專題 Log In

專業車手閉關地

Ads by Google

現時香港車手喺國際賽車舞台成績比以前更好,有賴賽車模擬器、高級賽車精品嘅車手俱樂部,業餘或職業車手都可以從中得到最好訓練,車迷入到店內,更可能被靚到不得了嘅賽車模型嚇傻!

Derek Bell親身模擬器

賽車模擬器就好似「龍珠」入面嘅精神時間屋咁,可以畀車手足不出戶就試到世界各地唔同嘅賽車場,對真正落場有極大幫助。前年都有賽車模擬器引入香港,不過新開業嘅 Blackbird Drivers' Club呢套耗資超過 300萬,仲加入咗車身動態系統,可以更像真模擬加速、煞車、轉彎時嘅車身動作,車手訓練更投入。
Blackbird Drivers' Club開幕當日,仲請嚟 Le Mans傳奇車手 Derek Bell現身試車。「今次係我第一次坐入賽車模擬系統內,感覺非常新鮮,無論係轉向同制動,反應都同真正嘅賽車相同。喺我哋嗰個年代,學習賽車嘅門檻極高,現時嘅賽車模擬器,可以話係以較少支出去學習賽車嘅最佳途徑。」
「我今日試跑嘅係法國 Le Mans 24小時耐力賽道,車輛係 70年代初嘅 Ferrari 512M賽車。由於 Le Mans跑道多年嚟作過唔少變化,而我對上一次駕駛 512M出賽已經係二十多年前嘅事,難以比較真實與虛擬圈速。不過睇賽車模擬系統嘅電腦資料,車輛喺 Mulsanne直路嘅極速約係 340km/h,與真車接近,可見車輛數據嘅真實性極高。」




模擬器內嘅軚盤係參照方程式賽車製造,負責人表示未來會增設 GT車及房車模擬軚盤。


座位嘅軟墊同安全帶都有充氣墊,模擬行車時嘅壓力。


模擬器連接電腦,可收集大量行車數據,指揮中心會有專人指導改善技術。


年屆 73歲嘅 Derek Bell係英國最偉大賽車手之一,曾 5奪 Le Mans冠軍及 3奪 Daytona冠軍。 收費!

$2,800/60分鐘(可二人同行)

Blackbird Drivers' Club
地址:柴灣嘉業街明報工業中心 A座 803室
查詢: 2553 2552

點只俱樂部咁簡單

最新開幕嘅 Blackbird Drivers' Club係以賽車模擬器作為主打,但一步入店內就發覺其他 Product嘅吸引力亦都非等閒!門口掛牆設有多部唔同年代 Ferrari模型,而下方就放咗嗰部車嘅 1:1軚盤,同真車用嘅完全一樣,可攞上手轉波、撳掣,全部限量發售。此外,店內唔少得大量 F1賽車現場照片同賽車實物部件展出,用無聲方式靜靜帶出賽車嘅熱血情懷。




睇呢個豪宅一樣嘅大廳放滿車迷寶物,喺度開車聚,氣氛一定正!


一入門口就有多部 F1模型同 1:1軚盤迎接客人。軚盤由 Ferrari提供資料、 Amalgam製造,所以像真度極高!$23,750起





意大利 Terzo Dalia出品嘅 Ferrari V12引擎模型,除咗縮細比例同埋唔可以入油運作外, 100%像真!$120,000


偏廳都充滿設計潮味,唔好以為賽車係污糟嘅玩意。

其實 Blackbird Drivers' Club都可以舉行車迷活動,供客人同大班車迷朋友一齊交流車經,而大廳一角放置一套、以 F1賽車排氣喉製成嘅意大利人手製 iXOOST XiLO音響,唔聽聲睇樣都嚇鬼!




意大利製嘅 iXOOST XiLO係入門級別,用 F1排氣喉扭成喇叭管,機底係 sub-woofer。$43,800


刻意露出接合焊位同螺絲,賽車嘅粗獷味表露無遺。


呢部小童版 Le Mans戰車係非賣品,據知係 Derek Bell個孫嘅小型賽車。


F1 Official歷史全集,由攝影到印刷都係極品質素,而且重到保齡球咁!$35,800 1:8模型 驚人精細度

唔少車迷都有儲下賽車模型,但要玩得精細,尋常嘅 1:43又點滿足到? Blackbird Drivers' Club仲代理埋英國 Amalgam賽車模型, 1:8超大 size可以 100%傳真呈現經典賽車每個細節,而且可供買家訂製,即係可以造你專屬車款,巴閉!
講賽車真係有排吹,大班朋友講幾耐都得。如果一條友喺屋企,收藏一本 F1歷史珍藏相集就有排睇!有齊歷年 F1經典場景及鮮為人知故事,$35,800一本,抵啦!




英國 Amalgam賽車模型以 1:8最正,除咗有最新款跑車外,經典名車都有,買家仲可以自訂獨一無二款式。$41,600起


名宿 Niki Lauda喺 1976年出戰日本富士嘅 Ferrari 312 T2戰車。


引擎艙細緻到同真車幾乎一樣,玩唔到真車可買部模型返去供奉。

撰文:袁國基
攝影:葉偉豪、被訪者提供

    tvb4life 發表在 痞客邦 留言(0) 人氣()