被網民稱為靚仔到暈嘅化妝師 Kenneth,日前被本刊喺 ifc獨家捕獲,雖然完全封口唔回應,但都友善微笑,之後佢同同事喺後梯間傾偈期間解釋:「唔想俾人話博出位。」

真面目

化妝師 Kenneth小鮮肉 獨家捕獲 190高古天樂 專一 4年獨愛化妝妹

Ads by Google

弊喇弊喇!尖沙嘴著名景點竟然消失咗!唔係講緊星光大道呀,係講緊樣貌似足古天樂加金城武嘅靚仔化妝師 Kenneth Lai。 190cm( 6呎 3)高嘅 Kenneth係海港城連卡佛 Tom Ford櫃位化妝師,雖然係素人,但因太靚仔而被強國闊太熱捧為尖沙嘴「景點」,大媽遊客更為咗一睹佢風采而阻住做生意,搞到 Kenneth俾公司調走咗喇!
不過最令強國大媽失望嘅,係 22歲嘅 Kenneth已有拍拖 4年,大佢半年、 23歲嘅固定女友,而且都係做化妝,小情侶仲經常喺 ig晒恩愛,大家祝福佢哋把啦!

靚仔 Kenneth喺尖沙嘴連卡佛內 Tom Ford化妝櫃位工作,貌似 90年代未變黑嘅白面古天樂,又有啲似金城武,身高有成 190cm,長腿 Oppa靚仔過好多明星,網友更指佢待客態度親切,有內地遊客專程去尖沙嘴偷影佢放上社交網站,仲影埋卡片,原來 Kenneth中文名叫黎議駿,靚仔相喺網上瘋傳,內地網民更稱佢為「海港城其中一個景點」,女顧客藉光顧為名實質偷拍,群情洶湧。







Kenneth被人肉搜尋到 ig,追蹤人數迅即升至 1萬 5千個,認真犀利!





內地網民偷影 Kenneth的照片被瘋傳,令 Kenneth變咗人肉景點。 「我又唔係明星」

不過呢個受歡迎景點日前突然被調走,去咗中環 ifc分店,據知因為每日有近百內地大媽為一睹 Kenneth風采,堵塞連卡佛通道,但旺丁唔旺財,仲搞到隔籬櫃位做唔到生意而向 Tom Ford投訴添,雖然公司冇怪佢,但都暫時將 Kenneth調走避鋒頭。
本週一( 2日),《 FACE》喺 ifc遇到剛剛同男同事食完 lunch嘅 Kenneth,不過佢對於所有問題都不願回答,只係笑笑口、擰擰頭,身旁男同事則好似護駕一樣箍實 Kenneth,一直護送到連卡佛送貨電梯。




由於太多人想一睹 Kenneth風采而阻住做生意,日前 Kenneth已由尖沙嘴被調到中環 ifc。


最新獨家相本週一( 2日) Kenneth食完 lunch就同同事喺後梯間傾偈, Kenneth好乖仔冇煲煙。

幾分鐘後, Kenneth跟同事再次出現喺後梯間,男同事煲煙, Kenneth只係企喺度陪傾偈,期間 Kenneth講咗句:「唔想俾人話我博出位呀,我又唔係明星。」
雖然唔係明星, Kenneth個 ig已經有 1萬 5千個 followers,而最令人心傷嘅係佢已有個拍拖 4年嘅女朋友 Yumi, Kenneth更經常自晒恩愛照片,又寫盡冧語:「只要想你,就沒有了煩惱。」更疑似送玫瑰求婚,據知 2人都係做化妝,而 Yumi ig同樣好纏綿,喺黐頭相寫住:「現在跟他一起,可以不用帶腦子,放心的當一個弱智。」唔知幾多大媽想做弱智呢?




Kenneth喺 ig po咗張疑似求婚相,相中女友捧住一大紮紅玫瑰, 2人閉目一副浪漫幸福樣,令內地網友心都酸埋。 網上圖片


Kenneth女友都係化妝師,身材同樣貌都好標緻,果真郎才女貌。 網上圖片


女友 ig一樣唔輸蝕,不時曬甜蜜合照寫住:「 ILY」即係 I love you囉! 網上圖片 通街男神

化妝師 Kenneth傾國傾城……其實香港地隨處都係男神、小鮮肉,厚肉又多汁,有啲仲贏埋健美冠軍添!

元朗明仔
5個月前報道過 21歲元朗街市仔莫將明(明仔),幫親戚打理肉檔,谷肌推車送貨被網友影相開心些牙而成名,最近更上一層樓,原來明仔參加咗一個國際性健美比賽,贏咗青年組健美先生冠軍同古典健美先生亞軍,真材實料呀!







網上圖片 

韓風太子爺
北角渣華道街市熟食市場有韓風型男阿偉,漂咗一頭金白髮,佢係「東寶小廚」嘅太子爺, 5年前老竇喺同層開咗「店小二」,阿偉就調過去打骰;阿偉已經有個仔 10歲,係小小鮮肉嚟㗎喇!




網上圖片

灣仔豬肉仔
得 22歲嘅賴志寬本來係潮鋪 sales,上年開始幫家人喺街市斬豬肉,曾經好硬淨咁話:「我怕乜講,話唔定我搵錢多過你。」可能係豬肉檔筍盤。

採訪、撰文:娛樂組
攝影:娛樂突發組

    tvb4life 發表在 痞客邦 留言(0) 人氣()