從事珠寶行業,每天接觸的珠寶由幾千至過百萬不等, Elmo指細心謹慎好重要,「做嘢一定要有手尾,開飾櫃攞完首飾,就要即刻鎖番,鎖匙更加要隨身保管好。」

青雲路

珠寶業打滾 10年  80後變婚戒品牌揸 fit人

Ads by Google

近 10年,彌敦道上的金飾店開到成行成市,猶如便利店,總有一間在左近,不管自由行的購買力是否減弱,香港的珠寶業仍然以信譽佳見稱。
30歲不到的 Elmo,從事珠寶業已 10年,由珠寶工場 QC、銷售員到市場推廣等職位都擔當過,今年 7月更打理新成立的本地婚戒專門店,以 80後準新人為目標顧客,主打戴得舒服,有不俗口碑,望將品牌打造成明日香港珠寶業的新星。




Elmo(左一)指年輕人若對珠寶業有興趣,即使冇相關背景,都歡迎入行,「做珠寶銷售要有耐性,特別結婚係一生人一次,客人都想揀到最啱心水嘅婚戒,加上戒指戴上手先知效果,所以要慢慢試。」

年尾節日多,適逢佳節求婚的男士更多, HALF& HALF店鋪經理 Elmo也忙於籌備 11月的婚嫁展,「聖誕、除夕、情人節都係熱門嘅求婚時機,年尾係婚嫁首飾嘅旺季,生意會多 2至 3成,男士平均會花 4至 5萬去準備求婚戒指。」
29歲的 Elmo,從事珠寶業 10年,今年 7月開始負責打理一間本地婚戒專門店,「𠵱家間鋪有 5個人, 4個係銷售人員,我負責店鋪日常營運,包括盤點存貨及聯絡珠寶工場嘅師傅,亦要做市場推廣、員工培訓等工作。」
中五畢業後, Elmo在 IVE修畢珠寶設計課程,畢業後,她到珠寶工場擔任品質監控員,「要檢查粒石鑲得實唔實、成品合唔合乎規格,涉獵到珠寶首飾嘅製作步驟,好似鑲嵌、鍍金、打磨,真係大開眼界,加深咗我對各種首飾製造步驟嘅了解。」

差之亳釐

基本功紮實了, Elmo轉投珠寶零售店當銷售人員,「喺門市接觸到稀有嘅珠寶,例如粉紅色嘅海螺珠、紫鑽及藍鑽等。做珠寶呢行一定要識貨,兩粒石之間嘅少少差異,價值上可以相差好大,好似 90份同 1卡嘅鑽石,只係 6.3同 6.5mm嘅分別,價錢可能相差$30,000,學呢啲知識要花 5、 6年,慢慢浸。」
珠寶是高消費品, Elmo指要業績理想,留住樂意花錢的熟客非常重要。「做銷售一定要記性好,記住客人鍾意買寶石定珍珠,幫佢揀到心頭好,覺得你有佢心,先會翻轉頭搵你再買首飾。另外,佢哋鍾意介紹朋友嚟買珠寶,但你要記實佢朋友買咗嘅款式,唔好介紹番同款畀佢,防止撞款呢啲尷尬情況發生。」




近年新人比較喜歡碎鑽設計的婚戒,多於單一顆鑽石的設計。18K結婚指環$6,800(男裝)$7,800(女裝)


鑽石求婚戒指$10,000起(視乎鑽石質素與卡數而定)


除戒指外, HALF& HALF還有其他首飾售賣。藍寶鑽石頸鏈$7,700 口碑招生意

客人介紹也同樣是婚戒專門店的宣傳良方,因此, Elmo特別重視客人口碑。「 8月婚紗展,有一對客人買咗戒指後非常滿意,之後介紹朋友嚟睇,朋友再介紹朋友,結果我哋一共做咗佢 3對朋友嘅生意。大家對婚嫁事宜始終慎重,信親身用過嘅朋友多過廣告,我哋有 2、 3成客都係經前客人介紹。」
HALF& HALF是本地婚戒新品牌, Elmo參與了成立的過程,「選址、裝修、品牌主打咩客群、銷售策略,我都有參與。揀喺尖沙咀開門市,因為後面就係婚紗街,方便新人揀完婚紗過嚟買婚戒。現時客人以 80後居多,平均一對婚戒消費約 1萬,訂製需時約 2個月。」




