A.C.G.U.

「我等咗三年喇」  Call of Duty:Black Ops III

Ads by Google

「三年,我等咗呢個機會足足三年!」
《 COD》個名當然夠響,但單雙數集數向來係由不同團隊製作,製作室 Treyarch搞嘅「 Black Ops」系列,風評始終被 Modern Warfare系列比下去。但 Activision仍然畀機會佢哋證明自己,《 Black Ops 3》製作期足足長達 3年(平時各製作室需要 2年做起一集),新一集舞台跳到去 2065年,大玩科幻軍事跟微軟《 Halo 5》打對台、被予厚望!
究竟, Treyarch可唔可以威番次,話俾人聽,冇咗嘅好評可以親手攞得番?

全新一集《 Black Ops》故事上集講到美國被恐怖分子用無人機襲擊,各國發展新科技,從此冇晒空襲呢家嘢,現代戰爭科技轉而投放在機械人、地面無人戰車等兵器,人類單兵亦有更多新武裝作支援,甚至出現強化兵添!加上全國氣氛大變, 2065年的未來舞台同軍備實在係型到你想像唔到,但又未去到《 Halo》同《 Destiny》嗰隻天馬行空,各有各吸引。
另一個記者覺得幾吸引賣點,係佢個可以「唔合作」嘅 4打 CO-OP連線合作模式(但留意 XBox 360、 PS3版本做唔到呢點),以前玩 4打,你始終要跟住大隊行,但今集有新主機, 4個人出發前會有一個所謂 Safe House嘅基地畀你揀任務、夾裝備(感覺有少少似《 Destiny》),出發後就可以打散晒各自修行,戰術自由度大增。但記者就反而擔心呢類 open world game,最近唔少遊戲都因為自由度,故事模式嘅劇情都變得非常弱雞(如《 MGSV》),希望《 Black Ops III》唔會係咁。最後就係多人對戰方面,算係有嘢好寫嘅新賣點係加入 9種不同能力的「 Specialist」,簡言之即係除咗武路外畀多少少不同職業特性你,多人合作時變化更大。




我和喪屍又再有個約會《 Black Ops III》最後一個令人期待賣點就係加番「 Zombies mode」,你會返到去 1940年一個荷里活芝加哥黑幫電影風味的舞台中,用舊款武器鬥殺喪屍。





記者覺得係《 MGSV》後最靚的別注 PS4主機,橙色羅馬 III字圖案簡而清,撞色撞得靚,尤其喜歡手掣上的橙色 analog stick。( 1TB容量/$3,680)

 




故事發生在上集 40年後,但有時會跳番去講 2025年一場恐襲。


科幻軍事風已直迫《 MGS》, Konami仲踢走小島秀夫,吔屎啦你!





敵人有機械兵,自己斷手都可以換機械手,任何重型武器都可拎上手用。




Data
《 Call of Duty: Black Ops III》
類型: FPS第一人稱射擊
平台: PS4/Xbox One/PC/ PS3/360
語言:中英文
廠商: Treyarch/Activision

撰文:鍾世傑

    tvb4life 發表在 痞客邦 留言(0) 人氣()