的專門店,勾織女裝、童裝款式齊全,客人可帶小朋友來試身。


今年 10月, Ibility的勾織產品正式在 LOG-ON上架,主要售賣飾品與 D.I.Y. pack。


Rose推出的勾織親子裝系列,是本季重點設計之一。勾織童裝連身裙$599


勾織外套$1,199勾織半截裙$1,079


Rose即將推出勾織玩具系列,「我哋嚟緊會出手勾動物紙面具,小朋友負責畫面具,媽媽就造勾織,親子合作,享受 D.I.Y.樂趣。」


Tina 客人我行經 PMQ,俾店內嘅陳設吸引,入去先知係賣人手勾織產品。我買咗 2個心口針,造工好精緻,喺香港難搵到,用嚟襯衫,都幾好睇。 後記:失傳

Rose因工作認識了不少勾織師傅,「喺三、四十年前,佢哋好多都係製衣工廠女工,有一門好手藝。可惜𠵱家識勾織嘅都係上一輩,我希望推廣呢門手藝,唔好失傳。」現在甚麼都講求速度,失傳的不只是一門精緻的手藝,而是藏在一針一線間的誠意與心思。

點喺 LOG-ON上架?

Peter表示:「同 LOG-ON傾上架,準備 proposal時要定好供幾多款貨、存貨數量及補貨嘅頻率,佢哋重視貨源要穩定。至於擺放嘅期限要同 LOG-ON傾,佢哋太多貨,要一個品牌走咗先有位畀新貨上架。」
Ibility設在 Fashion Walk的 LOG-ON專櫃為期約 1年,「其他分店嘅 booth以 promotion形式推廣產品,先會由 10月做到 12月,跟住 2月會有另一次 promotion。我哋同 LOG-ON傾好,會供 21款產品,每款產品要 keep住 4至 5件存貨,會有同事每 3日落鋪補一次貨。」

點入行?

Rose表示想加入成為勾織設計師,最重要是對這門手藝有興趣,「設計勾織產品除咗有基本嘅時裝設計知識外,自己都要識勾織。因為熟悉織法先識同勾織師傅溝通,好似挑空嘅圖案要用梳織法等。如果你冇耐性去學呢一門手藝,憑想像畫設計圖,勾織師傅未必造到你要嘅效果。」

晉升階梯

高級設計師約$16,000-$20,000
(5年經驗或以上)

設計師約$13,000-15,000
(2年經驗或以上)

助理設計師約$10,000起
(毋需經驗)

facebook@Ibility
http://ibility-fashion.com 

撰文:杜曉婷
攝影:陳子禮、胡景禧
部分圖片由被訪者提供

    tvb4life 發表在 痞客邦 留言(0) 人氣()