店鋪經理要負責文書工作,整理存貨、與廠商或客人溝通等工作。


鑽石的質素以 4Cs決定, Elmo說:「 4Cs係指 Cut、 Color、 Clarity、 Carat Weight,買嘅時候最重要留意 GIA寶石鑑定證書,寫明粒石嘅質素。」 戴得舒適

Elmo指品牌是自己的心血結晶,希望增加品牌的人氣,「除咗手工要精緻外,婚戒更重要係戴得舒服,先可以戴一生一世。唔單止 size要啱,指環形狀要配合客人嘅日常生活,如平日鍾意打籃球嘅男士,外環要揀平面,冇咁易磨損,內環要有弧度,填補手指空隙。指環形狀可按客人需要,自由配搭。」
隨着八、九十後進入適婚年齡,追求與眾不同的年輕人當然要獨一無二的婚戒。「客人都想要特別啲,半訂製婚戒將會係我哋着重發展嘅服務,客人可以喺現成嘅款式上,增減鑲石、改動飾石位置或白金改玫瑰金等,製作自己嘅專屬婚戒。」
facebook@HALFNHALFHK




Mookma& Sunnie 客人品牌嘅設計意念「 When 2 Become 1」,令我哋好有共鳴,加上指環有唔同粗幼、厚度, fit晒指形,係我哋心目中嘅婚戒。


現時香港每年約有 8至 10個婚嫁展, Elmo認為是非常好的宣傳渠道,「我哋係新品牌,參加展覽可以增加曝光率;我哋會喺展覽上推出新設計,嚟緊 11月又會再參加婚嫁展。」 後記: 9年紀念

Elmo無名指上的婚戒也是自家原創,一共鑲了 9顆白鑽,「我哋拍拖 9年結婚,鑲 9粒石記念一吓。」 9年的愛情長跑最後修成正果,與 Elmo的事業一樣,愛情事業倆得意,羨慕死人。

選購婚戒貼士

1. Elmo指不同指形的新娘在挑選婚戒時要注重比例,「手指較粗及短嘅女士,唔好揀粗身嘅戒指,戴纖幼嘅指環,可令手指比例修長啲。」

2.另外,如果想戒指冇咁易變灰變黃, Elmo表示可選 Pt900白金,「 Pt900白金唔會變色,但就軟身啲,唔好戴嚟做碰撞多嘅運動。」




店內有不同弧度與厚度的指環,讓客人試戴。


HALF& HALF提供訂製服務, Elmo表示:「有啲男士想隻求婚戒特別啲,會要求搵一粒卡數,同另一半生日日期一樣嘅鑽石,如 1月 9日就搵 1.09卡,數目零丁嘅石比較難搵,訂製時間就要耐啲, 3個月或以上。」 點入行?

HALF& HALF店鋪經理 Elmo表示,現時很多有關珠寶業的專上課程,都適合有意入行的年輕人報讀。「婚嫁首飾喺婚嫁業內嘅銷售增長排第二,僅次於酒席,發展前景不俗。現時珠寶基礎課程好多元化,香港珠寶製造業廠商會、 GIA Laboratory等都有提供相關課程,有興趣加入行嘅年輕人可先裝備自己,提高競爭力。」

晉升階梯

店鋪經理
約$20,000以上
(5年以上工作經驗)

珠寶銷售員
由$16,000至$20,000
(2年以上工作經驗)

珠寶銷售助理
由$9,000至$15,000
(毋需經驗)

撰文:杜曉婷
攝影:傳新發
部分圖片由被訪者提供

    tvb4life 發表在 痞客邦 留言(0) 人氣()