全知言

膠劇浪費演技? 黃秋生《人肉叉燒包》最經典

Ads by Google

黃秋生做過影帝,好戲就係人都知,早前拍大台劇《梟雄》,雖然有視帝黎耀祥做對手,不過拍埋啲膠劇始終嘥咗啲!
「生秋王」入行咁多年,經典角色多到十隻手指都數唔晒,連配音聲演麥兜個校長都深入民心!如果要揀黃秋生一個最具代表性嘅角色,會點揀呢?

黃伊汶 斬人陰森

最經典一定係《人肉叉燒包》,因為呢套戲好 outstanding,亦係佢演得好好、攞埋影帝嘅一套電影。佢斬人時嗰種表情、嗰種陰森、嗰種眼神,嘩,好戲就係呢啲喇!

谷德昭 好大能量

秋生最經典嘅角色,一系列都係邱禮濤導演,《人肉叉燒包》一定係啦,因為佢攞影帝;《吸血貴利王》都好似係佢嘅,仲有《的士判官》,同埋同周星馳套《龍過雞年》扮「林大岳」都好好睇!佢當時未有咁靚仔,又未有咁瘦,佢啲演出好大能量好猛烈,我好 enjoy秋生嗰種演出!







Yumiko 睇預告都驚

一諗就諗到嗰個啦:叉燒包!睇嗰時覺得好震撼,我自己見到都驚,單睇預告都覺得寒呀!







詩雅 堅似殺人

我會揀《人肉叉燒包》!呢套戲令我好驚,嗰時仲細個,覺得真係一個殺人犯去演!同埋之後我去上堂,秋生老師有講過當時點樣 develop呢個角色嘅性格,所以套戲對我嚟講係最深刻!







何嘉莉 斬樣恐怖

最經典應該係《人肉叉燒包》!佢演繹得太好喇!攞把刀斬斬斬個樣好恐怖,好印象深刻。另外仲有一套係佢揸的士(《的士判官》),都係一樣好恐怖!







市民:拓海老豆好搞笑

趙生
我覺得黃秋生最經典係《頭文字 D》做拓海老豆,佢個角色好搞笑,好吸引,我幾鍾意!佢裝人裙底嗰幕最深刻!






羅生
最經典係佢做雨夜屠夫,當時好多人睇,結局斬人時最令我印象深刻!
*不過其實雨夜屠夫呢個角色係任達華做㗎!






李小姐
我覺得黃秋生最經典角色係《射鵰英雄傳》入面嘅黃島主(黃藥師),因為佢做得好傳神,最初一出場都好震撼,令人幾難忘!






即時報料 facepop
熱線: 9222 0828
電郵: mailto:mailto:facenews@nextmedia.com
facebook: Face Magazine inbox
line、 we chat id: facemagazine

    tvb4life 發表在 痞客邦 留言(0) 人氣()