壹科林

iphone 6s拍片增值技

Ads by Google

iPhone 6s炒燶,自用用家最開心,買機毋須排長龍,新機好快到手。玩完 3D Touch、 Live Phone,當然要玩埋新增的 4K拍片,否則點對得住部新機。
不過,玩 4K拍片,如果求其拍,由於畫面質素高,好易俾人睇得出你是拍片初哥,所以點都要有幾件配件,先可以拍到靚的 4K片同朋友分享。想知有什麼工具適合?馬上話你知。

加鏡頭 拍出新視點

現時不少生產商都推出專為 iPhone而設的鏡頭,只要配埋專用的機殼,就可以隨時換鏡,用落都幾方便。而一般都會設有長鏡頭同廣角鏡兩種,甚至有部分品牌會有埋微距鏡頭,無論拍片同影相都適合。

推介產品: Manfrotto KLYP+

專為 iPhone 6s及 iPhone 6s Plus而設的拍攝套裝,有齊機殼、 3X長鏡頭及魚眼鏡頭之外,更有一個三段光度的 LED燈,並可隨意扣在機殼不同位置,拍片更加方便。
售價:$1,310
網址: http://www.manfrotto.hk 




只要裝上手機殼,就可以插上多種配件,包括補光燈、鏡頭等。


補光燈可任意扣在機殼四邊,更附設坐架接頭,都幾細心。 加手柄 拍得更穩定

要拍片拍得好,當然要為手機加個手柄,因為握位面積更大,操控更容易,就不怕出來畫面震盪不清。願意花錢,當然是買個三軸電子防手震手柄,不過價錢都幾貴,平的話可以揀小腳架,摺埋當手柄,打開可以放在枱上自拍,一物兩用。

推介產品: BeStableCam SteadyFone3


如果只放手機都算穩陣,不過再加配件,就未必夠力。

如果願意花錢買三軸電子防手震手柄,可以揀 BeStableCam SteadyFone3 3 Axis SmartPhone Stabilizer。最大用途是開啟後,無論上下左右移動部手機,鏡頭都會向同一個方向拍攝,之後至慢慢移動到你想拍的主體,令影片更流暢。
售價:$3,199
網址: http://www.microworks.com.hk 

Manfrotto PIXI腳架


Manfrotto PIXI腳架收起後,便成為圓柱形,方便手握。

設計特別的 Manfrotto PIXI腳架,最方便之處是腳部特別肥大,所以拎上手特別好拎,用來拍片好適合。
售價:$460

加咪 收音效果更好

拍得 4K片,當然是連接電視播俾朋友睇先夠開心。不過,駁得電視,就算畫質好,收音差都會扣分。想收聲收得好,可以選擇買外置收音咪,部分仲有單指向性(即只收集主體聲音,減少周圍雜音收音)或全指向性(周圍環境所有聲音都全部收音),易用之餘收聲又夠專業,朋友一定俾 Like。

推介產品: Zoom iQ6

標榜具有「錄音室等級」的 iPhone專用收音咪,最特別是其雙收音咪設計,只要扭動不同角度,便能改變收音範圍,只要調至 90度,就只接收前方聲音,但調至 120度,便能收到更廣闊的聲音。同時設有收音強度,可以調校至合適的聲量,就不怕收音太大聲或太細聲。
售價:$880
網址: http://www.tomleemusic.com.hk 




在聲量轉盤旁有指示燈,三燈全部開着表示收音理想,愈少燈着就愈差。


除了拍片之外,亦提供專用 app,日後加旁白錄音,都可以自己搞掂。 好片要靠 app

有好器材,都要有一個好的拍片 app幫手,因為手機內置的拍片介面始終太過簡單,未必能夠拍到出色的影片,以下特別介紹幾個好用的拍片 app,一定可以幫到手。

專業必選 ProCamera 8+ HDR

其實自有智能手機拍攝開始, ProCamera的功能一向都是同業模仿對象,影相功能夠強不在話下,拍片功能亦相當不錯,具有多項的功能設定,同時可自行控制對焦及曝光度,拍出來一定合心水。
售價:$38







簡單易用 Directr

預設有 storyboard,有齊取景角度、編輯影片及配樂,亦可以自行加入片頭、片尾、文字等,非常好用。不過,使用這個 app必須連接上網先用得,最好有 Wi-Fi先至慢慢拍。
售價:免費






撰文:蘆甘
攝影:關永浩
mailto:features@nextmedia.com

    tvb4life 發表在 痞客邦 留言(0) 人氣()