Brittany一招凌空攬腰,張家輝終於投降,孭就孭啦!

同你吟一吟

俾女扭 張家輝投降

Ads by Google

唔想下一代讀書太大壓力,好多有能力嘅父母,寧願額外再花心機篤住啲仔女學好中文,都選擇俾佢哋讀國際學校。之不過,有啲國際學校並唔係話你有錢買債券,就一定入到,好似係薄扶林嘅德瑞,你唔係德國籍同瑞士籍嘅話,一定要有本事,靠實力考入去,娛圈星二代,除咗學友個女,仲有張家輝囡囡 Brittany做得到!

寶貝女本身聰明夠醒目外,張家輝仲要多謝老婆關詠荷,為咗個女,付出百分百。之前暑假因為要開工拍戲,張家輝棄權湊女,連去旅行都冇份,新戲煞科,即刻埋位做廿四孝爹哋。上星期日,湊埋個女去中環,放低袋嘢喺 Joyce,跟住行去長江大廈攞車,就快十歲嘅 Brittany沿途係咁扭,要老豆孭佢,為咗達到目的, Brittany甚至凌空雙腳,單靠雙手箍住老豆條腰,成隻馬騮咁!
即係咁,個女好似影印自己咁,俾着任何人,都會投降,張家輝更加!







關詠荷教女有方, Brittany靠自己本事考入有錢都未必收嘅德瑞國際學校。


攞住大袋嘢嘅張家輝,喺 Joyce留咗廿分鐘,出返嚟第一時間戴口罩。


離開 Joyce行返過去長江大廈攞車,期間 Brittany不斷扭老豆孭。

撰文:八珍
mailto:nextplus.nextmedia.com

    文章標籤

    俾女扭 張家輝 投降

    全站熱搜

    tvb4life 發表在 痞客邦 留言(0) 人氣()