與本地畫家 Chok sir合作推出的搞鬼 tee$212

U撈

賣衫初體驗 由實體鋪變網店

Ads by Google

大學生活不只限於讀書,找兼職賺外快也是一種生活體驗。修讀商科的 Addison,嘗試把課堂上學到的知識實踐出來,與幾位同學創業開實體店賣時裝。創業短短大半年,他們先嘗過賺錢滋味,之後經歷零售業的寒冬期,同學們最後因蝕錢產生分歧,要求退股, Addison並不灰心,重整旗鼓,把實體店變成網店,重新出發,這次創業挫折令他上了人生中寶貴的一課。

Addison  21歲 香港城市大學商業分析系 Yr.4

對於 Maze Ideology的發展方向, Addison表示會與更多的本地畫家合作,聯乘推出產品,「𠵱家搵到 5至 6位願意合作,會繼續搵多啲。」
facebook@Maze Ideology

「啱啱搞好退租嘅事,啲衫擺住喺屋企,我哋嚟緊除咗會開 ig及 facebook專頁外,仲會整網站, Maze Ideology係我哋一個新嘅出發點,希望能成功建立自己嘅品牌。」 Addison正密鑼緊鼓地籌備網上服裝店 Maze Ideology,正在讀書的他,原來已經歷過一次創業失敗的洗禮。
修讀商業分析的 Addison,在上年年尾與 Edison及另外 3位同學興起創業的念頭,「自己兼職做緊財務策劃,幫人買賣基金,月入約 1至 2萬,想喺大學生涯中試多啲嘢,見差唔多 last year,就想試吓將堂上學到嘅嘢實踐出嚟,我同幾個同學仔夾份創業,而自己對潮流、打扮有興趣,去旅行又鍾意買衫,就提議開服裝店。」
今年 2月,他們合資 15萬成立了 Novel Z,「 Edison有喺服飾店做過,知道廣州有地方入到日、韓系嘅服裝,我哋都有上去揀,希望搵啲質量好嘅衫。另外,我哋想開實體店,可以畀客人親手摸到啲衫嘅質料,先後搵過旺角、銅鑼灣嘅鋪位,百零呎閒閒地都要 3萬租,我哋最後喺荃灣南豐中心用咗$21,000租咗個百幾呎嘅鋪位,同時請咗兩個兼職 sales,我哋會就番 dayoff去看鋪。」




退租後,貨物全都擺放在 Addison的家中,「睇吓網店嘅生意點先,可能會租番個倉擺貨。」


Addison與同學 Edison正籌備發展網上服裝店 Maze Ideology,希望可以做出成績。


Addison早前在荃灣南豐中心開時裝店,現已退租。 創業更專心向學

為了做好 Novel Z,增加了 Addison專心向學的動力,「知自己上堂唔夠用心,有時又走吓堂,到當要諗點做多啲生意時,我會主動睇番之前學到嘅嘢有咩啱用。記得有科講 consumer behaviour,就番唔同年齡層畀優惠,後生仔冇咁看重折扣,反而幫佢哋襯衫,畀吓意見,佢哋會較願意幫襯你,真實試過,發現真係 work。」
除了入貨外,他們還與其他學生合作,推出自家品牌產品,「我哋搵讀緊設計或者時裝嘅學生合作,設計 tee及袋,佢哋可以有 portfolio,我哋又有屬於自己品牌嘅產品。」
本以為發展穩定,但隨着經濟不景氣, Novel Z的生意開始下跌, Addison與同伴產生了分歧,「開頭幾個月,生意唔錯,每人每月約分到$3,000,但隨着經濟變差,客人嘅購買意欲真係低咗,少咗人買衫,間鋪近 2、 3個月開始蝕錢,有啲 partner唔想再搞,但我唔想咁快放棄,覺得仲有得做,最後得我同 Edison繼續落去。」




與在讀設計的同學合作推出的自家品牌 tote bag$120


V煞圖案長袖恤衫$180


搞退租

少了合夥人,要死撐店鋪會比較困難,故 Addison決轉營網店,「間鋪簽咗 2年死約,要同業主搞退租,傾咗一輪,最後我哋寫咗封退租通知書畀佢,佢收咗封信,表示會沒收我哋畀嗰 3個月按金,同保留追究嘅權利,當叫搞掂咗。」
對於畢業後路向, Addison已有了初步的規劃,「如無意外會繼續做財務策劃,同時想搞好 Maze Ideology,打算同更多本地畫家,或者讀緊時裝設計嘅同學仔合作,推出 tee及其他產品。」




各式圖案 tee$130





Cyrus 客人行商場時見間鋪裝修幾有特色,入去睇發現啲衫質料唔錯,都啱自己着,就買咗幾件 tee,知道佢之後會轉網店,會繼續支持。

撰文:曾志恒
攝影:胡景禧
部分圖片由被訪者提供

    tvb4life 發表在 痞客邦 留言(0) 人氣()