上週四( 29日) Yoyo自殺後復工,已經接受現實嘅佢無奈話:「今次不幸地生存,咁我就要面對所有人。」

真面目

救得番 賤 agent兜售裸照 自殺 YoYo 伍淑怡:今次不幸地生存

Ads by Google

上月 18日,曾在《喜愛夜蒲 2》、《鴨王》等電影有性感演出的七線𡃁模伍淑怡( Yoyo),因心急接 job而自拍裸照,即被人放上網兜售,一時睇唔開,先用刀連𠝹手腕 7刀,再換上紅裙準備跳樓,幸好家人突然來電才救回一命!
原來 Yoyo自小已因家庭問題而導致有自虐傾向,「覺得係舒緩壓力嘅一種,每一條痕就係成長印記,可能我有啲變態!」

上週四( 29日) Yoyo為一烈酒品牌活動做主持,自殺後首次復工已識得講笑,「心情好番好多,起碼夠膽除口罩,同埋望住鏡頭。我知道我不幸地生存,咁我就要面對所有人。」




上月 19日, Yoyo於醫院接受訪問時,講到半路仍然忍唔住喊。 《蘋果日報》圖片


連𠝹7刀,結果 2刀深至傷及筋和神經線,仲要聯咗 12針,睇見都痛。 拉小提琴=𠝹手


Agent要 Yoyo自拍 3段片, send畀個客試身,其中一條齋影背脊着 T-back,另外兩條都露咗前面 2點。

入行十年,今年 27歲的 Yoyo曾為《喜愛夜蒲 2》、《鴨王》等電影客串,亦與仙樂都等組成跳唱組合 Honey Pie,不過 Yoyo以接大陸登台騷為主。上月 18日突然在九龍灣家中割脈自殺,幸得後父來電先救回一命。「其實已經換咗條紅裙,跨咗半隻腳出露台準備跳,不過突然有親人打長途電話嚟,至打消咗個念頭。」
「中學開始已經有自虐傾向,每個人都有唔同舒緩壓力方法,但係我選擇咗拉小提琴(𠝹手)。好細個父母已經離咗婚,後嚟我親生爸爸又走埋,醫生話佢係病死,不過我媽咪話佢係俾人整死。我一直都搵唔到真正原因,可能因為咁會變咗反叛,同埋想傷害自己。每一條痕就係成長印記,我都覺得自己有啲變態。」

為 job自拍

Yoyo因為私下接性商品代言廣告而中伏,「 Agent話個客係揀中咗我,不過一直約唔到期度身,結果佢叫我自拍 3條片,分別係背脊、正面同埋自轉 send俾佢,點知個幾月後就有人同我講,我條片喺網上俾人賣緊。」據知今次代言酬勞有六位數字,難怪會心急中招!
事件發生後, Yoyo亦知道有私影模中過招,甚至曾在網上流傳。「想入行或者已經入咗行嘅朋友,每一個 job都要 check清楚、問清楚。另外如果有個經理人話要簽你,但係要同你上床就千祈唔好相信喇。」大家咪咁天真啦!

乜都撈過




女照咀Yoyo除咗性感,原來仲好大膽, facebook上就有唔少性感自拍照,呢張同仙樂都嘅咀嘴相又算得啲乜吖?


Model男友如果有合適 model工作, Yoyo會搵拍拖 8年嘅男友幫手,有錢齊齊搵嘛!


自稱行緊「型格性感」路線嘅 Yoyo,早前為網台做足球節目都要大晒 34F身材去吸引觀眾。


唱過歌今年初, Yoyo原來和仙樂都(中)、吳堯堯(左)組成咗隊跳唱組合 Honey Pie,真係未聽過!


雖然親生爸爸於 00年已經過身,不過 Yoyo與後父,同母異父的細佬感情要好,總算有家庭溫暖! 大難不死

其實好多藝人都會因一時睇唔開而自殺,最深刻嘅張國榮、翁美玲一定走唔甩。當然亦有自殺好彩救番嘅例子,例如韓馬利和卓韻芝自殺過後都表示好後悔㗎!



卓韻芝
06年卓韻芝因為太掛住因癌病過身嘅媽咪,加上與當時男友嗌交,寫定遺書俾細佬後,即用紅酒送 18粒安眠藥自殺,好在男友及時發現至執返條命!



藍潔瑛
多年前,藍潔瑛接受朱慧珊訪問時,就透露後生時,因為俾男人呃而自殺。至 13年一段偷拍訪問中,藍潔瑛不單在鏡頭前展示左手的𠝹痕,亦親口承認:「我自己𠝹嘅,當時新年男朋友無理我,唔知佢去咗邊,結果我就自殺囉!」



韓馬利
86年韓馬利與第 2任丈夫,馮寶寶阿哥馮吉隆離婚後服藥自殺,死過翻生的她獲救,成為基督徒:「當年如果死咗,會有更多問題,我以一個過來人身份講,自殺係一個好愚蠢嘅行為!」

採訪、撰文:蘇詠詩
攝影:周凱瑩

    tvb4life 發表在 痞客邦 留言(0) 人氣()