呂良偉兩公婆冇 order任何嘢,淨飲水!囝囝善揚就自己隊咗碟龍蝦天使麵,仲係清碟嗰隻。

同你吟一吟

老豆怕肥淨飲 呂良偉仔發肉勁食

Ads by Google

後生仔女,大部分都冇掣,要做嘢仲要顧住玩,有得休息都唔願瞓,但當年紀到咗咁上下,就會開始唔捱得,要保命玩耐啲,小心飲食保持運動多休息係三大法則。

當然,愈早愈着數。好似呂良偉咁,朝朝未天光就起身打拳練功,十幾年來幾乎日日如是,年尾就五十五歲嘅佢,狀態同個 look望落似四張頭。
老豆 fit到漏,但囝囝就由細到大都肥嘟嘟,早排暑假,兩公婆專登掟咗佢去美國參加軍訓營十幾日,等個仔捱吓學獨立,據講,善揚去完美國 camp,肚腩已經冇咗。
上個禮拜,一家三口同朋友喺 Cafe Landmark late tea,話晒五點幾六點,轉個頭就食晚飯,呂良偉兩公婆淨飲,但十四歲發育期嘅善揚,自己隊晒一碟龍蝦天使麵,勁擦得!其實又唔使太擔心!話晒呂良偉同楊小娟都係貪靚錫身嗰隻,有老豆老母做燈,過多幾年再大啲,就會自動波操番做瘦仔,希望得啦!




到老豆膊頭嘅善揚,渾身是肉,呂良偉同個仔拍埋一齊,顯得更 fit。


得一粒仔嘅呂良偉,踎低攬住朋友囡囡錫錫,之後仲抱住行,恨女恨到出晒面。





見呂良偉咁鍾意個小妹妹,得十四歲嘅善揚難免呷醋,係咁推住老豆行快啲。

撰文:八珍
mailto:nextplus.nextmedia.com

    tvb4life 發表在 痞客邦 留言(0) 人氣()