職場起底組

上 course 學畫 LINE創意貼圖

Ads by Google

現時使用手機即時通訊 app十分普遍,當中 LINE的貼圖更大受歡迎,不少人願意花錢下載心儀的貼圖,從而產生了商機。想學畫創意貼圖分一杯羮,賺點外快,可報讀坊間機構舉辦的貼圖創作課程,令自己的設計技巧提升,展露個人特色。




上載 LINE貼圖作品要有 40張圖,堂上會教授設計不同的表情,讓你有大致的構想。

香港青年協會持續進修中心舉辦的 LINE原創貼圖角色設計工作坊,由有二十多年設計工作經驗的 Terry親自任教,「課堂上主要教授學員繪畫及設計技巧,貼圖最好生活化啲,可以喺日常溝通時使用,好似講上班情況、旅行等主題,容易引起用家共鳴。」

上架注意事項

另外, Terry會講解在 LINE Store上架的注意事項,「例如為圖像退地、檔案格式及一套貼圖要有 40張圖等。 LINE喺 2年前開放咗貼圖平台,令所有人都有機會喺 LINE Store上面賣自己設計嘅貼圖,創作人上載作品冇任何收費,有人買,創作人可收到售價嘅 50%收益,一般每套貼圖定價約$7至$15。如果貼圖受歡迎,仲有機會獲得官方授權,官方會幫你宣傳及推出周邊產品。」
堂上, Terry亦有分析熱門貼圖的成功要素,「設計最重要係有個性,可以利用社交網站透露角色設定,從背景、性格、世界觀等塑造出有血有肉嘅角色;另外造型可愛或表情古怪抵死都較受人歡迎。」




角色不宜太複雜,以 3頭及 2頭比例設計最好,造型可愛或表情古怪抵死的角色會較受歡迎。





堂上, Terry會指導學員設計貼圖的技巧及注意事項。

導師  Terry:
設計貼圖時,可加入一啲流行元素,好似近排興韓國嘢,可以加入講早安、晚安等韓文,有助引人注意。千祈唔好有暴力、飲酒、吸煙及色情相關嘅元素,否則會違規唔可以上架。



學員 阿短:
自己有畫開畫,知道 LINE開放咗平台,想試吓自己嘅作品會唔會有人鍾意,堂上學到點設計一系列嘅主題貼圖,幾有幫助。

課程: LINE原創貼圖角色設計工作坊
機構:香港青年協會持續進修中心
對象:有興趣人士
學費:$880
堂數: 3堂,共 6小時。
內容︰ LINE角色繪畫的基本概念、角色創作方法、角色設定、動作與表情、效果文字與對話、上架注意事項及角色行銷等。
查詢: 3755 7021

PROFILE

打工達人,白羊座,性格外向,天生八卦愛吹水,相識滿天下,目標做盡 72行,成日捐窿捐罅搵吓有乜好工跳槽,刮盡各行筍料秘聞。

撰文:打工達人
攝影:傅新發
部分圖片由被訪者提供

    tvb4life 發表在 痞客邦 留言(0) 人氣()