典(點)解嘅!又唔係靚,身材亦唔係特別標青,典解吳若希咁本事,出道幾年已經揸波子住豪宅嘅!

同你吟一吟

咪當吳若希係老襯

Ads by Google

打工仔要喺公司企穩陣腳,第一步係勤力,但要湊埋老細嘅又唔同講法,勤力冇用,一定要有能力;仲要唔好乜都 say yes,因為有啲老細會嫌你無挑戰性唔矜貴。

入行得四、五年,廿三歲吳若希可以揸完 Benz揸波子,住何文田豪宅睇三千萬樓,湊老細能力絕對超班。無論金主係 57歲股壇老手王弼燮定係五張十哥林棣權都好,總之愈老愈愛,道理顯淺:老男永遠鍾意後生女,吳若希唔係靚爆鏡,只係有手段夠,就中!
上星期五(十月十六日),吳若希約咗人喺中環鏞記食 lunch,唔想泊車煩,唔揸波子搭港鐵,經過 Landmark出面撞到錢箱黨,佢係咁意「質」咗個硬幣入去,過完馬路,又俾另一個黨員截住,吳若希望吓個錢箱,見係同一牌頭,唔落疊即走。
湊老細就話多啲嚟密啲手,俾錢錢箱黨,可一不可再,咪當我吳若希老襯先得㗎!




Landmark外面長駐錢箱黨,阿婆叫到,吳若希係咁意入咗個銀落去。


過完馬路再俾另一個錢箱黨截住,吳若希見係同一字頭,唔再做老襯。





食晏要去鏞記,衣食住行, 23歲吳若希一律富貴。


搭港鐵去中環,出站前特登走去曲奇店買嘢打散張一千蚊紙嘅吳若希,是日孭住個賣到斷晒貨嘅 Stella McCartney背包。

撰文:八珍
mailto:nextplus.nextmedia.com

    文章標籤

    咪當 吳若希 係老襯

    全站熱搜

    tvb4life 發表在 痞客邦 留言(0) 人氣()