探熱針

連詩雅 翻撻 百億 太子爺 石恆聰 連詩雅 守行為 等嫁

Ads by Google

出道五年的長腿女神連詩雅,曾被踢爆豪放連食 19男紀錄,十六歲時跟饒舌歌手曲赤的濕吻相更被流出,搞到女神聲淚俱下。不過自從去年翻撻身家逾百億的麻將館大王後人石恆聰( Anthony)後,獲男友照顧住九龍塘豪宅的她自動波守行為;拍拖一年,終被對方確認身份,有機會嫁入豪門,連詩雅乖乖等嫁。

解除訂婚約

現年二十七歲的連詩雅,早前接拍三級電影《野狼與瑪莉》,又露背又在鏡頭前玩食大鵰燒,豪放演出不但無損她跟百億男友石恆聰的感情,更獲對方肯定,御准以另一半身份,出席家族活動。
「 Shiga(連詩雅)同 Anthony好多年前拍過拖,當時兩個年紀都細,嗰陣 Shiga啱啱廿歲成日蒲老蘭, Anthony亦有好多女朋友,拍咗一陣就分開。其實同 Shiga翻撻前, Anthony有個有錢女朋友,兩個仲訂過婚,但最後都係散咗。」知情者說。




搵到超筍盤的連詩雅,唔使開工日子必定陪住男友,穩守防線。 圖片提供《蘋果日報》


搵到好男友,連詩雅的三點式泳裝照,只鋪朋友圈分享。


經常氹女友的石恆聰,會以熊仔表愛意。


男友送給她的大熊公仔,連詩雅特登影了多張合照放 ig。 租九龍塘豪宅

年多前,連詩雅成功翻撻前度後,細心又闊綽的 Anthony主動在九龍塘畢架山,租了個單位給女友和媽咪住。
「 Shiga爹哋破產後,佢哋試過窮到住劏房,生活好艱難, Anthony知女友係屋企經濟支柱,加上佢豪慣,有時成班朋友去夜場,一晚開十幾廿支 Dom Perignon(香檳),十幾萬埋單都面不改容,所以好多朋友都鍾意黐佢玩。 Shiga近年生活好咗,但都唔係搵得多, Anthony想佢同屋企人住得好啲,幾萬蚊租濕碎啦。」




由許廷鏗執導的微電影,連詩雅更加包冚做運動。


未拍拖前接拍的《野狼與瑪莉》,雖擺明是血腥打鬥片,但連詩雅一幕食大鵰燒場面,出晒位。


拍港台劇,走開性感路線的她,亦不介意做大肚婆。


跟媽咪感情要好,大時大節,連詩雅一定陪媽咪食飯。


有米男友照顧,冇工開的連詩雅放假多數揀去歐洲玩。 小心護筍盤

再復合,更懂得珍惜!除了生活上的支援, Anthony亦經常給女友驚喜,明知連詩雅鍾意熊公仔,去年聖誕,就送了隻比人還高的熊公仔給她做聖誕禮物,講金又講心。
「佢哋感情都好穩定, Anthony有時會帶 Shiga一齊出席家庭聚會,大時大節又會帶佢同屋企人慶祝,如無意外,兩個人應該會結婚。」
男友大把,連詩雅變得嚴選工作,《野狼與瑪莉》之類的大膽演出,將成絕響。
「當時 Shiga一心打入台灣巿場,加上又未同 Anthony喺番一齊,有機會當然唔放過!但復合之後,呢一年佢都好定性,有時間就陪男朋友;老實講, Anthony好樣又高大,屋企大把,家族喺歐洲都有生意,絕對係超筍盤, Shiga好小心保護呢段感情,之前一班姊妹上咗佢屋企游水,佢連泳衣相都唔敢 po,話費事男朋友唔鍾意。」知情者說。




早前出席《沒女神探》首映,連詩雅只露二十二吋小蠻腰,惜肉如金。


一二年拍《喜愛夜蒲 2》,跟關楚耀有多場火辣戲,兼騷長腿,被網民捧為長腿女神。


十六歲時,跟饒舌歌手曲赤拍過拖,二人更脷疊脷影親密照。


有筍盤男友,連詩雅十分檢點,去飲嘢也只會相約女朋友。


自從被踢曾經豪放愛蒲老蘭,連詩雅即洗底改形象,跟周柏豪狂做運動,又去跑馬拉松。


家族資產逾百億

連詩雅男友石恆聰是「麻將大王」家族後人,父親石鑑輝非常猛料,曾是四大華探長呂樂身邊紅人,退休後買下大量油尖旺物業及地鋪,坐擁九龍塘森麻實道花園獨立屋, 13年更以 9,300萬買下中環威靈頓街 53號全幢,單是物業,市值已逾百億港幣。由於家族開設瑞興麻雀館,故被稱「麻將大王」,財雄勢大!

嫁得好

嫁個有錢人!嫁到個多金老公,仲要後生同錫老婆,娛圈女子,唔一定要靚絕宇宙,都可以將夢想變事實。



吳雨霏
吳雨霏( Kary)和丈夫洪立熙( Brian)青梅竹馬,翻撻後拉埋天窗,老公 Brian生於運動世家,父親洪德成曾任體育新生命基金會行政總裁,家住渣甸山,出身富貴的他近年投身金融業,憑人脈取得不少大客戶。



徐若瑄
比老婆徐若瑄細兩年的李雲峰是新加坡上市公司馬可波羅海業( MarcoPolo Marine)集團總裁,身家億計。老公離過婚跟前妻育有兩個女,但徐若瑄寧願瞓床多個月,幾經辛苦,為另一半誕下囝囝 Daltan。

撰文、攝影、攝錄:娛樂組

    tvb4life 發表在 痞客邦 留言(0) 人氣()