冬季購物節每年吸引過千個零售商參展,吃喝玩樂應有盡有。

職刻十大

小商店抗零售寒冬 10法

Ads by Google

香港零售業總銷貨價值連續 6個月下跌,銅鑼灣、旺角紛紛出現吉鋪。雖零售業面臨寒冬期,但沒有坐以待斃,《職刻十大》今期就請來不同界別的小商店老闆及連銷集團主管,大談 10個刺激購買慾的策略,吸引客人消費,迎接年尾的節日消費旺季。

1.參加展覽谷生意

Timing_IG專賣 UV感光 tee,老闆 Helen表示近幾月生意下跌,想趁年尾消費旺季提升營業額,「我哋參加咗 12月 24至 27日嘅冬季購物節,一嚟可以集中火力促銷貨品,二嚟冬季購物節人流多,可收宣傳之效。」
facebook@ Timing_IG

2.密集推新產品

女人日日都想買衫, Helen表示會加快推新產品的速度,「我哋嚟緊會 keep住推出,同本地插畫師合作嘅新 tee,多啲換款,令客人有新鮮感。除推出新 print外,我哋亦同廠商傾緊將感光圖案,印喺其他顏色嘅 tee上。」




Helen希望能夠每月出新款 tee,保持客人對貨品的新鮮感。


「美國八哥」是即將推出的新款感光 tee。 3.入限定商品

原本主打日本原創精品的 GladysGladys生活雜貨,最近也改變入貨路線,負責人 Gladys表示:「暑假開始引入日本 Disney嘅精品,好似日版嘅 Frozen、 Tsum Tsum、 Duffy& Friends等,呢啲精品喺香港冇官方銷售渠道,但好多人鍾意。我去日本搵限定嘅 Disney精品返嚟賣,生意增加咗兩成。」
facebook@GladysGladys生活。雜貨




日版 Disney精品特別精緻,一向有支持者。


GladysGladys生活雜貨負責人 Gladys 4.與 coupon網站合作推優惠

Gladys亦嘗試推出購物優惠吸引客人,「可以同 Clipper、高分等網上優惠平台合作,推出購物優惠,喺佢哋網站登記,客人嚟買飾物時出示該網頁,滿$200就可享有 95折。」

5.為客專門採購


接指定貨品的訂單,有時要花較多時間去搜羅,但可以留住熟客。

Gladys指在淡季,熟客是重要的收入來源,「我會接受熟客落指定貨品嘅 order,好似最近喺日本好紅嘅手機遊戲『貓咪收集』推出精品,有唔少客人想我幫佢哋搜羅相關產品。最初當做少量指定貨品嘅 order,後來見問嘅人愈嚟愈多,我就入多咗『貓咪收集』嘅精品,留住班熟客。」

6.入貴價貨品吸睛

B2 Shop負責人 Benny,從事眼鏡生意超過 5年,他表示:「消費氣氛轉弱,我反而入多咗日本高檔嘅鏡框作招徠,擺精緻商品喺櫥窗,可以吸引客人駐足,甚至入嚟睇吓,多個做生意嘅機會。好多人未必買櫥窗件貨,但會有其他幫襯。」
查詢: 9626 8276




客人在櫥窗見到特別又精緻的商品,自然有興趣入鋪頭逛逛。


B2 Shop負責人 Benny 7.跟着潮流走


韓星的穿戴,成為淡季入貨的指路明燈。

Benny表示要在淡季保持營業額,商品款式要跟貼潮流,「客人購物冇咁疏爽,通常只會買最流行嘅款式,好似韓星帶過嘅款,膠框配金屬腳,就算喺淡季都好好賣,亦係我哋現時嘅主打款式。」

8.寧缺勿砸貨


受歡迎的「眉框」眼鏡即使賣得七七八八,但市道淡靜,會減少入貨,減砸貨風險。

零售業市道前景不明, Benny的應變措施是減少入貨數量,「之前攞貨,可能每個款都攞 30副,但𠵱家去貨速度慢咗,入貨數量減半。就算賣晒,寧願入其他款式,好過到時過季,賣唔晒變死貨。」

9.搞比賽吸引消費


客人與產品合照放上 facebook,既增加了營業額,又可收宣傳之效。

彩豐行專營化妝美容產品,負責人表示:「我哋正準備推出周年紀念嘅慶祝活動,好似同我哋任何一件產品嘅合照放上 facebook,喺周年紀念影相比賽中成為獲選作品,有機會得到旅遊套票作獎品,藉此鼓勵客人消費。」
facebook@彩豐行 Choi Fung Hong

10.推限時減價貨品


每日都推出一款半價商品,極具吸引力。

限時減價也是促銷策略之一,負責人表示:「今年 8月,公司推出過一輪限時指定貨品減價優惠,每日推出一款半價貨品作推廣,反應唔錯,嚟緊有機會再推呢種指定貨品嘅限時減價週。」

撰文、攝影:杜曉婷

    tvb4life 發表在 痞客邦 留言(0) 人氣()