寶玲表示作為骨氣師與一般美容師不同,需要一定的體力,工作並不輕鬆。

Jobs Live

真實版還原靚靚拳 骨氣療法還原天然美

Ads by Google

電影《唐伯虎點秋香》內提到的還原靚靚拳,原來真有其事,近年在日本及韓國均十分流行的骨氣療法,標榜天然,不用開刀便可改善臉形及體態,吸引不少女士光顧。香港唯一提供骨氣療法的菅式美容,剛開設了第 3間分店,寶玲在這裏當骨氣師已 3年,為不少客人還原天然美,她現主力培訓新人,希望將骨氣療法推廣給更多有需要的人。

不少客人對骨氣療法會有些誤解,身為高級骨氣師的寶玲表示,骨氣療法不是整容,簡單地說是將一個人的樣貌還原,有點像電影《唐伯虎點秋香》內的還原靚靚拳。
「人嘅面形及體態會隨住年齡及一啲習慣而改變,好似吸煙飲酒、成日托腮,單邊咀嚼及單邊側睡等行為,會導致大細面、高低顴骨等。骨氣療法透過按、壓、刮等手法,深層刺激骨骼及肌肉,排走毒素,將骨縫收窄,將一啲位置不當嘅骨骼修回正軌,可以話係還原嗰個人嘅樣貌。」

多做面及胸


現時是高級骨氣師的寶玲主要工作是培訓新人,「大約要 3個月至 5個月時間學習,好花心機,表現好嘅員工可去日本考核。」

今年 30歲的寶玲,任職骨氣師已 3年,她說客人多會選擇做面及胸的療法,「骨氣療法可以用喺面、胸、腰、手、腳等唔同部位,年齡冇太大限制,五、六十歲嘅人都可以接受治療,但我哋建議滿 18歲會比較好。一個療程約進行 16次,每星期做一次,效果視乎每個人而定。」骨氣療法每次約 45至 60分鐘,收費$980,現時寶玲月入約有$20,000至$30,000。
中學畢業後,寶玲去了當化妝品店售貨員, 12年,她決定轉行,「自己對美容業係有興趣,想學一技傍身,喺朋友介紹下,加入咗菅式美容。」

到日本培訓

今年 2月,寶玲到日本接受培訓及考核,「菅式骨氣療法由韓國人菅貞子創立,現時喺日本及韓國已開設二十幾間分店,老闆喺 13年引入,我哋係香港唯一認可嘅美容中心。喺店內學藝約 3個月,見你對每個動作都熟悉後,就派去日本嘅分校接受兩星期嘅培訓,最後考核成功先可以幫客人做治療。」
寶玲現時會培訓新人,「唔係短時間就培訓到,試過好畀心機教一個新人,以為佢會做落去,點知佢做咗 3個月就辭職,嗰刻真係有啲心灰,要一段時間先平復番。𠵱家難請人,骨氣治療技師工作時都幾用力,一啲都唔輕鬆。」
菅式美容  http://www.kansbeauty.com 



Yamaha So
菅式美容 老闆
我哋剛喺旺角開第三間分店,對人手都有需求,請人時睇應徵者肯唔肯學,要有熱誠工作。

Angie 客人
我嘅左右顴骨唔對稱,有大細面,一直想改善,但又驚打針做手術。幾個月前,朋友紹我嚟試骨氣療法,完成 16次療程後,大細面改善咗,腮骨位明顯細左,望落塊面瘦晒。




治療前


治療後 還原靚靚療法

 




1.首先會為客人進行清潔及去角質的程序。


2.壓骨氣師會按、壓、刮等手法,為客人修正骨骼,面部主要集中在顴骨及腮骨位置,「雖然骨氣療法唔可以將你變成另一個人,但收窄骨縫後,可以達到女士最想要嘅瘦面效果。」


3.刮


4.按骨氣師會按壓穴位及按摩淋巴系統,幫助血液循環及排走毒素。


5.


6.整個療程總共 16次,在第一次、第八次和最後一次會使用石膏倒模以作紀錄,讓客人可以看出前後對比。

撰文:曾志恒
攝影:傅新發

    tvb4life 發表在 痞客邦 留言(0) 人氣()